ཚོགས་ཆེན་བཅུ་དགུ་པའི་སྙན་ཞུའི་སློབ་སྦྱོང་ཟུར་ཁྲིད་ཀློག་དེབ་དཔེ་སྐྲུན་འགྲེམས་སྤེལ་བྱས་པ།

     བློ་མཐུན་ཞི་ཅིན་ཕིང་གིས2017ལོའི་ཟླ10བའི་ཚེས18ཉིན་ཀྲུང་གོ་གུང་ཁྲན་ཏང་རྒྱལ་ཡོངས་འཐུས་མི་ཚོགས་ཆེན་ཐེངས་བཅུ་དགུ་པའི་ཐོག་གནང་བའི་སྙན་ཞུ《ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་རྒྱལ་ཁ་ཕུ་ཐག་བཅད་དེ་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རླབས་ཆེན་རྒྱལ་ཁ་ལེན་དགོས》ཞེས་པའི་དེབ་རྐྱང་པ་མི་དམངས་དཔེ་སྐྲུན་ཁང་གིས་དཔེ་སྐྲུན་བྱས་པ་དང་དེ་ཉིན་ནས་བཟུང་རྒྱལ་ཡོངས་ཀྱི་ཤིན་ཧྭ་དཔེ་ཚོང་ཁང་ནས་འགྲེམས་སྤེལ་བྱས་པ་རེད།
     ཤིན་ཧྭ་གསར་འགྱུར་ཁང་པེ་ཅིང་ནས་ཟླ10བའི་ཚེས27ཉིན་གློག་འཕྲིན་འབྱོར་གསལ། རྒྱ་ཆེའི་ཏང་ཡོན་དང་། ལས་བྱེད་པ། མང་ཚོགས་བཅས་ཀྱིས་ཏང་གི་ཚོགས་ཆེན་བཅུ་དགུ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱ་ཆེད། ཀྲུང་དབྱང་གི་འབྲེལ་ཡོད་ཕྱོགས་ཀྱིས《ཚོགས་ཆེན་བཅུ་དགུ་པའི་སྙན་ཞུའི་ཟུར་ཁྲིད་ཀློག་དེབ》དང་། 《ཚོགས་ཆེན་བཅུ་དགུ་པའི་སྙན་ཞུའི་ཟུར་ཁྲིད་དྲི་བ་བརྒྱ》《ཚོགས་ཆེན་བཅུ་དགུ་པའི་ཏང་གི་སྒྲིག་ཡིག་བཟོ་བཅོས་འཆར་ཟིན་གྱི་སློབ་སྦྱོང་དྲིས་ལན》བཅས་ཀྱི་སློབ་སྦྱོང་ཟུར་ཁྲིད་ཀློག་དེབ་རྩོམ་བཟོ་བྱས་པ་དེ་ཏང་གི་ཀློག་དེབ་དཔེ་སྐྲུན་ཁང་གིས་དཔེ་སྐྲུན་འགྲེམས་སྤེལ་བྱས་པ་རེད།