«མི་ལ་རས་པའི་མགུར་འབུམ»ནི། བོད་མི་རིགས་ཀྱི་རྩོམ་རིག་ལོ་རྒྱུས་ཐོག་ཏུ་སྙན་པའི་གྲགས་པ་ཆེས་ཆེར་རྒྱས་པའི་མགུར་མའི་རྩོམ་རིགས་ཀྱི་ཚབ་མཚོན་བརྩམས་ཆོས་གལ་ཆེན་ཞིག་སྟེ།མགུར་ཚན་བཞི་བརྒྱ་ལྷག་གིས་གྲུབ་པའི«མགུར་འབུམ»གྱི་བརྗོད་བྱའི་ནང་དོན་རྒྱ་ཆེ་ཞིང་གཏིང་ཟབ་པ་དང་།དཔེ་དོན་འབྱོར་ཞིང་གོ་བདེ་བ།རྣམ་པའི་ཆ་ནས་སྲོལ་རྒྱུན་གྱི་གླུ་དང་གནའ་བོའི་ཆོ་གའི་གྱེར་ཚིག་གི་ཚིགས་བཅད་སྡེབ་སྟངས་དང་མཐུན་པར་བརྩམས་པས་ཀློག་ན་ཁར་བདེ་བ་དང་།མཉན་ན་རྣ་བར་སྙན་པ་སོགས་ཀྱི་ཁྱད་ཆོས་རྩོལ་མེད་ལྷུན་གྲུབ་ཀྱི་ཚུལ་དུ་ཐོན་པའི་ཁར།ཚིག་སྦྱོར་གྱི་ཚེག་བར་ཆ་ཡའི་སྡེབ་སྟངས་མི་འདྲ་བ་དང་།ཚིགས་བཅད་ཀྱི་ངལ་གསོ་དང་གཅོད་མཚམས་མི་འདྲ་བ་སྣ་ཚོགས་ལས་ཐོན་པའི་ཚིག་གི་སྡེབ་སྦྱོར་ཕུན་སུམ་ཚོགས་པའི་དབྱངས་འགྲོས་ཀྱིས་མགུར་ཚན་སོ་སོ་ཡོངས་སུ་གཏམས་པས།གསུང་མགུར་གྱི་ཚིག་དོན་ཉམས་གསུམ་གང་གི་ཆ་ནས་ཀྱང་ཕྱིས་བྱུང་གྲུབ་མཐའ་རིས་སུ་མ་ཆད་པའི་སྐྱེས་བུ་དམ་པ་ཇི་སྙེད་པས་མཛད་པའི་བོད་ཀྱི་སྲོལ་རྒྱུན་མགུར་མའི་བརྩམས་ཆོས་བརྩེགས་ན་རི་བོའི་གཏོས་དང་མཉམ་པ་དེ་སྙེད་ཀྱི་ལད་མོ་དང་དཔེ་ལྟ་བྱ་སར་གྱུར་ཏེ་ཕྱིས་བྱུང་བོད་ཀྱི་རྩོམ་རིག་གསར་རྩོམ་ལ་བག་ཆགས་ཟབ་མོ་བཞག་ཡོད་ལ།དེང་གི་ཆར་ཡང་མགུར་མའི་རྩོམ་རིགས་གསར་རྩོམ་རྒྱུན་འཛིན་དང་འཕེལ་རྒྱས་སུ་གཏོང་བར་ཟུར་ལྟའི་རིན་ཐང་གལ་ཆེན་ལྡན་པས་ན།དེ་ལ་རྩོམ་རིག་དང་།སྙན་ངག་རིག་པ།ཚིག་རྒྱན་རིག་པ།སྡེབ་སྦྱོར་རིག་པ་སོགས་ཀྱི་ཆ་ནས་ཞིབ་དཔྱོད་གནད་སྨིན་བགྱི་འོས་པའི་ཆ་མང་དུ་སྣང་བ་ལས།འདིར་ནི«མགུར་འབུམ»གྱི་ཚིག་གི་དབྱངས་འགྲོས་སྡེབ་སྦྱོར་ནི།ཚིགས་བཅད་ཀྱི་ཚེག་བར་སྡེབ་སྟངས་དང་།ཚིག་རྐང་རིང་ཐུང་མི་འདྲ་བ་སྤེལ་སྟངས།སྒྲ་རྒྱན་སྦྱོར་སྟངས་བཅས་ལ་བརྟེན་ནས་བྱུང་ཚུལ་དཔེའི་སྒོ་ནས་ཆེ་ལོང་རགས་བསྡུས་ཙམ་གླེང་བར་བྱས་སོ། །...

