མཚོ་ལྷོ་ཁུལ་གྱིས་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་དང་དྲིག་སྒྲོག་བྱེད་པའི་ཚ་རླབས་བསླངས།

     སྤྱི་ཟླ11པའི་ཚེས1ཉིན། མཚོ་ལྷོ་བོད་རིགས་རང་སྐྱོང་ཁུལ་ཏང་ཨུའི་ཧྲུའུ་ཅི་ཀྲང་ཝུན་ཁོའེ་ཡིས་ཁུལ་ཏང་ཨུའི་རྒྱུན་ལས་རྒྱ་སྐྱེད་གྲོས་ཚོགས་ལ་འགོ་འཛིན་བྱས་ཏེ་ཏང་གི་ཚོགས་ཆེན་བཅུ་དགུ་པའི་དགོངས་དོན་དང་ཞིང་ཆེན་ཏང་ཨུའི་སྐབས་བཅུ་གསུམ་པའི་ཚང་འཛོམས་གྲོས་ཚོགས་ཐེངས་གཉིས་པའི་དགོངས་དོན་བརྒྱུད་སྒྲོག་བྱས་པ་དང་ཁུལ་ཡོངས་ཀྱིས་ཏང་གི་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་དང་དྲིལ་སྒྲོག ལག་ལེན་མཐར་ཕྱིན་བྱེད་པའི་བྱ་བར་བཀོད་སྒྲིག་བྱས། ཀྲང་ཝུན་ཁོའེ་ཡིས་བསྟན་དོན། ཁུལ་ཡོངས་ཀྱི་གོང་འོག་ཚང་མས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་སྔར་ལས་མཐུན་སྒྲིལ་དམ་ཟབ་བྱེད་དགོས་པ་དང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་བསམ་བློས་བསམ་བློ་དང་འགུལ་སྐྱོད་གཅིག་གྱུར་བྱེད་པ། ཏང་གི་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་དང་དྲིལ་སྒྲོག་བྱེད་རྒྱུ་དེ་ཁུལ་ཡོངས་ཀྱི་མིག་སྔར་དང་རྗེས་ཕྱོགས་ཀྱི་དུས་སྐབས་ཤིག་གི་ཆབ་སྲིད་ལས་འགན་དང་པོར་བརྩིས་ཏེ་ཁུལ་ཡོངས་ནས་ཏང་གི་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་བྱེད་པའི་ཚ་རླབས་སློང་དགོས་པ་དང་། ཏང་གི་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་བཟང་བོ་བྱེད་པ་དེ་མཚོ་ལྷོའི་འཕེལ་རྒྱས་ལ་སྐུལ་འདེད་གཏོང་བའི་བསམ་བློའི་དྲག་ཆས་སུ་འགྱུར་བར་བྱེད་དགོས་ཟེར།
     ཚོགས་འདུའི་སྟེང་འབྲེལ་ཡོད་འགོ་ཁྲིད་དག་གིས་བསྟན་དོན། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་དང་ཚད་མཐོན་པོའི་གཅིག་གྱུར་བྱས་ཏེ་ཆབ་སྲིད་ལས་འགན་དོན་འཁྱོལ་བྱེད་དགོས། ཚོགས་ཆེན་གྱི་དགོངས་དོན་ལ་གོ་བ་ཡང་དག་བླངས་ཏེ་སྙན་ཞུའི་ནང་དོན་ཁོང་དུ་ཆུད་པར་བྱེད་དགོས། ཡིད་ཆེས་དང་ཆོད་སེམས་ཇེ་བརྟན་དུ་བཏང་སྟེ་དམངས་སེམས་སྟོབས་ཤུགས་གཅིག་བསྡུས་བྱེད་དགོས་ཟེར།
     ཏང་གི་ཚོགས་ཆེན་བཅུ་དགུ་པ་ཚོགས་པའི་ཚུན་ལ། མཚོ་ལྷོ་ཁུལ་གྱིས་གཙོ་གནད་འབུར་ཐོན་ཡོང་བ་རྒྱུན་འཁྱོངས་དང་གནད་འགག་དམ་འཛིན་བྱས་ཏེ་ཁུལ་ཡོངས་ནས་ཏང་གི་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་དང་དྲིལ་སྒྲོག