བོད་ལྗོངས་ཀྱི་ཉར་ཚགས་ཆ་ཚང་ཤོས་ཀྱི་ཕ་ལྷ་གཞིས་ཀ

       བོད་ལྗོངས་རྒྱལ་རྩེ་རྫོང་དཔལ་འབྱོར་ལྷུན་པོ་གྲོང་ཚོར་བོད་ལྗོངས་ཀྱི་ཉར་ཚགས་ཆ་ཚང་ཤོས་ཀྱི་སྐུ་དྲག་གཞིས་ཀ་ཞིག་ཡོད། དེ་ནི་ཕ་ལྷ་གཞིས་ཀ་རེད། ཕ་ལྷ་གཞིས་ཀ་ནི་བོད་ཀྱི་སྐུ་དྲག་ཆེ་ཁག་ཕ་ལྷ་ཁྱིམ་རྒྱུད་ཀྱི་མ་གཞིས་ཡིན་ཞིང་། རྒྱལ་རྩེ་རྫོང་གྲོང་གི་ལྷོ་ནུབ་ཕྱོགས་ཀྱི་སྤྱི་ལེ2ཀྱི་སར་གནས་ཡོད་པ་དང་། སྤྱིའི་འཛུགས་སྐྲུན་གྱི་རྒྱ་ཁྱོན་སྤྱི་ཁྲེ་ངོས་གྲུ5357ཡོད་པ་རེད། སྤྱི་ལོ1994ལོར་བོད་རང་སྐྱོང་ལྗོངས་སྲིད་གཞུང་གིས་ཕ་ལྷ་གཞིས་ཀ་བོད་ལྗོངས་ཀྱི་གཙོ་གནད་རིག་དངོས་སྲུང་སྐྱོབ་ཚན་པར་བཞག་པ་དང་། སྤྱི་ལོ1996ལོར་ལྗོངས་ཡོངས་ཀྱི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞིར་བདམས། སྤྱི་ལོ2012ལོར་རྒྱལ་ཡོངས་ཀྱི་རིག་དངོས་སྲུང་སྐྱོབ་སྡེ་ཚན་དུ་ཚུད་ཡོད། ཕ་ལྷ་གཞིས་ཀ་ནི་མིག་སྔར་སྲུང་སྐྱོབ་ལེགས་ཤོས་བྱུང་བའི་སྐུ་དྲག་གི་གཞིས་ཀ་ཞིག་ཡིན་པས། རྩ་བའི་ཆ་ནས་དེ་སྔའི་རྣམ་པ་རང་སོར་བཞག་ཡོད།

       རྒྱལ་རྩེ་རྫོང་རིག་དངོས་ཅུས་ཀྱི་སྣེ་ཤན་པ་ཕུར་བུ་ཚེ་རིང་གིས། ཕ་ལྷ་གཞིས་ཀ་ནི་རང་སྐྱོང་ལྗོངས་རིམ་པའི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི་ཞིག་ཡིན་པ་མ་ཟད་རྒྱལ་ཁབ་རིམ་པའི་རིག་དངོས་སྲུང་སྐྱོབ་སྡེ་ཚན་ཞིག་ཀྱང་རེད། ང་རང་འདི་གར་ལོ་ཉི་ཤུ་ལྷག་ཙམ་ལས་ཀ་བྱས་པ་ཡིན། ལས་ཀ་བྱེད་པའི་རིང་། ཡུལ་སྐོར་བར་སྤྱི་ལོ1959ལོའི་གོང་གི་མངའ་བདག་ཆེན་པོ་གསུམ་དང་བྲན་གཡོག་གི་འཚོ་བ་གཉིས་བསྡུར་བ་བྱས་ནས་གནས་བཤད་བྱེད་ཀྱི་ཡོད་པས། མངོན་གསལ་དོད་པའི་སྤྱི་ཚོགས་གསར་རྙིང་གི་བསྡུར་བ་ལས་རྒྱལ་གཅེས་རིང་ལུགས་ཀྱི་སློབ་གསོ་ཡག་པོ་ཡོང་གི་འདུག་ཅེས་ངོ་སྤྲོད་གནང་གི་འདུག

       ཕ་ལྷ་གཞིས་ཀའི་ཁ་སྤྲོད་དུ་ནང་གཟན་ཁང་ཡོད་པ་དང་། དེ་གཉིས་བར་མངོན་གསལ་དོད་པའི་ཧེ་བག་ཡོད་ཅིང་། བོད་རྙིང་པའི་སྐུ་དྲག་དང་ཞིང་བྲན་གྲལ་རིམ་གཉིས་ཀྱི་འཚོ་བ་དངོས་མཚོན་ཡོད། ནང་གཟན་ནི་ཁྱིམ་རྒྱུད་ཀྱི་བྲན་གཡོག་ཡིན་ཞིང་། ཐོན་སྐྱེད་རྒྱུ་ཆ་མེད་ལ་སློབ་གསོ་མྱོང་བའི་དབང་ཆ་ཡང་མེད། གཞིས་བདག་གིས་བྲན་དུ་བཀོལ་གྱི་ཡོད་པས་མི་ལུས་ཀྱི་དབང་ཆ་གང་ཡང་མེད།

       ད་ཆ། ཀྲུང་གོ་གུང་ཁྲན་ཏང་གི་འགོ་ཁྲིད་འོག བོད་ཀྱི་ཞིང་བྲན་ཁྲི་ཚོ་བརྒྱ་ལ་ཡར་ལངས་བཅིངས་གྲོལ་ཐོབ་ནས་རང་ཁྱིམ་རང་བདག་བྱུང་བ་དང་། ཕ་ལྷ་གཞིས་ཀ་ཡང་གྲགས་ཅན་ཡུལ་སྐོར་མཛེས་ལྗོངས་ཁུལ་ལ་གྱུར་ནས་དེ་གའི་ཡུལ་སྐོར་ཐོན་ཁུངས་གལ་ཆེན་ཞིག་ལ་གྱུར་ཡོད།