༄༅།།ཏང་གི་ལོ་རྒྱུས་ཤེས་བྱ་ཆིག་བརྒྱ་མ། (3)

ཞེ་གཅིག
1956ལོའི་ཟླ9པར་འཚོགས་པའི་ཏང་གི་ཚོགས་ཆེན་བརྒྱད་པའི་སྟེང་། སྤྱི་ཚོགས་རིང་ལུགས་ཀྱི་གཞི་རྩའི་སྤྱི་ཚོགས་ལམ་ལུགས་བཙུགས་རྗེས་ཀྱི་རྒྱལ་ཁབ་ཕྱི་ནང་གི་གནས་བབ་དང་། རྒྱལ་ནང་གི་འགལ་ཟླ་གཙོ་བོའི་འགྱུར་ལྡོག་ལ་དབྱེ་ཞིབ་ཡང་དག་བྱས་ཤིང་། སྤྱི་ཚོགས་རིང་ལུགས་ཀྱི་བསྒྱུར་བཀོད་དེ་གཞི་རྩའི་ཆ་ནས་ལེགས་འགྲུབ་བྱུང་རྗེས། ཏང་དང་རྒྱལ་ཁབ་ལ་འཕྲད་པའི་ལས་འགན་ཆེས་གལ་ཆེ་ཤོས་ནི་ཐོན་སྐྱེད་ནུས་ཤུགས་ལ་སྲུང་སྐྱོབ་དང་གོང་འཕེལ་གཏོང་རྒྱུ་དེ་ཡིན་ཞེས་ནན་གྱིས་བསྟན།
ཞེ་གཉིས།
1958ལོའི་ཟླ5པར། ཏང་གི་ཚོགས་ཆེན་ཐེངས་བརྒྱད་པའི་གྲོས་ཚོགས་ཐེངས་གཉིས་པས་དངོས་སུ“ངར་ཤུགས་གཅིག་སྒྲིམ་དང་ཡང་རྩེ་ལྷུར་ལེན། མང་མྱུར་ལེགས་བསྲིའི་སྤྱི་ཚོགས་རིང་ལུགས་འཛུགས་སྐྲུན་བྱེད་པའི”སྤྱིའི་ལམ་ཕྱོགས་བཏོན། གྲོས་ཚོགས་ཀྱི་རྗེས་སུ། ཕྱོགས་རེ་བའི་སྒོ་ནས་བཟོ་ཞིང་ལས་ཐོན་སྐྱེད་དང་འཛུགས་སྐྲུན་གྱི་ཚད་མཐོའི་མྱུར་ཚད་བརྩོན་ལེན་བྱས་ཏེ། འཆར་གཞིའི་དམིགས་ཚད་མཐོར་འདེགས་དང་བཟོ་བཅོས་བྱེད་པ་མཚོན་རྟགས་ཡིན་པའི“མཆོང་སྐྱོད་ཆེན་པོའི”ལས་འགུལ་རྒྱལ་ཡོངས་ཀྱི་ཁྱབ་ཁོངས་ཡོངས་སུ་སྤེལ།
ཞེ་གསུམ།
ཏང་གི་སྐབས་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དགུ་པས་རྒྱལ་དམངས་དཔལ་འབྱོར་ཕྱོགས་ནས“ལེགས་སྒྲིག སྲ་བརྟན། འཐུས་ཚང་། མཐོར་འདེགས”བཅས་ཡིག་བརྒྱད་བྱེད་ཕྱོགས་དངོས་སུ་གཏན་འབེབས་བྱས།
ཞེ་བཞི།
“ངེས་པར་གཉིས”སྟེ། ངེས་པར་ཁེངས་སྐྱུང་དང་གཟབ་ནན། ང་རྒྱལ་མི་སྐྱེས་པ་དང་འཚབ་འཚུབ་མི་བྱེད་པའི་སྤྱོད་ཚུལ་མུ་མཐུད་དུ་རྒྱུན་འཛིན་བྱེད་པ་དང་། ངེས་པར་དཀའ་སྤྱད་འབད་བརྩོན་གྱི་སྤྱོད་ཚུལ་མུ་མཐུད་དུ་རྒྱུན་འཛིན་བྱེད་པ།
ཞེ་ལྔ།
“ངོ་རྒོལ་གསུམ”གྱི་ལས་འགུལ་ནི། ལྐོག་ཟ་ལ་ངོ་རྒོལ་དང་ཆུད་ཟོས་ལ་ངོ་རྒོལ། དཔོན་ཉམས་རིང་ལུགས་ལ་ངོ་རྒོལ་བྱེད་པ་བཅས་ཡིན།
ཞེ་དྲུག
“ངོ་རྒོལ་ལྔ”ཡི་ལས་འགུལ་ནི། ལྐོག་རྔན་སྤྲོད་པར་ངོ་རྒོལ་དང་ཁྲལ་སྐུང་ཁྲལ་ཆད་ལ་ངོ་རྒོལ།རྒྱལ་ཁབ་ཀྱི་རྒྱུ་ནོར་རྐུ་རྒྱག་གཡོ་ལེན་ལ་ངོ་རྒོལ། རྒྱུ་འཕྲི་སླ་བཅོས་ལ་ངོ་རྒོལ། རྒྱལ་ཁབ་ཀྱི་དཔལ་འབྱོར་གསང་འཕྲིན་རྐུ་བར་ངོ་རྒོལ་བྱེད་པ་བཅས་ཡིན།
