མཚོ་ལྷོ་བོད་རིགས་རང་སྐྱོང་ཁུལ་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་གཉིས་པ་མཇུག་སྒྲིལ།

        ཟླ1པོའི་ཚེས13ཉིན། ཀྲུང་གོ་མི་དམངས་ཆབ་སྲིད་ཚོང་དོན་གྲོས་མོལ་ཚོགས་འདུ་སྐབས་བཅུ་བཞི་བའི་མཚོ་ལྷོ་ཁུལ་ཨུ་ཡོན་ལྷན་ཁང་གི་གྲོས་ཚོགས་ཀྱི་གྲོས་རིམ་ཁག་ཁུལ་གྲོས་ཚོགས་ལྟེ་གནས་སུ་བདེ་བླག་ངང་མཇུག་སྒྲིལ།         གྲོས་ཚོགས་སྐབས་སུ། ཨུ་ཡོན་རྣམས་ཀྱིས་ཆབ་སྲིད་ཀྱི་འགན་འཁྲི་ཕྲག་ཏུ་བླངས་ནས་རང་སྐྱོང་ཁུལ་གྱི་བཅོས་བསྒྱུར་དང་གོང་སྤེལ། བརྟན་བརླིང་གསུམ་གྱི་གནད་དོན་གལ་ཆེན། མི་རིགས་སོ་སོའི་མང་ཚོགས་ཀྱིས་སེམས་ཁུར་བྱེད་པའི་གནད་དོན་དངོས་ལ་དམིགས་ཏེ། སྲིད་དོན་གྲོས་བསྡུར་གཏིང་ཟབ་དང་བསམ་འཆར་བསྡུ་ལེན། སྤུས་ཚད་མཐོ་བའི་ཐབས་འདོན་ཇུས་འབུལ་བྱས་ནས“དོན་དག་ཡོད་ན་གྲོས་བྱས་ཆོག”པའི་གྲོས་གཞི་དང་སྤྱི་ཚོགས་ཀྱི་གནས་ཚུལ་སོགས་བཏོན་ཏེ། སྤྲོ་སེམས་རབ་ཏུ་འཁོལ་བས་དུས་རབས་གསར་བའི་སྲིད་གྲོས་ཨུ་ཡོན་གྱིས་ཁྱོན་ཡོངས་ལ་བསམ་བློ་གཏོང་བ་དང་དམངས་དོན་གྱི་ཆེད་དུ་འགན་འཁྲི་བསྒྲུབ་པའི་འདུ་ཤེས་དང་དུས་རབས་ཀྱི་ཉམས་འགྱུར་གསལ་བོར་སྟོན་པ་དང་། འཕེལ་རྒྱས་ཀྱི་བརྒྱུད་རིམ་ཧྲིལ་བོའི་ནང་མི་དམངས་དམངས་གཙོ་དབྱར་མཚོ་བཞིན་རྒྱས་པའི་གསོན་ཉམས་དེ་མཚོན་ཡོད།         ཚོགས་འདུ་ལས་འབོད་སྐུལ་བྱས་དོན། ང་ཚོས་མཐུན་སྒྲིལ་གྱི་ལག་ཟུང་དམ་པོར་སྦྲེལ་ཏེ་བློ་མཐུན་ཞི་ཅིན་ཕིང་ལྟེ་བ་ཡིན་པའི་ཏང་ཀྲུང་དབྱང་གི་མཐའ་འཁོར་དང་ཁུལ་ཨུའི་ཡང་དག་པའི་སྣེ་ཁྲིད་འོག སྐྱེ་ཁམས་དཔལ་ཡོན་གྱི་མཐོ་ས་འཛུགས་སྐྲུན་དང་ཁྱོན་ཡངས་པའི་གུང་ཧོ་གཤོང་སའི་དར་རྒྱས་ལ་སྐུལ་འདེད་བྱས་ཏེ། སྲིད་གྲོས་ཀྱིས་མི་དམངས་ལ་བདེ་སྐྱིད་ལྡན་པའི་འཚོ་བ་གསར་བ་ཞིག་བསྐྲུན་པར་བློ་གྲོས་ཀྱི་སྟོབས་ཤུགས་འབུལ་དགོས་པར་མ་ཟད། གཡུར་དུ་ཟ་བའི་གྲུབ་འབྲས་ལེགས་པོ་ཞིག་གིས་ཀྲུང་གུང་ཚོགས་ཆེན་ཐེངས་ཉི་ཤུ་བ་དང་ཞིང་ཆེན་གྱི་ཏང་འཐུས་ཚོགས་ཆེན་ཐེངས་བཅུ་བཞི་བ་རྒྱལ་ཁའི་ངང་འཚོགས་པར་བསུ་མ་བྱ་དགོས།
        མཚོ་ལྷོ་ས་ཁུལ་གྱི་སྐབས་བཅུ་གཉིས་པའི་ཞིང་ཆེན་སྲིད་གྲོས་ཀྱི་ཨུ་ཡོན་དང་། ཁུལ་ཨུ་དང་ཁུལ་སྲིད་གཞུང་གི་འབྲེལ་ཡོད་སྡེ་ཁག ཆབ་ཆར་སྡོད་པའི་ཞིང་ཆེན་ལས་ཁུངས་ཀྱི་འགན་འཁུར་བློ་མཐུན། དེ་མིན་རྫོང་སོ་སོའི་རྫོང་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་། ཤང་དང་གྲོང་རྡལ་སོ་སོའི་སྲིད་གྲོས་འབྲེལ་གཏུག་གཞུང་ལས་ཁང་གི་ཀྲུའུ་རེན་བཅས་ཁྱོན་བསྡོམས་མི79གྲོས་ཚོགས་ལ་ཟུར་ཞུགས་བྱས།