རྣམ་གླིང་རིན་ཆེན་གྱི་ཚིགས་བཅད་སྙན་ངག《སྙིང་གི་ན་ཟུག》།

                                                               གྲོགས་མེད་ཁེར་བུར་ལུས་པའི།།     
                                                              བུ་ཆུང་ཚེ་རིང་བསམ་གྲུབ།།
                                                              ཁོག་ལ་མེ་ལྕེ་འབར་ཡང་།།     
                                                              ཁ་ནས་མི་ཐོན་དུ་བ་།།

 

                                                              གཏམ་དང་མྱི་ཁའི་ཁྲོད་ཀྱི།།    
                                                              ཨ་མའི་སྣང་བྱེད་སྒྲོན་མེ།།
                                                              གཞན་གྱི་ཁྲེལ་དགོད་འོག་ནས།།   
                                                              འཚོ་བའི་སྤོབས་པས་དབེན་སོང་།།

 

                                                              སྙིང་རྗེའི་དབུས་ཀྱི་བུ་ཆུང་།།      
                                                              འགྱོད་པས་མནར་བའི་བུ་ཆུང་།། 
                                                              མནོག་ཆུང་བྱ་བས་མ་གཟིར།།          
                                                              ལང་ཚོའི་བརྟུལ་ཞུགས་ངོམས་དང་།།

 

                                                              བསླུ་མེད་དཀོན་མཆོག་གསུམ་པོ།།       
                                                              བུ་ཡི་ལས་ལ་གཟིགས་དང་།།
                                                              ཁྲ་ཆིལ་འཇིག་རྟེན་འདི་ནས།།        
                                                              བུ་ལ་སྟོབས་ཤུགས་བསྩལ་རོགས།།

 

                                                              ཐུགས་རྗེའི་རྣམ་དཔྱོད་སྤྱན་གྱིས།།        
                                                              བུ་ལ་འོད་ཟེར་སྦྱིན་དང་།།
                                                              དུང་སེམས་ཅན་གྱི་མི་ལ།།           
                                                              གོད་ཆག་བར་ཆད་ལྡོགས་ཤིག།