མཚོ་ལྷོ་བོད་རིགས་རང་སྐྱོང་ཁུལ་སྲིད་གྲོས་ཀྱི་སྐབས་བཅུ་བཞི་པའི་གྲོས་ཚོགས་ཐེངས་གཉིས་པ་འཚོགས།

        ཟླ༡པའི་ཚེས༡༡ཉིན། སྲིད་གྲོས་མཚོ་ལྷོ་ཁུལ་སྐབས་བཅུ་བཞི་བའི་གྲོས་ཚོགས་ཐེངས་གཉིས་པ་ཁུལ་གྲོས་ཚོགས་ལྟེ་གནས་སུ་འཚོགས་ལ། ཚོགས་ཆེན་སྟེང་ཐོན་དགོས་པའི་ཨུ་ཡོན༢༤༩ཡོད་ལ། དངོས་སུ་ཐོན་ཡོད་པའི་ཨུ་ཡོན༢༣༦ཡོད་པས་གཏན་འཁེལ་མི་གྲངས་དང་མཐུན།         སྔ་དྲོའི་དུས་ཚོད༩ཡི་སྟེང་། ཚོགས་ཆེན་རྔམ་བརྗིད་ལྡན་པའི་རྒྱལ་གླུའི་ཁྲོད་མགོ་བརྩམས་པ་རེད།         སྙན་ཞུའི་ལས་བསྟན་དོན། ༢༠༢༢ལོ་ནི“ལྔའི་བཅུ་བཞི་པའི”འཆར་འགོད་ལག་བསྟར་བྱེད་པའི་འགག་རྩའི་ལོ་ཞིག་ཡིན་ལ། ཁུལ་སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་ལས་དོན་གྱི་སྤྱིའི་བསམ་ཕྱོགས་དང་བླང་བྱ་ནི། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་ཏེ། ཏང་འཛུགས་སྐྱོང་བྱེད་པའི་སྙིང་སྟོབས་རླབས་པོ་ཆེ་དར་སྤེལ་དུ་བཏང་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཚོ་སྔོན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱེད་པ་དང་། ཁུལ་གྱི་ཏང་གི་འཐུས་མིའི་ཚོགས་ཆེན་ཐེངས་བཅུ་བཞི་བ་ལས་གཏན་འབེབས་བྱས་པའི“༡༢༣༤༥”ཡི་འབད་འཐབ་དམིགས་འབེན་ལ་དམིགས་ཏེ། དམངས་གཙོའི་ཆབ་སྲིད་འཛུགས་སྐྱོང་དང་ལམ་ལུགས་འཛུགས་སྐྱོང་། རང་ངོས་ཀྱི་ནུས་པ་འཛུགས་སྐྱོང་བཅས་ལ་སྐུལ་འདེད་གཏོང་རྒྱུ་དེ་གཙོ་བོར་བཞག་ནས་ཆབ་སྲིད་གྲོས་མོལ་གྱིས་དོན་ཆེན་ལ་དམིགས་པ་དང་སྲིད་ཞུགས་སྲིད་གླེང་གིས་དོན་དངོས་ལ་དོ་ཁུར་བྱེད་པ། དམངས་གཙོའི་ལྟ་སྐུལ་གྱིས་དཀའ་གནད་ལ་དམིགས་པ་བཅས་བྱས་ཏེ་རང་སྐྱོང་ཁུལ་ཀྱི་སྐྱེ་ཁམས་དཔལ་ཡོན་གྱི་མཐོ་ས་བཏོད་པ་དང་། ཁྱོན་ཡངས་པའི་གུང་ཧོ་གཤོང་ས་དར་རྒྱས་གཏོང་བར་སྐུལ་འདེད་གཏོང་བ། མི་དམངས་ལ་སྔར་བས་བདེ་སྐྱིད་ལྡན་པའི་འཚོ་བ་གསར་བ་གཏོད་པ་བཅས་ཀྱི་ཆེད་དུ་སྲིད་གྲོས་ཀྱི་བློ་གྲོས་དང་སྟོབས་ཤུགས་འདོན་དགོས་ཞེས་བསྟན་པ་རེད།         