དེབ་འདི་འདྲ་ཞིག་པར་དུ་བསྐྲུན་པ་འདིས།མཚོ་ལྷོ་ཁུལ་གྱི་ལོ་ལྔའི་གསར་རྩོམ་བརྩམས་ཆོས་ལ་ཕྱིར་རྟོག་དང་སྤྱི་བསྡོམས་ཐེངས་ཤིག་སྟེ།སྒྲུང་གཏམ་དང་།ལྷུག་རྩོམ།སྙན་ངག་སོགས་རྩོམ་ལུས་མི་འདྲ་བ་དུ་མ་འདུས་པས་མཉམ་རོལ་དང་ཉར་ཚགས་ཀྱི་རིན་ཐང་ཆེས་ཆེར་ལྡན་ལ།བྱེ་བྲག་ཏུ་རང་རེའི་ཤེས་ལྡན་པའི་སྡེ་ཡི་དཔུང་ཤུགས་མཚོན་ཞིང་གསར་རྩོམ་གྱི་མོས་པ་མངའ་བ་ཀུན་ལ་ཡར་སྐུལ་གྱི་ནུས་པ་ཞིག་ཏུའང་ངེས།རྟོག་པ་འཆར་ཡན་གྱིས་བཏེགས་ཤིང་།སྒྲིག་གཞི་ཚགས་དམ་གྱིས་མཛེས་པ།བརྩེ་དུང་ལ་ཟབ་བརླིང་མངའ་བ།དཔེ་རྣམས་ངོ་འཕྲོད་ཅིང་ལྷག་པར་འབྱོར་བ།ངོ་གདོང་རབ་རིབ་ཀྱིས་མ་གཡོགས་པ།ཁྱད་ཆོས་ཀྱི་རྐང་ཚུགས་པ་སོགས་ཀྱི་ལམ་ནས་ཚེ་སྲོག་དང་མི་གཤིས།རྣམ་ཤེས་གསུམ་གྱི་འཇིག་རྟེན་ལེགས་པར་མཚོན་འདུག་ཅིང་།རང་བྱུང་གི་བཀོད་པ་དང་མི་ཆོས་ཀྱི་མཛེས་ལྗོངས་ལ་མྱོང་བ་ཟབ་མོ་དང་ཞིབ་རྟོག་རྣོན་པོས་སྒྱུ་རྩལ་གྱི་སྣང་བརྙན་སྟོང་ཕྲག་བཞེངས་ཏེ།རྩོམ་རིག་སྒྱུ་རྩལ་གྱི་བར་སྟོང་ཆེ་རུ་ཕྱེ་འདུག་པ་དང་།དུས་རབས་ཀྱི་རང་མདངས་མངོན་པར་གསལ་ཞིང་།དངོས་ཡོད་ཀྱི་འཚོ་བས་མཐའ་ནས་བརྒྱན་ལ།ལོ་རྒྱུས་ཀྱི་རིག་པ་བཅུད་དུ་འཚེར...

ཉེ་ཆར།རྔ་བ་ཁུལ་བོད་ཀྱི་ལོ་རྒྱུས་རིག་གནས་གནའ་གཞུང་ཞིབ་འཇུག་མཐུན་ཚོགས་ཀྱིས་བསྒྲིགས་པའི༼རྒྱལ་རོང་གི་རི་ཆུའི་རིག་གནས་དཔེ་ཚོགས༽ཁྲོད་ཀྱི་པོད་གསུམ་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས།...

ཉེ་ཆར།སྡེ་དགེ་རྫོང་རིག་གནས་སྒྱུ་རྩལ་དང་སྤྱི་ཚོགས་ཚན་རིག་མཉམ་འབྲེལ་ལྷན་ཚོགས་ནས་བསྒྲིགས་པའི«མདོ་ཁམས་སྡེ་དགེའི་སྡེ་བྲིས་ཡིག་གཟུགས་ལེགས་བཏུས་མེས་པོ་དགྱེས་པའི་མཆོད་སྤྲིན»ཞེས་པ་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས།...

ཉེ་ཆར།བོད་ལྗོངས་སློབ་ཆེན་གྱི་དགེ་རྒན་བསྟན་འཛིན་མཚུངས་མེད་ལགས་ནས་བརྩམས་གནང་མཛད་པའི་དེབ་གསར«ནག་ཤོད་ཀྱི་གནའ་རབས་ལོ་རྒྱུས་དང་རིག་གནས་ཞིབ་འཇུག»ཅེས་པ་བོད་ལྗོངས་མི་དམངས་དཔེ་སྐྲུན་ཁང་ནས་པར་དུ་བསྐྲུན། ...

