མཚོ་ལྷོ་བོད་རིགས་རང་སྐྱོང་ཁུལ་དམངས་ཆེན་གྱི་སྐབས་བཅོ་ལྔ་པའི་གྲོས་ཚོགས་ཐེངས་གཉིས་པ་མཇུག་སྒྲིལ།

        ཁྱོན་ཡངས་པའི་གུང་ཧོ་གཤོང་སའི་ལྗང་མདོག་གི་དར་རྒྱས་ལ་སྐུལ་འདེད་བྱེད་པར་དམ་ཟབ་སྒོས་དམིགས་འབེན་ལ་ཐབས་འདོན་ཇུས་འབུལ་དང་ལྟ་སྐུལ་བྱ་དགོས། གསུམ་ནས་ལས་འགན་གསར་བ་ལག་བསྟར་བྱེད་པར་དཀའ་བ་སྤྱད་ནས་མདུན་དུ་བསྐྱོད་པ། མཚོ་ལྷོ་གནས་སའི་དུས་རབས་ཀྱི་གནས་ཚེག་དང་ལོ་རྒྱུས་ཀྱི་ཁ་ཕྱོགས་ཁོང་དུ་ཆུད་པ། ཁུལ་ཨུའི་འཐབ་ཇུས་ཀྱི་བཀོད་སྒྲིག་གལ་ཆེན་ལ་གོ་བ་ཟབ་མོ་ལེན་པ་དང་། དཔལ་འབྱོར་ལས་དོན་ལ་སློབ་སྦྱོང་བྱེད་པར་ཤུགས་སྣོན་བྱས་ཏེ། དཔལ་འབྱོར་ཆོས་ཉིད་དང་རང་བྱུང་ཆོས་ཉིད། སྤྱི་ཚོགས་འཕེལ་རྒྱས་ཀྱི་ཆོས་ཉིད་བཅས་ཀྱི་ནུས་པ་མཐོར་འདེགས་སུ་གཏོང་བ་ཁོང་དུ་ཆུད་དགོས། རང་ཁུལ་གྱི་དཔལ་འབྱོར་འཕེལ་རྒྱས་ལ་ཚོད་འཛིན་བྱེད་པའི་འགལ་བ་དང་གནད་དོན་ལ་ཞིབ་འཇུག་ཐག་གཅོད་བྱེད་པ་དང་། ཁུལ་ཡོངས་ཀྱི་དཔལ་འབྱོར་འཕེལ་རྒྱས་ཀྱི་འགུལ་ནུས་ལ་ཤུགས་སྣོན་བྱེད་པ། ཁུལ་ཡོངས་ཀྱི་བྱ་གཞག་ཁག་གི་འཕེལ་རྒྱས་ཁྲོད་དུ་དམངས་ཆེན་གྱི་ཐབས་ཇུས་དང་སྟོབས་ཤུགས་འདོན་སྤྲོད་བྱེད་པ། བཞི་ནས་འདུ་ཤེས་བརྟན་པོ་ལག་བསྟར་བྱེད་པར་ཤུགས་སྣོན་བྱེད་པ། དུས་ནམ་ཡང་མི་དམངས་ཀྱི་ལངས་ཕྱོགས་བརྟན་པོར་ཚུགས་ཏེ་མི་དམངས་དམངས་གཙོ་འཕེལ་རྒྱས་སུ་གཏོང་བར་རྒྱབ་སྐྱོར་བྱེད་པ། མི་དམངས་ཀྱིས་རང་ཁྱིམ་རང་བདག་བྱེད་པར་རྒྱབ་སྐྱོར་དང་འགན་ལེན་བྱེད་པ། འཐུས་མིའི་ལས་གནས་ཀྱི་ནུས་པ་འདོན་སྤེལ་བྱས་ནས་མི་དམངས་ཀྱི་ཤེས་རྟོགས་བྱེད་དབང་དང་ཟབ་ཞུགས་བྱེད་དབང་། བསམ་ཚུལ་བརྗོད་དབང་དང་ལྟ་སྐུལ་བྱེད་དབང་བཅས་མི་དམངས་འཐུས་མི་ཚོགས་ཆེན་གྱི་ལས་དོན་བརྒྱུད་རིམ་ཁྲོད་དོན་འཁྱོལ་ཡོང་བར་འགན་ལེན་བྱས་ཏེ། ཏང་དང་རྒྱལ་ཁབ་ཀྱི་ཐག་གཅོད་དང་ལག་བསྟར། ལྟ་སྐུལ་བཅས་བྱེད་པའི་ལས་རིམ་ཚང་མར་མི་དམངས་ཀྱི་བསམ་ཚུལ་ཡོད་དགོས།