རེན་ཅན་མིང་གིས་སྲིད་གྲོས་སྐབས་བཅུ་བཞི་བའི་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་མངགས་བཅོལ་ལྟར། ཁུལ་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བརྒྱད་པ་འཚོགས་ཚུན་གྱི་གྲོས་གཞིའི་ལས་དོན་གནས་ཚུལ་གྱི་སྙན་ཞུ་ཕུལ་བ་དང་། སྙན་ཞུའི་ནང་ཁུལ་སྲིད་གྲོས་ཀྱི་སྐབས་བཅུ་གསུམ་པའི་གྲོས་ཚོགས་ཐེངས་བརྒྱད་པ་འཚོགས་ཚུན་རྒྱ་ཆེའི་སྲིད་གྲོས་ཨུ་ཡོན་གྱིས་གྲོས་གཞིའི་རྣམ་པའི་ཐོག་ནས་བསམ་འཆར་དང་གྲོས་མགོ༧༤བཏོན་པ་དང་ཨུ་ཡོན་མི་གྲངས༡༦༣ཟིན་ཡོད། ༢༠༢༡ལོའི་ལོ་མཇུག་བར་གྲོས་གཞི་དང་བསམ་འཆར༧༤ཚང་མ་འགྲུབ་པར་བྱས་ནས་བྱ་བའི་སྒྲུབ་ཚད་བརྒྱ་ཆའི༡༠༠ཟིན་པ་དང་། ཐག་གཅོད་བྱས་ཟིན་པའམ་གཞི་རྩའི་ཆ་ནས་ཐག་གཅོད་བྱས་ཟིན་པ༦༩ཡོད་པ་དེས་བརྒྱ་ཆའི༩༣.༢ཟིན་ཡོད། 
        ཨུ་ཡོན་གྱིས་འགན་སྒྲུབ་ལས་ཁུངས་ཀྱི་གྲོས་གཞི་བསྒྲུབ་པར་ཡིད་ཚིམས་ཚད་བརྒྱ་ཆའི༩༣.༢ཟིན་ཡོད། སྙན་ཞུའི་ཁྲོད་དུ་སྤུས་ཚད་ཀྱི་ཁྲིད་ཕྱོགས་མཐའ་འཁྱོངས་བྱེད་པ། གྲོས་གཞིའི་གནད་འཁེལ་ཐད་འབད་བརྩོན་བྱ་རྒྱུའི་ནུས་པ་མཐོར་འདེགས་སུ་བཏང་ཡོད། འགན་འཁྲིའི་ཁྲིད་ཕྱོགས་མཐའ་འཁྱོངས་བྱེད་པ། གྲོས་གཞིའི་ཞིབ་ཕྲའི་ཐད་འབད་བརྩོན་བྱ་རྒྱུའི་ནུས་པ་མཐོར་འདེགས་སུ་གཏོང་བ། བྱ་བའི་གྲུབ་འབྲས་ཐད་ཀྱི་ཁྲིད་སྟོན་རྒྱུན་འཁྱོངས་བྱེད་པ། གྲོས་གཞིའི་བདེན་པ་བདེན་འཚོལ་ཐད་འབད་བརྩོན་བྱ་རྒྱུའི་ནུས་པ་མཐོར་འདེགས་སུ་གཏོང་བ། དམིགས་ཡུལ་གྱི་ཁྲིད་ཕྱོགས་ལ་རྒྱུན་འཁྱོངས་བྱེད་པ། གྲོས་གཞིའི་ཞབས་ཞུའི་ཐད་འབད་བརྩོན་བྱ་རྒྱུའི་ནུས་པ་མཐོར་འདེགས་སུ་གཏོང་བ་བཅས་ཕྱོགས་བཞིའི་ཐད་ནས༢༠༢༢ལོའི་གྲོས་གཞིའི་ལས་དོན་ཐད་བླང་བྱ་བཏོན།