དེ་རིང་མཚན་མོའི་གཤོག་པ་འདི་གཡར་ཏེ་འཛམ་གླིང་དཔེ་ཀློག་ཉིན་མོར་གཞོན་སྐྱེས་བོད་མི་དག་ལ་སྐད་ཆ་ཁ་ཤས་ལབ་འདོད་བྱུང་།དེའང་གཞན་ཞིག་བརྗོད་རྒྱུ་མིན་པར།དཔེ་དེབ་ཀློག་པའི་དགོས་པ་ཉིང་དགོས་དང་མཐར་ཐུག་གི་དམིགས་ཡུལ་ཐད་ནས་གླེང་འདོད་བྱུང་།...

ལོ་གསུམ་གྱི་དུས་ཚོད་ནི་སྐད་ཅིག་ཉིད་དུ་ཕྱིན་སོང་།ད་ཐེངས་རྒན་ཆའན་ལགས་དང་ཡང་བསྐྱར་མཇལ་བས་ངའི་ཁོང་ལ་བཅངས་པའི་དྲན་གདུང་ཇེ་ཟབ་ཏུ་བཏང་།ངེད་གཉིས་ཀྱི་སྐབས་འགར་ཁ་པར་བརྒྱུད་ནས་ཕན་ཚུན་གྱི་གནས་ཚུལ་རྒྱུས་མངའ་བྱེད་ཀྱི་ཡོད་མོད།འོན་ཀྱང་ཁོང་གིས་གོམ་ཁ་དེ་ཙམ་གྱི་བདེ་ལྕག་འཁྱུག་པོ་མི་འདུག་ཅེས་གསུངས་དུས།སེམས་ལ་མི་བཟོད་པའི་ཆུ་རིས་ཤིག་བར་མེད་དུ་ལྡིང་སོང་།...

ཁྱིམ་ཚང་དང་མི་སྒེར་གྱི་ཕྱུག་མིན་ནི་ཁང་པ་དང་།རླངས་འཁོར།ལས་བྱེད་པ།དོང་ཙེ་ཁོ་ནས་མི་འོངས་ཏེ།ཁྱིམ་ཚང་ལ་དཔེ་ཆ་ཡོད་མེད་དང་།དཔེ་ཁང་ཡོད་མེད་དང་།དགེ་བཤེས་ཡོད་མེད་དང་།མཁན་པོ་ཡོད་མེད་དང་།དཔེ་ཆར་ལྟ་མཁན་ཡོད་མེད་དང་།གཞན་ལ་ཕན་འདོགས་མཁན་ཡོད་མེད་ཀྱིས་ཀྱང་ངོ་ཞེས་ཞུས་པ་ཡིན་ལ།ནམ་ཞིག་དཔེ་ཆས་དཔེ་ཆ་བཙལ་བའི་ཚད་ལ་ཐོན་ན་རེ་བ་ཡོངས་སུ་འགྲུབ་པ་ཡིན་ནོ།།...

བོད་ཀྱི་མི་ཆོས་ལྟ་སྤྱོད་སྟོད་ལྷ་རབས་དང་བར་སྲིད་བོན།སྨད་ཐུབ་བསྟན་གྱི་སྐབས་ཏེ།ཤེས་རིག་འཕེལ་སྐྱེད་ཀྱི་གནས་སྐབས་གསུམ་བརྒྱུད་ནས་རྩ་ལག་ཅན་དུ་གྲུབ་རྗེས།མི་ལོ་སྟོང་ཕྲག་དུ་མའི་ཡུན་ལ་ཡུལ་ལུང་འདིའི་བློ་དཔྱོད་དང་གོང་ཐང་ལྟ་ཚུལ།སྤྱོད་པའི་དཔེ་ལུགས་སོགས་ལ་ཁ་སྒྱུར་གྱི་ནུས་པ་ཐོན་ཅིང་།ཡུལ་དུས་མི་འདྲ་བའི་བོད་སྤྱི་ཚོགས་ཀྱི་འཕེལ་འགྱུར་ལ་དེ་ལུགས་ཀྱི་བསླབ་སྟོན་ཅི་རིགས་གནང་ཡོད་པར་མངོན།རྩོམ་འདིས་མི་ཆོས་རིག་པ་སོགས་ཀྱི་དཔྱོད་ཐབས་སྤྱད་དེ་བོད་ཀྱི་མི་ཆོས་ལྟ་བའི་བྱུང་རབས་གནས་སྐབས་ཆེན་པོ་གསུམ་དུ་ཕྱེ་ནས།གནས་སྐབས་རེ་རེའི་མི་ཆོས་བསམ་བློ་ལ་རྗེས་དཔྱོད་རྒྱས་བསྡུས་རན་པ་ཞིག་སྤྲོས་འདུག...

