གུང་ཧོ་རྫོང་གིས་ཏང་གི་འཁྲུངས་སྐར་ལ་ཕུལ་བའི་གཟེངས་བསྟོད་ཚོགས་ཆེན།

གུང་ཧོ་རྫོང་གིས་ཏང་བཙུགས་ནས་ལོ་འཁོར་བརྒྱ་ལོན་པར་རྟེན་འབྲེལ་ཞུ་བ་དང་སྔོན་ཐོན་གཅིག་དང་ཕུལ་བྱུང་གཉིས་ཀྱི་གཟེངས་བསྟོད་ཚོགས་ཆེན་བསྡུས།
ཀྲུང་གོ་གུང་ཁྲན་ཏང་བཙུགས་ནས་ལོ་འཁོར་བརྒྱ་ལོན་པའི་སྐབས་འདིར་གུང་ཧོ་རྫོང་གིས་སྔོན་ཐོན་གཅིག་དང་ཕུལ་བྱུང་གཉིས་ཞེས་པའི་གཟེངས་བསྟོད་ཚོགས་ཆེན་ཟླ6པའི་ཚེས22ཉིན་མཚོ་སྔོན་པོའི་ཐང་ཆེན་དུ་བསྡུས་པ་དང་། ཁུལ་ཨུའི་རྒྱུན་ཨུའམ་གུང་ཧོ་རྫོང་ཨུའི་ཧྲུའུ་ཅི་ཀྲང་ཧྥིན་དང་། ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་གསེར་མཚོ། ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ་ཚེ་རིང་། ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཅན་མེན་བཅས་གཟེངས་བསྟོད་ཚོགས་ཆེན་སྟེང་ཞུགས་ནས་ཏང་གི་འདས་ཟིན་པའི་གཟི་འོད་འཕྲོ་བའི་ལོ་རྒྱུས་ལ་ཕྱིར་དྲན་དང་། རྫོང་ཡོངས་ཀྱི་ཕུལ་བྱུང་ཏང་ཡོན་དང་སྔོན་ཐོན་གཞི་རིམ་གྱི་ཏང་རྩ་འཛུགས། དེ་མིན། པྲོག་གསར་རིམས་ནད་སྔོན་འགོག་དང་དབུལ་མཐར་མཁྲེགས་གཏོར་བྱ་བའི་ཁྲོད་བྱས་རྗེས་བཞག་པའི་སྔོན་ཐོན་སྡེ་ཁག་དང་། སྔོན་ཐོན་མི་སྒེར། ད་དུང་། ཏང་ནང་ཞུགས་ནས་ལོ50ལོན་པའི་ཏང་ཡོན་འཐུས་མི40ལ་ཏང་ནང་ཞུགས་པའི་གཟི་བརྗིད་ཀྱི་ལོ་ངོ་ལྔ་བཅུ་ཞེས་པའི་གཟེངས་རྟགས་གནང་བ་རེད།  གཟེངས་བསྟོད་ཚོགས་ཆེན་རྗེས་སུ་ཏང་གི་དགྱེས་སྟོན་དང་དམངས་ཀྱི་དུས་ཆེན།  གུང་ཁྲན་ཏང་གི་རྗེས་སུ་འབྲངས་ཞེས་པ་སོགས་རིག་རྩལ་འཁྲབ་སྟོན་བྱས་ནས་ཏང་གི་འཁྲུངས་སྐར་དང་མེས་རྒྱལ་ལ་བསྟོད་གླུ་ཕུལ་བ་རེད།