༄༅།།ཏང་གི་ལོ་རྒྱུས་ཤེས་བྱ་ཆིག་བརྒྱ་མ། (1)

དང་པོ།
ལོ་རྒྱུས་བཞི་ནི།  ཏང་གི་ལོ་རྒྱུས་དང་ཀྲུང་གོ་གསར་བའི་ལོ་རྒྱུས། བཅོས་བསྒྱུར་སྒོ་འབྱེད་ཀྱི་ལོ་རྒྱུས། སྤྱི་ཚོགས་རིང་ལུགས་འཕེལ་རྒྱས་ཀྱི་ལོ་རྒྱུས་བཅས་སོ།།
གཉིས་པ།
1919ལོར་ལི་ཏ་ཀྲའོ་ཡིས《ན་གཞོན་གསར་བ》ཡི་སྟེང《ང་ཡི་མར་ཁེ་སི་རིང་ལུགས་ཀྱི་ལྟ་བ》ཞེས་པའི་རྩོམ་ཡིག་སྤེལ་ཏེ། མ་ལག་ལྡན་པའི་སྒོ་ནས་མར་ཁེ་སི་རིང་ལུགས་ཀྱི་དངོས་གཙོ་ལོ་རྒྱུས་ལྟ་བ་དང་ཆབ་སྲིད་དཔལ་འབྱོར་རིག་པ། ཚན་རིག་སྤྱི་ཚོགས་རིང་ལུགས་ཀྱི་རྨང་གཞིའི་རིགས་པའི་གཞུང་ལུགས་ངོ་སྤྲོད་བྱས།
གསུམ་པ།
《གུང་ཁྲན་ཏང་གི་བསྒྲགས་གཏམ》གྱི་རྒྱ་ཡིག་གི་ཐོག་མའི་འགྱུར་ཆ་ཚང་ནི་ཁྲིན་ཝང་ཏའོ་ཡིས་བསྒྱུར་ཞིང་།1920ལོའི་ཟླ8པར་ཧྲང་ཧེ་སྤྱི་ཚོགས་རིང་ལུགས་ཞིབ་འཇུག་ཁང་གིས་དཔར་བསྐྲུན་བྱས།
བཞི་བ།
ཀྲུང་གོ་གུང་ཁྲན་ཏང་གི་ཐེངས་དང་པོའི་རྒྱལ་ཡོངས་འཐུས་མིའི་ཚོགས་ཆེན་དེ1921ལོའི་ཟླ7པའི་ཚེས23ཉིན་འཚོགས་ཤིང་། ཚོགས་ར་ཧྲང་ཧེའི་ཧྥ་རན་སིའི་བཙན་གཡར་ས་ཆའི་ཝང་ཀྲི་ལམ་གྱི་སྒོ་རྟགས་ཨང106པ(ད་ལྟའི་ཞིན་ཡེ་ལམ་གྱི་སྒོ་རྟགས་ཨང76པ)ལ་བཀོད་སྒྲིག་བྱས། ཚོགས་ཆེན་གྱི་ཆེས་མཐའ་མཇུག་གི་ཚོགས་འདུ་དེ་ཀྲེ་ཅང་ཅཱ་ཞིན་གྱི་ནན་ཧུའུ་མཚེའུ་ཡི་ཡུལ་སྐོར་མཚོ་གྲུར་གནས་སྤར་ཏེ་འཚོགས།
ལྔ་བ།
ཀྲུང་གོ་གུང་ཁྲན་ཏང་གི་ཐེངས་དང་པོའི་རྒྱལ་ཡོངས་འཐུས་མིའི་ཚོགས་ཆེན་སྟེང་ཁྲིན་ཏུའུ་ཞིའུ་ཀྲུང་དབྱང་ཅུས་ཀྱི་ཧྲུའུ་ཅིར་བདམས།
དྲུག་པ། 
ཀྲུང་གོ་གུང་ཁྲན་ཏང་གི་ཐེངས་དང་པོའི་རྒྱལ་ཡོངས་འཐུས་མིའི་ཚོགས་ཆེན་གྱི་གཞི་རྩའི་གྲོས་དོན་ནི་ཚད་ལྡན་ཅན་གྱི་ཀྲུང་གོ་གུང་ཁྲན་ཏང་དངོས་སུ་བཙུགས་པ་དེ་ཡིན།
བདུན་པ།