དགེ་རྒན་བསོད་རྡོ་ལགས་ཀྱི་དེབ་འདིས་ཀློག་མཁན་ཚོ་ལ་སློབ་གསོར་ཇི་ལྟར་དཔྱད་པ་གཏོང་བ་དང་།སློབ་གསོ་ལག་ལེན་བྱེད་དུས་ང་ཚོས་རང་གི་བསམ་བློའི་གནད་དོན་ལ་ཇི་ལྟར་འཚོལ་ཞིབ་བྱ་བ།རང་ཅག་མ་འོངས་འཕེལ་རྒྱས་ཀྱི་ལམ་དུ་གནད་དོན་གང་ཞིག་ལ་འཕྲད་སྲིད་པ་སོགས་ཀྱི་ཐད་དཔྱད་གཞི་ཡག་པོ་ཞིག་གནང་ཡོད།དེའི་ཕྱིར།ངས་སྤུན་ཟླ་ཚོ་ལ་སློབ་གསོའི་ལག་ལེན་ཀྱི་ཉམས་མྱོང་ཕུན་སུམ་ཚོགས་པ་འདུས་པའི་དེབ་འདི་ཞིབ་མོ་ཞིག་ཀློག་པར་རེ་སྐུལ་ཞུས་པ་ཡིན།དེབ་འདི་ཀློག་པ་ལ་བརྟེན་ནས།ང་ཚོའི་དེ་རིང་གི་སློབ་གསོ་ལ་གནད་དོན་ཅི་ཞིག་ཡོད་པ།འུ་ཅག་གི་མ་འོངས་པའི་མི་བུ་སྒེར་བ་རེ་རེ་དང་།སྤྱི་ཚོགས་ཀྱི་དཔལ་ཡོན་ཅི་འདྲ་ཞིག་ཡིན་དགོས་པ།སློབ་གསོ་ཅི་ལྟ་བུ་ཞིག་བསྒྲུབ་དགོས་པ་སོགས་ལ་ཕྱིར་རྟོག་ཐུབ་དགོས་སོ།།...

སྤྱིར་དགེ་རྒན་ཞིག་གིས་སློབ་ཁྲིད་ལེགས་པོ་ཞིག་འཁྱོངས་མིན་དེ་ཁྲིད་མཁན་གྱི་བསམ་བློའི་ཀུན་སློང་ཡང་དག་མིན་དང་།སློབ་སྦྱོང་ལ་དགའ་མིན་དང་རིག་གནས་ཆུ་ཚད་འཛོམས་མིན།སློབ་བུའི་བློ་ཁ་དང་བསྟུན་ནས་ཁྲིད་ཐབས་ལེགས་པོ་སྤྱོད་མིན་སོགས་དང་འབྲེལ་བ་དམ་པོ་ཡོད་པ་རེད།དེ་ཡང་ཅི་ཞིག་ཁྲིད་པ་དང་།ཇི་ལྟར་ཁྲིད་པ།ཁྲིད་འབྲས་ཡག་པོ་ཞིག་ཇི་ལྟར་ལེན་རྒྱུ་བཅས་རྩ་བའི་གནད་གསུམ་པོར་བསམ་བློ་ཡག་པོ་གཏོང་དགོས།...

དོན་ངོ་མ་ང་ཚོ་བོད་འདི་གང་འདྲ་རེད་ཟེར་ན།སྔོན་ཆོས་རྒྱལ་སྲོང་བཙན་གྱི་སྐབས་ནས་མིག་དཔེ་བཟང་པོ་ཞིག་བསྟན་ཡོད་རེད།ལུང་པ་གང་ཡག་པ་ཡོད་ན།ག་རེ་ཡག་པ་ཡོད་ན་དེ་ང་ཚོས་མངའ་འོག་ཏུ་བསྡུས།དཔེར་ན།ཆོས་དེ་རྒྱ་གར་ལ་ཡག་པ་ཡོད་ཙང་དེ་རྒྱ་གར་ནས་ཚུར་བསྒྱུར།གོན་པ་དེ་སོག་པོ་ལ་ཡག་པ་ཡོད་ཙང་དེ་སོག་པོ་ནས་འདྲེན།ཁ་ལག་དེ་རྒྱ་མིའི་ཞིམ་པ་ཡོད་རེད།དེ་རྒྱ་ནག་ནས་ལེན།དེ་ནས་དེ་འདྲའི་གང་ཡག་པ་ཡོད་ན་དེ་བསྡུ་ལེན་བྱེད་པའི་སྒོ་ཕྱེ་བའི་སྲིད་ཇུས་ཤིག་ཡོད་རེད།བྱས་ཙང་ང་ཚོས་ད་ལྟ་དེ་ག་བྱ་དགོས་ཀྱི་ཡོད་རེད།གང་ཡག་པ་ཡོད་ན་དེ་སོ་སོས་བསྡུ་ལེན་བྱ་ཐུབ་རྒྱུ་དེ་གལ་ཆེན་པོ་རེད།...

