མཚོ་ལྷོ་ཁུལ་གྱིས་དཔེ་སྟོན་ཁུལ་འཛུགས་སྐྲུན་བྱེད་པར་སྐུལ་འདེད་བཏང་།

       རི་ཆུ་ནགས་གསུམ། ཞིང་དང་མཚེའུ། རྩྭ་ཐང་དང་བྱེ་མ། འཁྱགས་རོམ་བཅས་གཞི་གཅིག་ཅན་དུ་སྲུང་སྐྱོང་དང་མ་ལག་བཅོས་སྐྱོང་ལ་གཅིག་གྱུར་འཆར་འགོད་བྱ་རྒྱུ་སྐུལ་འདེད་དང་། གཙང་ཆུ་དཔོན་དང་ནགས་རྩྭ་དཔོན་ལམ་ལུགས་ཁྱབ་སྤེལ་གཏིང་ཟབ་ཏུ་བཏང་སྟེ། སྤྱི་དམངས་ཀྱི་སྐྱེ་ཁམས་ཁོར་ཡུག་ལ་བློ་ཡིད་ཚིམ་ཚད92%ཡན་ཟིན་ཡོད་པ་དང་། མཁའ་རླུང་སྤུས་ཚད་ལེགས་པའི་ཉིན་གྲངས་ཀྱི་བསྡུར་ཚད97.6%ཟིན། རྨ་ཆུ་རྒྱལ་ཁོངས་ལས་ཐོན་པའི་བཅད་ངོས་ཀྱི་ཆུའི་སྤུས་ཚད་རིམ་པⅡརིགས་ཡན་དུ་རྒྱུན་འཁྱོངས་ཐུབ་ཡོད། འཛམ་གླིང་སྟེང་གི་གློག་འདོན་འཕྲུལ་འཁོར་གྱི་གློག་འདོན་ཚད་ཆེ་ཤོས་ཀྱི་འོད་ཤུགས་གློག་འདོན་གླིང་ཁུལ་དང་ཆུ་འོད་གསབ་རེས་གློག་འདོན་ས་ཚིགས་བསྐྲུན་ཏེ། འཛམ་གླིང་གི་ནུས་ཁུངས་གཙང་མའི་བགྲོད་ལམ་ཆེན་པོ་ཐོག་མ་ཤར་གཏོང་ཐུབ་པར་མ་ཟད། ནུས་ཁུངས་གཙང་མ་ཕྱིར་སྐྱེལ་བའི་བགྲོད་ལམ་གཉིས་པར་ཆོག་མཆན་ཐོབ་ཡོད། ནུས་རྒྱུ་གཙང་མའི་གློག་འདོན་འཕྲུལ་འཁོར་གྱི་གློག་འདོན་ཚད་ཆན་ཝ་ཁྲི4314ཟིན་པ་དང་དྲ་སྦྲེལ་གློག་འདོན་ཚད་ཆན་ཝ་ཁྲི2094མངོན་འགྱུར་བྱུང་ཡོད། འབྲི་གཡག་དང་བོད་ལུག་ཐོག་མའི་ཐོན་ཡུལ་གྱི་ཁུངས་འདེད་ཆོག་པའི་མ་ལག་ཁྱོན་ཡོངས་ལ་ཁྱབ་པ་དང་ས་མཐོའི“དྲི་ཞིམ་ཕྱོགས་བཞིར་མཆེད”ཅེས་པའི་ཁྱད་ལྡན་ཞིང་ཕྱུགས་ཐོན་རྫས་འཕེལ་རྒྱས་དང་སྐྱེ་ཁམས་ཡུལ་སྐོར་གྱི་ཁྱམས་ལམ་རིམ་སྤོར་བྱས། “དག་གཙང་མཚོ་ལྷོའི”སྤུས་རྟགས་ཀྱི་ཕན་འབྲས་མུ་མཐུད་དུ་ཇེ་ཆེར་གཏོང་བཞིན་ཡོད།
       རྒྱལ་སྲིད་སྤྱི་ཁྱབ་ཁང་གི«མཆན་འགོད་བཀའ་ལན»གྱི་དགོངས་དོན་ལ་དམིགས་ནས་རང་ཁུལ་གྱིས་རྒྱལ་ཁབ་ཀྱི་རྒྱུན་མཐུད་འཕེལ་རྒྱས་ཀྱི་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་བྱ་རྒྱུར་སྐུལ་འདེད་བཏང་སྟེ། སྐྱེ་ཁམས་ཁོར་ཡུག་ལེགས་པ་དང་ཐོན་ལས་མཐུན་སྦྱོར་འཕེལ་རྒྱས། དམངས་ཚིས་མངོན་གསལ་གྱིས་ཇེ་ལེགས་སུ་གཏོང་བའི་རྒྱུན་མཐུད་འཕེལ་རྒྱས་ཀྱི་དཔེ་མཚོན་ཞིག་ཏུ་བསྐྲུན་ནས། མཚོ་བོད་མཐོ་སྒང་དང་ཐ་ན་འཛམ་གླིང་གི་རིགས་གཅིག་པའི་ས་ཁུལ་ལ་འདྲ་བཟོ་བྱ་ཆོག་པ་དང་ཁྱབ་གདལ་བཏང་ཆོག་པ། དཔྱད་གཞིར་བཟུང་ཆོག་པའི་མཚོ་ལྷོའི་དཔེ་དབྱིབས་དང་མཚོ་སྔོན་གྱི་ཉམས་མྱོང་མཁོ་འདོན་བྱས་ཡོད།