དེབ་འདིར་གནའ་བོའི་ཕོ་བྲང་རྟེན་རྫས་བཤམས་མཛོད་གླིང་དུ་ཉར་བའི་བོད་ཡིག་གི་གླེང་གཞི་དང་མཇུག་བྱང་རྣམས་ཕྱོགས་གཅིག་ཏུ་བསྡུས་ནས་འགྱུར་མཆན་བཏབ་ཡོད་པས་རིག་གཞུང་ཞིབ་འཇུག་པའི་སྡེ་ལ་རྨང་གཞིའི་རྒྱུ་ཆ་དང་ལོ་རྒྱུས་ཀྱི་དཔྱད་གཞི་གལ་ཆེན་མཁོ་འདོན་བྱས་ཡོད།རྒྱུ་ཆ་འདི་དག་གིས་ཆིང་སྲིད་གཞུང་སྐབས་ཀྱི་དབང་སྒྱུར་པའི་འཚོ་བ་དང་མི་རིགས་ཁག་དབར་གྱི་སྤེལ་རེས་དང་འགྲོ་འོང་།མཉམ་འདྲེས་སོགས་ཀྱི་ལོ་རྒྱུས་དོན་དངོས་མཚོན་ཡོད་པས།སྐབས་དེའི་མི་རིགས་སྲིད་ཇུས་དང་ནང་བསྟན་ལོ་རྒྱུས།བོད་བརྒྱུད་ནང་བསྟན་གྱི་ཆོ་ག་དང་ཕྱག་ལེན་སོགས་ཀྱི་སྐོར་ལ་ཞིབ་འཇུག་བྱེད་པར་ཕན་ནུས་གང་ལེགས་ཐོན་ཡོད།...

སྤྱིར་བོད་ཀྱི་བྲིས་གཟུགས་འདི་ནི་ཐུན་མོང་མིན་པའི་སྲོལ་རྒྱུན་རིག་གནས་ཀྱི་གྲུབ་ཆ་གལ་ཆེ་ཞིང་ཁྱད་ཆོས་བླ་ན་མེད་པ་ཞིག་སྟེ།བསྡོམས་ན་རིགས་མི་འདྲ་བ་ཉིས་བརྒྱ་ལ་ཟིན་པར་གྲགས་ནའང་།འདིའི་ཐད་ཀྱི་རིག་གཞུང་བསྟན་བཅོས་དེ་ཙམ་མང་པོ་མཐོང་རྒྱུ་མེད་ཅིང་།སྒོས་སུ་བྲིས་པ་དག་གི་ཁྲོད་ནས་ཀྱང་བྲིས་གཟུགས་ཀྱི་རྒྱུ་མཚན་དང་གནས་ལུགས་བཤད་ཐུབ་མཁན་དཀོན་པོར་ཆགས་ཡོད།དེ་བས་བསྟན་བཅོས་འདི་ནི་ལོ་རྒྱུས་ཐོག་ཉི་ཟླ་ལྟར་གྲགས་ཆེ་བའི་མཁས་དབང་ཁྱུང་པོ་གཡུ་ཁྲི་འབར་གྱིས་མཛད་པར་གྲགས་པའི་ཡི་གེའི་བསྟན་བཅོས་གཞིར་བྱས་ནས་བོད་ཀྱི་བྲིས་གཟུགས་འཕེལ་རྒྱས་ཀྱི་གོ་རིམ་དང་འབྲི་སྨྱུག་འབྲི་ཤོག་གི་བཟོ་ལུགས། ཡི་གེའི་སྒྲིག་གཞི་དང་ཁྱད་ཆོས།དབྱངས་བཞི་གསལ་བྱེད་སུམ་ཅུའི་འབྲི་ལུགས་བཅས་གསལ་བོར་བརྗོད་ཡོད།...

ཉེ་ཆར།ཏུན་ཧོང་ཞིབ་འཇུག་ཁང་གི་འབུམ་རམས་པ་གཡུ་རྔོག་པདྨ་དབང་རྒྱལ་དང་མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་གཞོན་པ་ཆུ་ཀྱཱ་དབང་མཆོག་འབུམ།དཔལ་ཁྲི་རྫོང་རྟེན་མཛོད་ཁང་གི་འགོ་གཙོ་ལོ་ཀྲི་ཚེ་བཅས་ཀྱིས་སྒྲིག་རྩོམ་བྱས་པ«མཆོད་རྟེན་མཚེ་མའི་གནའ་ཤུལ་ནས་གསར་དུ་རྙེད་པའི་བོད་ཡིག་གནའ་དཔེ་དག་སྒྲིག་དང་དེའི་དཔྱད་པ»ཞེས་པའི་དེབ་གསར་འདི་ཉིད་སི་ཁྲོན་མི་རིགས་དཔེ་སྐྲུན་ཁང་ནས་པར་བསྐྲུན་འགྲེམས་སྤེལ་བྱས།...