        གྲོས་ཚོགས་ལས་འབོད་སྐུལ་བྱས་དོན། དམངས་ཆེན་འཐུས་མི་ཡོངས་ཀྱིས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་སྐོར་དུ་མཐུན་སྒྲིལ་སྔར་བས་དམ་ཟབ་བྱེད་པ་དང་། སྤྱི་ཁྱབ་ཧྲུའུ་ཅིའི་གསུང་བཤད་ཡིད་ལ་དམ་པོར་བཟུང་སྟེ་ཁུལ་ཨུའི་ཡང་དག་པའི་མགོ་ཁྲིད་འོག བརྟན་ལྷིང་ངང་འཁོར་བསྐྱོད་བྱེད་པའི་དཔལ་འབྱོར་ཁོར་ཡུག་དང་རྒྱལ་ཁབ་བརྟན་འཇགས་ཡོང་བའི་སྤྱི་ཚོགས་ཁོར་ཡུག རྣམ་པ་བཟང་བོའི་ཆབ་སྲིད་ཀྱི་ཁོར་ཡུག་བཅས་ལ་འབད་བརྩོན་བྱེད་པ་དང་། ཕུལ་བྱུང་གྲུབ་འབྲས་ལ་བརྟེན་ནས་ཏང་གི་འཐུས་མི་ཚོགས་ཆེན་ཐེངས་ཉི་ཤུ་བ་དང་ཞིང་ཆེན་གྱི་ཏང་འཐུས་ཚོགས་ཆེན་ཐེངས་བཅུ་བཞི་བ་རྒྱལ་ཁའི་ངང་འཚོགས་པར་བསུ་མ་བྱ་དགོས།
        ཁུལ་ཨུའི་འབྲེལ་ཡོད་མགོ་ཁྲིད་དང་ཁུལ་ཨུའི་པུའུ་ཨུ་སོ་སོ། མི་དམངས་ཚོགས་པའི་འགན་འཁུར་བ་སོ་སོ་དང་ཁུལ་མི་དམངས་སྲིད་གཞུང་གི་ཁོངས་མི། ཁུལ་སྲིད་གཞུང་གི་འབྲེལ་ཡོད་སྡེ་ཁག་དང་ལས་དོན་སྡེ་ཁག་གི་འགན་འཁུར་བ། ཁུལ་སྲིད་གྲོས་དང་མཚོ་ལྷོའི་ཡན་ལག་དམག་ཁུལ་གྱི་མགོ་ཁྲིད། ཁུལ་ཞིབ་དཔྱོད་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་དང་ཁུལ་འབྲིང་རིམ་མི་དམངས་ཁྲིམས་ཁང་གི་ཡོན་ཀྲང་གཞོན་པ། ཁུལ་མི་དམངས་ཞིབ་དཔྱོད་ཁང་གི་ཞིབ་དཔྱོད་དཔོན་གཞོན་པ། ཁུལ་དམངས་ཆེན་འཐུས་མི་མིན་པའི་རྒྱལ་ཡོངས་དམངས་ཆེན་འཐུས་མི་དང་ཞིང་ཆེན་དམངས་ཆེན་འཐུས་མི། ཁུལ་སྡོད་ཞིང་ཆེན་ལས་ཁུངས། ཞིང་ཆེན་དང་ཁུལ་གྱི་བཟོ་ཚོང་ཁེ་ལས་འགན་འཁུར་བ་བཅས་གྲོས་ཚོགས་ལ་ཟུར་ཞུགས་བྱས།
        ཚོགས་ཆེན་རྔམ་བརྗིད་ལྡན་པའི་རྒྱལ་གླུའི་ཁྲོད་ཡོངས་སུ་མཇུག་སྒྲིལ།