ཞེ་བདུན།
དུས་རབས20བའི་ལོ་རབས60པར“ཏང་གི་ལས་བྱེད་པ་བཟང་པོའི”མཚན་སྙན་ཐོབ་མཁན་ནི་ཅའོ་ཡུས་ལུའུ་ཡིན།
ཞེ་བརྒྱད།
རྒྱལ་ཡོངས་ནས“བློ་མཐུན་ལེ་ཧྥེང་ལ་སློབ་སྦྱོང་བྱེད་པའི”ཚ་རླབས་དེ1963ལོར་མགོ་ཚུགས།
ཞེ་དགུ།
1964ལོའི་ཟླ10པའི་ཚེས16ཉིན། ཀྲུང་གོའི་ནུབ་རྒྱུད་ཀྱི་ལུའོ་པུའུ་ཕའོ་ཚོད་ལྟའི་རྟེན་གཞི་ནས་རྡུལ་ཕྲན་འབར་མདེལ་དང་པོ་བདེ་བླག་ངང་འབར་གས་བྱུང་། དེས་ནུས་ཤུགས་ཆེན་པོས་སྟོབས་ལྡན་རྒྱལ་ཁབ་ཀྱི་ཉིང་རྡུལ་སྒེར་སྡེམ་དང་ཉིང་རྡུལ་སྙད་འཚོལ་འཇིགས་སྐུལ་རྦད་དེ་གཏོར་བས་རང་རྒྱལ་གྱི་རྒྱལ་སྤྱིའི་གོ་གནས་ཇེ་མཐོར་ཕྱིན།
ལྔ་བཅུ།
1964ལོའི་ཟླ12པ་ནས1965ལོའི་ཟླ1པོའི་བར། རྒྱལ་ཡོངས་མི་དམངས་འཐུས་ཚོགས་སྐབས་གསུམ་པའི་གྲོས་ཚོགས་ཐེངས་དང་པོ་འཚོགས། ཐེངས་འདིའི་གྲོས་ཚོགས་ཐོག་དེང་རབས་ཅན་བཞི་མངོན་འགྱུར་བྱེད་པའི་ལས་འགན་བཏོན།
ང་གཅིག
1967ལོའི་ཟླ2པར། ཐན་ཀྲེན་ལིན་དང་ཁྲེན་དབྱི། ཡེ་ཅན་ཡིང་སོགས་བློ་མཐུན་རྒན་པས་རིག་གནས་གསར་བརྗེ་ཆེན་པོའི་ནོར་འཁྲུལ་ལ་སྐྱོན་བརྗོད་དྲག་པོ་བྱས་མོད། ཅང་ཆིང་དང་ཁང་ཧྲིན་སོགས་ཀྱིས“ཟླ་གཉིས་པའི་རླབས་ལྡོག”ཡིན་ཞེས་མ་ཉེས་ཁག་འགེལ་བྱས།
ང་གཉིས།
1977ལོར་མཐོ་རྒྱུགས་ལམ་ལུགས་སླར་གསོ་བྱས་ཤིང་། རྒྱལ་ཡོངས་ཀྱི་མཐོ་རིམ་སློབ་གྲྭས་ཡང་བསྐྱར་གཅིག་གྱུར་རྒྱུགས་སྤྲོད་ལ་བརྟེན་ནས་སློབ་མ་གསར་པ་བསྡུ་ལེན་བྱས།
ང་གསུམ།
1978ལོའི་ཟླ5བའི་ཚེས11ཉིན། «འོད་ཟེར་ཉིན་རེའི་ཚགས་པར»སྟེང་ཁ་བྱང་ལ«ལག་ལེན་ནི་བདེན་དོན་ཞིབ་བཤེར་བྱེད་པའི་ཚད་གཞི་ཉག་ཅིག་ཡིན»ཞེས་པའི་ཆེད་ཞུ་དཔྱད་གཏམ་པའི་རྩོམ་ཡིག་ཅིག་སྤེལ། དེར་བརྟེན་ནས་བདེན་དོན་གྱི་ཚད་གཞིར་འབྲེལ་བའི་གནད་དོན་སྐོར་གྱི་གྲོས་བསྡུར་ཆེན་པོ་ཞིག་རྒྱལ་ཡོངས་ནས་སྤེལ།
ང་བཞི།
1978ལོའི་ཟླ12པའི་ཚེས13ཉིན། ཏེང་ཞའོ་ཕིང་གིས་ཀྲུང་དབྱང་གི་ལས་དོན་གྲོས་ཚོགས་ཐོག«བསམ་བློ་བཅིངས་འགྲོལ་དང་དངོས་ཐོག་བདེན་འཚོལ། རྡོག་རྩ་གཅིག་སྒྲིལ་གྱིས་མདུན་ཕྱོགས་སུ་ལྟ་བ»ཞེས་པའི་གསུང་བཤད་སྤེལ། གསུང་བཤད་དེར་ཚོགས་ཞུགས་མི་སྣའི་སྤྲོ་སེམས་འཁོལ་བའི་བརྩི་བཀུར་ཐོབ་པ་དང་། དོན་དངོས་སུ་གསུང་བཤད་དེ་དེའི་རྗེས་སུ་ཚོགས་པའི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་གཙོ་དོན་སྙན་ཞུར་གྱུར།
