ངོས་དང་པོ > སྐབས་དོན། > སྣ་ཚོགས། > སྤུས་ལེགས་སློབ་གསོ་ཡིས་བྱིས་པ་རེ་རེའི་རང་གཤིས་མངོན་དུ་འཇུག་པ།

སྤུས་ལེགས་སློབ་གསོ་ཡིས་བྱིས་པ་རེ་རེའི་རང་གཤིས་མངོན་དུ་འཇུག་པ།

རྩོམ་པ་པོ།：ལྷ་སྒྲོན་མཚོས་བསྒྱུར། ཡོང་ཁུངས།：ཀྲུང་གོ་བོད་ཀྱི་དྲ་བ། དུས་ཚོད།：2024-05-10 08:43:43 ཀློག་གྲངས།：

བྱིས་པ་རེ་རེར་ཁ་གཏད་ནས་སློབ་གྲྭ་ཡག་པོ་བཙུགས་ནས་བྱིས་པ་རེ་རེར་སྤུས་ལེགས་འདྲ་མཉམ་སློབ་གསོ་ལོངས་སུ་སྤྱོད་འཇུག་པ་དེ་ནི་འོས་འགན་སློབ་གསོ་སྤུས་ལེགས་ཆ་སྙོམས་འཕེལ་རྒྱས་བྱུང་བའི་རྨང་གཞིའི་ཆ་རྐྱེན་ཡིན་པ་མ་ཟད། རྒྱ་ཆེའི་མང་ཚོགས་ཀྱི་སེམས་པའི་འདུན་པ་ཡིན།
དཔྱིད་ཟླ་བཞི་བའི་ཉི་འོད་དྲོད་ཅིང་འཇམ་པ་དང་། མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་མི་རིགས་སློབ་ཆུང་དང་པོར་བསྐྱོད་ཚེ་མིག་ལམ་དུ་མངོན་པ་ནི་དག་གཙང་གི་སློབ་ར་དང་དཔེ་ཀློག་བྱེད་བཞིན་པའི་རྣམ་པ་ཡིན།
སྐབས་དེར་སློབ་མ་ཚོས་དྲོས་ཇ་འཐུང་བའི་དུས་ཚོད་ཡིན་པས། སློབ་མ600ལྷག་ཤོང་བའི་སློབ་གྲྭའི་ཟ་ཁང་སྒོ་ཁར་སློབ་མ་ཚོ་གྲལ་སྒྲིག་ནས་རིམ་བཞིན་ཟ་མ་ལེན་དུ་འགྲོ་བཞིན་ཡོད། སྐར་མ་འགའ་ཙམ་མ་འགོར་བར་སློབ་མ་ཚོས་འཚོ་བཅུད་ལྡན་པའི་དྲོས་ཇ་འཐུང་ཐུབ་པར་གྱུར། མེད་པ་ནས་ཡོད་པ་དང་ཡོད་པ་ནས་ལེགས་པ། བདེ་འཇགས། འཚོ་བཅུད་ལྡན་པའི་མངར་ཟས་ལ་བྱིས་པ་ཚོའི་དགའ་བསུ་ཐོབ་ནས་སེམས་ཀྱང་སྐྱིད་པར་གྱུར།
དྲོས་ཇ་འཐུང་རྗེས། བྱིས་པ་ཚོས་རང་འགུལ་གྱིས་དཔེ་ཀློག་བྱེད་པ་དང་ཡང་ན་ཕྱི་རོལ་ནས་རྩེད་མོ་རྩེད་བཞིན་ཡོད། ཡངས་ཤིང་རྒྱ་ཆེ་བའི་དཔེ་མཛོད་ཁང་དུ་བསྐྱོད་ཚེ་བྱིས་པ་ལ་ལས་དཔེ་ཀློག་བྱེད་བཞིན་ཡོད།
ཡང་སློབ་ཁྲིད་ཚོགས་པའི་ཅོང་བརྡ་གྲགས་ཚེ་ཕྱི་དྲོའི་སློབ་སྦྱོང་དངོས་སུ་མགོ་བརྩམས་པ་ཡིན།
དམར་ལྗང་གི་ལུས་རྩལ་ར་བའི་ནང་དབྱུག་རྩེད་སྤོ་ལོ་རུ་ཁག་གི་བྱིས་པ་ཚོས་ལག་ཏུ་དབྱུག་རྩེད་སྤོ་ལོ་རྒྱག་བྱེད་བཟུང་ནས་སྦྱོང་བརྡར་བྱེད་བཞིན་ཡོད། རྩལ་སྦྱོང་ར་བར་དགེ་རྒན་གྱིས་མཛུབ་སྟོན་བྱེད་པའི་སྒྲ་ཐོས་འོང་། ཉི་འོད་འོག་ཏུ་བྱིས་པ་ཚོ་དགའ་དགའ་སྤྲོ་སྤྲོ་ངང་ཡར་མར་རྒྱུག་བཞིན་ཡོད།
སློབ་རིམ་དྲུག་པའི་འཛིན་གྲྭ་དང་པོའི་དབྱིན་ཡིག་དགེ་རྒན་སློབ་ཁང་ནང་དུ་འཛུལ་ཏེ་བྱིས་པ་ཚོར་མིང་ཚིག་འདོན་དུ་འཇུག་པ་དང་། རྣ་ལམ་དུ་བྱིས་པ་ཚོའི་དབྱིན་ཡིག་འདོན་པའི་སྒྲ་ཐོས་འོང་པ་རེད།
ལྷིང་འཇགས་དང་དྲོད་སྐྱིད་ལྡན་པའི་རི་མོའི་སློབ་ཁྲིད་དང་ཞབས་བྲོ་འཁྲབ་པའི་སློབ་ཁང་ནང་། གང་ས་གང་དུ་ཡིད་ཆེས་ཁེངས་ཤིང་བདེ་སྐྱིད་ལྡན་པའི་རྣམ་པ་མཐོང་ཐུབ་པ་དེས་བྱིས་པ་ཚོས་མ་འོངས་པར་བཅངས་པའི་རེ་བ་མཚོན་ཡོད།
གུང་ཧོ་རྫོང་མི་རིགས་སློབ་ཆུང་དང་པོ་ཡིས་འཐུས་ཚང་གི་སློབ་གསོའི་རྨང་གཞི་སྒྲིག་བཀོད་དང་ཕུན་སུམ་ཚོགས་པའི་སློབ་ཁྲིད་ཐོན་ཁུངས་བརྒྱུད། བྱིས་པ་རེ་རེས་སྣ་མང་ཅན་དང་ཁྱད་ཆོས་ལྡན་པའི་སློབ་གསོ་ཁོར་ཡུག་ནང་ཕྱོགས་ཡོངས་ནས་འཕེལ་རྒྱས་བྱུང་བར་འགན་ལེན་བྱེད་བཞིན་ཡོད།

གནས་དེ་ནས་མི་རབས་ནས་མི་རབས་ཀྱི་བྱིས་པས་རང་གི་ལང་ཚོ་མངོན་ནས་སྔར་ལས་མཛེས་པའི་མ་འོངས་ཕྱོགས་སུ་བསྐྱོད་བཞིན་ཡོད། །