ཕུགས་བསམ་ཞེས་པ་ནི་རྒྱ་ཆེ་བ་ཞིག་དགོས་པས་བྱ་བ་ཆུང་ངུ་ཁང་ཁྱིམ་འབུབས་པ་ལྟ་བུ་ཞིག་ལ་གོ་མི་རུང་།ཁང་ཁྱིམ་སོགས་ཀྱང་གལ་ལོས་ཆེ་མོད།ལོ་ཏོག་དོན་དུ་གཉེར་བ་ན་སོག་མ་ཞར་ལ་ངེས་པར་འབྱུང་།འཚོ་བའི་རྩོད་སྒྲུབ་རིག་པ་འདི་ལས་འུ་ཅག་གིས་ཁང་ཁྱིམ་ཙམ་དོན་དུ་གཉེར་ན་ཁང་ཁྱིམ་ཙམ་ལས་ཅི་ཡང་མི་འཐོབ་པ་དང་།ལག་པས་རིང་སར་བསྙབས་ན་ལག་ཡོང་ཤིན་ཏུ་མང་བའི་གནས་ལུགས་ཤེས་དགོས།...

བོད་རིགས་ནི་ལྷ་ས་གྲོང་ཁྱེར་གཅིག་པུའི་བོད་རིགས་ཙམ་མིན་པར།གཙང་དང་།ལྷོ་ཁ།དྭགས་ཀོང་།ཁམས་ཁུལ།མཚོ་སྔོན།རྒྱལ་མོ་ཚ་བ་རོང་།ཡུན་ནན་བདེ་ཆེན་བཅས་ལ་ཁ་གྲམ་ནས་སྡོད་པའི་བོད་རིགས་མང་པོ་ཡོད་པ་དང་།དེ་རྣམས་ཀྱིས་སྤྱོད་པའི་བོད་ཡིག་ནི་གཅིག་མ་གཏོགས་ས་གནས་རེ་རེ་ལ་བོད་ཡིག་རེ་མེད་པ་རེད།གལ་ཏེ་ལྷ་སའི་སྐད་དང་མཐུན་པའི་བོད་ཡིག་གཅིག་བཟོས་ན།ས་གནས་གཞན་དག་གིས་དེ་གོ་མི་ཐུབ་པས།ཁོ་ཚོས་ཀྱང་སོ་སོའི་སྐད་དང་མཐུན་པའི་བོད་ཡིག་གསར་པ་ཞིག་བཟོ་དགོས་པ་ཡོང་།དེ་འདྲ་བྱས་ཏེ་བོད་རིགས་ས་ཁུལ་ཚང་མས་སོ་སོའི་ཡུལ་སྐད་དང་མཐུན་པའི་བོད་ཡིག་གསར་པ་རེ་བཟོས་པ་ཡིན་ན།གཅིག་གྱུར་གྱི་རྨང་གཞི་ལེགས་པོ་ཡོད་པའི་བོད་མི་རིགས་ཀྱི་ཡི་གེ་དེ་ཁ་བྲལ་དུ་འགྲོ་གི་མ་རེད་དམ།བོད་རིགས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནང་གི་གཅིག་གྱུར་ཆགས་ཟིན་པའི་གྲངས་ཉུང་མི་རིགས་ཤིག་ཡིན་པ་དང་།བོད་ཡིག་ནི་ཀྲུང་གོའི་མི་རིགས་ཁག་གི་ཡི་གེའི་ནང་གི་གཅིག་གྱུར་ཆགས་ཟིན་པའི་མི་རིགས་ཀྱི་ཡི་གེ་ཞིག་ཡིན་ལ།གཅིག་གྱུར་གྱི་ཡི་གེ་ཁ་བྲལ་དུ་གཏོང་བའི་བཅོས་བསྒྱུར་དེ་འདྲ་ལ་སུས་ཀྱང་དགའ་བསུ་ཞུ་གི་མ་རེད།...