ང་ལྔ།
1978ལོའི་ཟླ12པར་འཚོགས་པའི་ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་ནི། ཀྲུང་གོ་གསར་པ་ཚུགས་པའི་ཚུན་གྱི་ཏང་གི་ལོ་རྒྱུས་ཐོག་དོན་སྙིང་གཏིང་ཟབ་ལྡན་པའི་འཕོ་འགྱུར་རླབས་ཆེན་ཞིག་ཡིན་ལ། ཐེངས་འདིའི་གྲོས་ཚོགས་ཐོག་ཏང་ཡོངས་ཀྱི་ལས་ཀའི་གཙོ་གནད་དེ་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་པའི་ཕྱོགས་སུ་བསྒྱུར་བར་གཏན་ལ་ཕབ་པས། རང་རྒྱལ་བཅོས་སྒྱུར་སྒོ་འབྱེད་ཀྱི་དུས་སྐབས་གསར་པར་སླེབས་པ་མཚོན།
ང་དྲུག
ཏེང་ཞའོ་ཕིང་གིས་བཏོན་པའི་རྩ་བའི་རྩ་དོན་བཞི་ནི། སྤྱི་ཚོགས་རིང་ལུགས་ཀྱི་འགྲོ་ལམ་རྒྱུན་འཁྱོངས་དང་། འབྱོར་མེད་གྲལ་རིམ་གྱི་སྲིད་དབང་སྒེར་འཛིན་ཏེ་མི་དམངས་དམངས་གཙོའི་སྲིད་དབང་སྒེར་འཛིན་རྒྱུན་འཁྱོངས། གུང་ཁྲན་ཏང་གི་མགོ་ཁྲིད་རྒྱུན་འཁྱོངས། མར་ལེ་རིང་ལུགས་དང་མའོ་ཙེ་ཏུང་དགོངས་པ་རྒྱུན་འཁྱོངས་བྱེད་པ་བཅས་ཡིན།
ང་བདུན།
ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པའི་ཐོག«ཏང་ནང་ཁུལ་ཆབ་སྲིད་འཚོ་བའི་སྐོར་གྱི་ཚད་གཞི་འགའ་ཞིག»ལ་གྲོས་འཆམ་བྱུང་།
ང་བརྒྱད།
1981ལོའི་ཟླ6པར། ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་ཐོག«རྒྱལ་ཁབ་བཙུགས་ཚུན་གྱི་ཏང་གི་ལོ་རྒྱུས་གནད་དོན་འགའི་སྐོར་གྱི་གྲོས་ཆོད»ལ་གྲོས་འཆམ་བྱུང་བས། རྒྱལ་ཁའི་ངང་ཏང་གི་སློབ་སྟོན་བསམ་བློ་ཕྱོགས་ཀྱི་ཟིང་བཅོས་ཡོ་བསྲང་བྱས་པ་མཚོན།
ང་དགུ།
1982ལོའི་ཟླ9པར། ཏེང་ཞའོ་ཕིང་གིས་ཏང་གི་ཚོགས་ཆེན་བཅུ་གཉིས་པ་མགོ་ཚུགས་པའི་གསུང་བཤད་དུ“མར་ཁེ་སི་རིང་ལུགས་ཀྱི་ཡོངས་ཁྱབ་བདེན་དོན་དང་རང་རྒྱལ་གྱི་དངོས་ཡོད་ལས་དོན་ཟུང་འབྲེལ་བྱས་ཏེ། རང་གི་བགྲོད་ལམ་དུ་བསྐྱོད་པ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་འཛུགས་སྐྲུན་བྱེད་པ”གསལ་པོར་བསྟན།
དྲུག་ཅུ།
1984ལོའི་ཟླ10པའི་ཚེས20ཉིན། ཏང་གི་སྐབས་བཅུ་གཉིས་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག«དཔལ་འབྱོར་སྒྲིག་གཞི་བཅོས་བསྒྱུར་སྐོར་གྱི་ཆོད་དོན»ལ་གྲོས་འཆམ་བྱུང་། དེར་བརྟེན་ནས་རང་རྒྱལ་གྱི་དཔལ་འབྱོར་སྒྲིག་གཞི་བསྒྱུར་བཅོས་བྱེད་པའི་གཙོ་གནད་དེ་ཞིང་སྡེ་ནས་གྲོང་ཁྱེར་དུ་བསྒྱུར་པ་མཚོན།