ལག་ལེན་མཐར་ཕྱིན་བྱེད་པའི་ཚ་རླབས་བསླངས་པ་དང་། གཞི་རིམ་གྱི་ཏང་ཀྲི་པུའུ་སོ་སོས་ཏང་གི་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་དང་དྲིལ་སྒྲོག་བྱེད་པ་དང་སློབ་གཉིས་བྱེད་གཅིག་གི་སློབ་སྦྱོང་སློབ་གསོ་རྒྱུན་རྣམ་ཅན་དུ་གཏོང་བ་གཉིས་ཟུང་འབྲེལ་བྱས་ཏེ་གཟབ་ནན་གྱིས་ཚོགས་འདུ་གསུམ་དང་སློབ་ཁྲིད་གཅིག་གི་ལམ་ལུགས་དོན་འཁྱོལ་བྱས་པ་དང་། ཏང་ཡོན་བྱ་འགུལ་ཉིན་མོའི་བྱ་འགུལ་སྤེལ་བ་སོགས་བྱ་འགུལ་ནང་རྐྱེན་དུ་བྱེད་པ། མི་སྒེར་གྱིས་སློབ་སྦྱོང་བྱེད་པ་དང་གཅིག་བསྡུས་སློབ་སྦྱོང་བྱེད་པ་གཉིས་ཟུང་སྦྲེལ་བྱེད་པ། མ་ཡིག་ལ་སློབ་སྦྱོང་བྱེད་པ་དང་གཙོ་གནད་འགྲེལ་ཀློག་བྱེད་པ། མྱོང་ཚོར་འབྲི་བ། བརྗེ་རེས་གཏམ་བཤད་སྤེལ་བ་བཅས་ཟུང་འབྲེལ་བྱེད་པའི་བྱེད་ཐབས་སྤྱད་དེ་རྒྱ་ཆེའི་ཏང་ཡོན་ལས་བྱེད་པ་རྩ་འཛུགས་བྱས་ཏེ་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱེད་དུ་བཅུག་ནས་ཏང་གི་ཚོགས་ཆེན་བཅུ་དགུ་པའི་དགོངས་དོན་ལ་སློབ་སྦྱོང་བྱས་པ་དང་ནུས་ཡོད་སྒོས་ཏང་གི་ཚོགས་ཆེན་བཅུ་དགུ་པའི་དགོངས་དོན་ཞིབ་ཕྲའི་ལག་ལེན་ཁྲོད་ནས་ལག་བསྟར་དོན་འཁྱོལ་བྱེད་པར་སྐུལ་འདེད་བཏང་།
     མཚོ་ལྷོ་ཁུལ་གྱིས་རོང་འབྲོག་ཁུལ་གྱི་དངོས་ཡོད་གནས་ཚུལ་དང་ཟུང་འབྲེལ་བྱས་ནས་གཞི་རིམ་ཏང་ཡོན་ལས་བྱེད་པའི་སྒྲོག་འགྲེལ་རུ་ཁག་དང་གཞིས་ཁུལ་ཞབས་ཞུའི་སྒྲོག་འགྲེལ་རུ་ཁག ན་གཞོན་དང་བླངས་པའི་སྒྲོག་འགྲེལ་རུ་ཁག་སོགས་སྒྲོག་འགྲེལ་རུ་ཁག་བཅུ་རྩ་འཛུགས་བྱས་ཏེ་གཞི་རིམ་གྱི་མང་ཚོགས་སྒྲོག་འགྲེལ་རུ་ཁག་སོགས་དང་མཉམ་འབྲེལ་སྒོས་ལས་ཁུངས་དང་ཁེ་ལས། སྡེ་བ། གཞིས་ཁུལ་སོགས་སུ་སོང་ནས་སྒྲོག་འགྲེལ་བྱ་འགུལ་སྤེལ་ནས་ཁུལ་ཡོངས་ཀྱི་རིགས་སོ་སོའི་མང་ཚོགས་ཀྱི་བསམ་བློ་ཏང་གི་ཚོགས་ཆེན་བཅུ་དགུ་པའི་སྟེང་གཅིག་གྱུར་ཡོང་བར་བྱས་པ་དང་ཏང་གི་ཚོགས་ཆེན་བཅུ་དགུ་པས་གཏན་ལ་ཕབ་པའི་རིགས་སོ་སོའི་བྱ་བའི་ལས་འགན་མངོན་འགྱུར་བྱེད་པའི་སྟེང་སྟོབས་ཤུགས་གཅིག་བསྡུས་ཡོང་བར་བྱས།
     དེ་དང་མཉམ་དུ། མཚོ་ལྷོ་ཁུལ་གྱི་རིམ་པ་སོ་སོའི་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པ་རྣམས་ཀྱིས་ཞིང་ཆེན་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དང་རྨ་འབྲི་རྫ་གསུམ་འབྱུང་ཡུལ་གྱི་ལྗང་མདོག་ཐོན་ལས་མཉམ་བསྲེས་འཕེལ་རྒྱས་གཏོང་བའི་སྔོན་སྐྱོད་ཁུལ་འཛུགས་སྐྲུན་བྱེད་པའི་དམིགས་འབེན་རྒྱུན་འཁྱོངས་བྱེད་པ་དང་། དམངས་ཚིས་འགན་སྲུང་དང་སྐྱེ་ཁམས་སྲུང་སྐྱོབ། སྤྱི་ཚོགས་བརྟན་འཇགས། ཏང་གི་འཛུགས་སྐྲུན་སོགས་ལས་འགན་གཙོ་བོ་བཞིར་སྐུལ་འདེད་བཏང་སྟེ་ཤུགས་ཆེན་པོས་སྒྱུར་བ་བཞིར་བརྟེན་ནས་ཏན་ཏན་ཏིག་ཏིག་བཞིའི་བླང་བྱ་གལ་ཆེན་དང་ཏང་གི་ཚོགས་ཆེན་བཅུ་དགུ་པའི་དགོངས་དོན་མཚོ་ལྷོ་ཁུལ་ནས་རྩ་བ་ཚུགས་ཤིང་རྩེ་མོ་རྒྱས་པར་བྱེད་པ་དང་གྲུབ་འབྲས་དངོས་ལོན་པར་སྐུལ་འདེད་བཏང་།