གྲུ་ཆེན་དམར་པོའི་སྙིང་སྟོབས་ནི་གནམ་ས་གོ་འབྱེད་དང་ཀུན་གྱི་སྔོན་ལ་བསྒྲུབ་ཕོད་པ་དེ་ཡིན།
བརྒྱད་པ།
ཏང་གི་ཚོགས་ཆེན་གཉིས་པ1922ལོའི་ཟླ7པའི་ཚེས16ཉིན་ནས་ཚེས23ཉིན་བར་ཧྲང་ཧེ་ནས་འཚོགས།
དགུ་བ།
ཏང་གི་ཚོགས་ཆེན་གཉིས་པས་གཏན་ལ་ཕབ་པའི་ཏང་གི་ཆེས་མཐོའི་རྩ་འཛིན་དང་ཆེས་དམའ་བའི་རྩ་འཛིན་ལས། ཆེས་མཐོའི་རྩ་འཛིན་ནི་འབྱོར་མེད་གྲལ་རིམ་རྩ་འཛུགས་བྱས་ཤིང་གྲལ་རིམ་འཐབ་རྩོད་ཀྱི་བྱེད་ཐབས་སྤྱད་ནས་ངལ་རྩོལ་མི་དམངས་ཀྱི་སྲིད་དབང་སྒེར་འཛིན་གྱི་ཆབ་སྲིད་འཛུགས་པ་དང་། རྒྱུ་ནོར་སྒེར་ལ་དབང་བའི་ལམ་ལུགས་རྩད་རྫོགས་བྱས་ཏེ། རིམ་གྱིས་གུང་ཁྲན་རིང་ལུགས་སྤྱི་ཚོགས་མངོན་འགྱུར་བྱ་རྒྱུ་དེ་ཡིན། ཆེས་དམའ་བའི་རྩ་འཛིན་ནི་ནང་འཁྲུག་མེད་པར་བཟོ་བ་དང་། དམག་ཤེད་ཅན་གྱི་མགོ་རྟིང་བསློག་པ། རྒྱལ་ནང་ལ་ཞི་བདེ་བསྐྲུན་པ་དང་རྒྱལ་སྤྱིའི་བཙན་རྒྱལ་རིང་ལུགས་ཀྱི་གཉའ་གནོན་རྩ་མེད་དུ་བཏང་སྟེ། ཀྲུང་ཧྭ་མི་རིགས་གཞི་ནས་སྒེར་ཚུགས་བྱེད་ཐུབ་པར་མ་ཟད། གཅིག་གྱུར་གྱི་ཀྲུང་གོ་ནི་དོན་དངོས་སྟེང་དམངས་གཙོའི་སྤྱི་མཐུན་རྒྱལ་ཁབ་ཞིག་ཏུ་བསྒྱུར་རྒྱུ་དེ་ཡིན།
བཅུ་བ། 
ཏང་གི་ཚོགས་ཆེན་གསུམ་པས་གུང་ཁྲན་ཏང་ཡོན་རང་ངོས་ནས་གོ་མིན་ཏང་ལ་ཞུགས་ནས། གོ་གུང་མཉམ་འབྲེལ་མངོན་འགྱུར་བྱེད་པ་དང་། དུས་མཚུངས་སུ་ངེས་པར་ཆབ་སྲིད་དང་བསམ་བློ། རྩ་འཛུགས་ཀྱི་སྟེང་ནས་རང་ཉིད་ཀྱི་སྒེར་ཚུགས་རང་བཞིན་སྲུང་འཛིན་བྱེད་དགོས་པར་ཐག་བཅད།
བཅུ་གཅིག 
བདུན་གཅིག་ལྔའི“གུང་ཁྲན་ཏང་ལོགས་སུ་བཀར་བའི”དོན་རྐྱེན་ལ་བརྟེན་ནས། ཐེངས་དང་པོའི་གོ་གུང་མཉམ་འབྲེལ་ཕྱོགས་ཡོངས་ནས་འཐོར་ཞིང་གསར་བརྗེ་ཆེན་མོ་མཇུག་མཐར་ཕམ་ཉེས་བྱུང་བ་མཚོན།
བཅུ་གཉིས།
