རང་ཞིང་གིས་མང་ཚོགས་དབུལ་ཕོངས་ལས་ཐར་བར་ཁག་ཐེག་བྱ་རྒྱུ་རེད།

      2017ལོར་མཚོ་སྔོན་ཞིང་ཆེན་གྱིས་གནད་ཁེལ་དབུལ་ཐར་སྲིད་ཇུས་མ་ལག་འཐུས་ཚང་དུ་བཏང་སྟེ།  གནད་ཁེལ་དབུལ་ཐར་ལམ་ལུགས་ཀྱི་འགན་སྲུང་དང་ཐོན་ལས་དབུལ་སྐྱོར་ལག་བསྟར་བྱེད་ཤུགས་ཇེ་ཆེར་བཏང་།  ཞིང་ཆེན་ཏང་ཨུའི་ཡིག་ཆ་དང་པོའི་ནང་།གནད་ཁེལ་དབུལ་སྐྱོར་དང་གནད་ཁེལ་དབུལ་ཐར་ཀྱི་ཐབས་ཇུས་རྒྱུན་འཁྱོངས་བྱས་ནས་སྲིད་ཇུས་མ་ལག་འཐུས་དང་བྱ་བའི་བྱེད་ཐབས་ཤུགས་ཆེར་བཏང་སྟེ།  ལམ་ལུགས་འགན་སྲུང་འཛུགས་པ་དང་རོགས་སྐྱོར་རྣམ་པ་གསར་སྐྲུན་བྱས་ནས་དབུལ་ཕོངས་རྫོང11དབུལ་ཐར་འབྱུང་བ་དང་དབུལ་ཕོངས་སྡེ་བ500དབུལ་ཐར་འབྱུང་བ།  དབུལ་ཕོངས་མི་གྲངས་ཁྲི14དབུལ་ཐར་འབྱུང་བའི་ལོ་ཧྲིལ་བོའི་དམིགས་ཚད་ལས་འགན་གཏན་འཁེལ་བྱས་ཡོད།
      དབུལ་ཐར་མཁྲེགས་གཏོར་ནི་ཞིང་ཕྱུགས་ལས་ཀྱི་མཁོ་སྤྲོད་སྒྲིག་གཞི་རང་བཞིན་བཅོས་བསྒྱུར་ལ་སྐུལ་འདེད་བྱེད་པའི་ལས་འགན་གཙོ་བོ་གྲས་ཤིག་ཡིན་ལ།  ད་ལོར་མཚོ་སྔོན་གྱིས་དབུལ་སྐྱོར་དང་མ་མཐའི་འཚོ་བའི་འགན་སྲུང་ལམ་ལུགས་འབྲེལ་མཐུད་བྱེད་པའི་བྱ་བ་མངོན་འགྱུར་བྱ་རྒྱུ་རེད།  བྱེད་ཐབས་སྣ་མང་སྤྱད་དེ་དབུལ་ཕོངས་མི་གྲངས་ཀྱི་བསམ་བློ་དང་འགུལ་སྐྱོད་གཉིས་གཅིག་གྱུར་ཡོང་བར་སྣེ་ཁྲིད་ནས་དབུལ་ཐར་ཕྱུག་བསྒྱུར་གྱི་ཧུར་བརྩོན་རང་བཞིན་དང་རང་འགུལ་རང་བཞིན་ལ་སྐུལ་སློང་བྱེད་པ་དང་།  བརྟན་བརླིང་ངང་དབུལ་ཐར་བྱེད་པའི་ཡུན་ཕན་ལམ་ལུགས་སོགས་ཀྱི་སྲིད་ཇུས་གསར་འཛུགས་དང་འཐུས་ཚང་དུ་བཏང་ཞིང་།  དབུལ་ཕོངས་རྫོང་དང་དབུལ་ཕོངས་སྡེ་བ།དབུལ་ཕོངས་ཁྱིམ་ཚང་དབུལ་ཐར་བྱུང་རྗེས་ཀྱི་རྗེས་མཐུད་རོགས་སྐྱོར་སྲིད་ཇུས་ཞིབ་འཇུག་གཏན་འཁེལ་བྱས།