ནན་ཁྲང་འོས་ལངས་ཀྱིས་དྲག་ཆས་ལ་བརྟེན་ནས་གོ་མིན་ཏང་ལོག་སྤྱོད་ཕྱོགས་ཁག་ལ་ངོ་རྒོལ་བྱེད་པའི་མེ་མདའ་དང་པོ་བརྒྱབ་པས། ཀྲུང་གོ་གུང་ཁྲན་ཏང་གིས་རང་ཚུགས་ཀྱིས་གསར་བརྗེ་ལ་མགོ་ཁྲིད་བྱེད་པ་དང་། མི་དམངས་དམག་དཔུང་སྒྲིག་འཛུགས་བྱེད་པ། དྲག་ཆས་ལ་བརྟེན་ནས་སྲིད་དབང་འཛིན་པའི་མགོ་བརྩམས་པ་མཚོན།
བཅུ་གསུམ། 
1926ལོའི་ཟླ7པའི་ཚེས9ཉིན། བྱང་འདུལ་དམག་འཁྲུག་དངོས་སུ་མགོ་བརྩམས།
བཅུ་བཞི། 
བྱང་འདུལ་དམག་འཁྲུག་གི་འབོད་ཚིག་ནི་མ་རྩ་རིང་ལུགས་རྩ་མེད་དུ་གཏོང་བ་དང་དམག་ཤེད་ཅན་གཙང་སེལ་བྱ་རྒྱུ་དེ་ཡིན།
བཅོ་ལྔ། 
བརྒྱད་བདུན་གྲོས་ཚོགས་ནི1927ལོའི་ཟླ8པའི་ཚེས7ཉིན་ཧུའུ་པེ་ཧན་ཁུག་ནས་འཚོགས་པ་ཡིན།
བཅུ་དྲུག 
བློ་མཐུན་མའོ་ཙེ་ཏུང་གི“མེ་མདའ་ལ་བརྟེན་ནས་སྲིད་དབང་འཛུགས་པ”ཞེས་པའི་སྐད་གྲགས་ཆེ་བའི་ཆོད་གཏམ་ཡང་བརྒྱད་བདུན་གྲོས་ཚོགས་སྟེང་བཏོན་པ་ཡིན།
བཅུ་བདུན། 
ཀྲུང་གོ་གུང་ཁྲན་ཏང་གིས་བཙུགས་པའི་ཐོག་མའི་གསར་བརྗེ་གནས་གཞིའི་ས་ཁུལ་ནི་ཅིན་ཀང་རི་བོའི་གསར་བརྗེ་གནས་གཞིའི་ས་ཁུལ་ཡིན།
བཅོ་བརྒྱད། 
མོ་ཙེ་ཏུང་གིས་མགོ་ཁྲིད་བྱས་པའི་ཞང་ཀན་མཐའ་མཚམས་ཀྱི་སྟོན་སྡུད་འོས་ལངས་ཀྱི་དམག་དཔུང་དེ1927ལོའི་ཟླ10བར་ཅང་ཞིས་ཉིན་ཀཱང་ལ་སླེབས་ཏེ། ཅིན་ཀང་རི་བོའི་གསར་བརྗེ་གནས་གཞིའི་ས་ཁུལ་གྱི་འཐབ་རྩོད་བྱེད་པའི་མགོ་བརྩམས།
བཅུ་དགུ། 
1928ལོའི་ཟླ6པའི་ཚེས18ཉིན་ནས་ཟླ7པའི་ཚེས11ཉིན་བར། ཀྲུང་གོ་གུང་ཁྲན་ཏང་གི་སྐབས་དྲུག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་དེ་ཨུ་རུ་སུའི་རྒྱལ་ས་མོ་སི་ཁོའི་ཉེ་འདབས་ཀྱི་གྲོང་རྡལ་ཙི་བེ་ཉི་ཀའོ་ལའོ་ཏིའ“དངུལ་མདོག་གཞིས་སྒར”དུ་གསང་བའི་སྒོ་ནས་འཚོགས།
ཉི་ཤུ། 
དམར་དམག་རྒྱང་སྐྱོད་ནི1934ལོའི་ཟླ10བར་མགོ་བརྩམས་ཤིང1936ལོའི་ཟླ10བར་མཇུག་བསྡུས་པ་ཡིན།