རིག་གནས་ལྷུག་རྩོམ་ནང་སྲོལ་རྒྱུན་དང་ལོ་རྒྱུས་ནི་ཕྱིར་དྲན་ཁོ་ན་བྱེད་པའི་འདས་སོང་ཙམ་མ་ཡིན་པར།མ་འོངས་པ་ལ་རྒྱང་ལྟ་དང་དོ་ཁུར་བྱེད་སའི་སྒེའུ་ཁུང་ཞིག་ལ་ངོས་བཟུང་ནས་བྲིས་ན་རིན་ཐང་དེ་བས་ཀྱང་ཆེ་སྙམ།ང་ཚོ་སུས་ཀྱང་ཤེས་པ་ནི་ལོ་རྒྱུས་འབྲི་བ་ནི་ལོ་རྒྱུས་ཀྱི་ཆེད་དུ་ལོ་རྒྱུས་འབྲི་བ་མ་ཡིན་ལ།དེ་བཞིན་སྲོལ་རྒྱུན་འབྲི་བ་ཡང་སྲོལ་རྒྱུན་གྱི་ཆེད་དུ་སྲོལ་རྒྱུན་འབྲི་བ་མ་ཡིན།ང་ཚོས་འདས་སོང་ལ་བློ་ཕྱོགས་པ་ཡང་མ་འོངས་པར་ཡང་དག་པར་འགྲོ་བའི་ཆེད་ཡིན་ལ།ང་ཚོས་རྒྱབ་ཕྱོགས་ལ་ཕྱི་མིག་སློག་པ་ཡང་མདུན་ཕྱོགས་ལ་རྒྱང་ལྟ་བྱེད་པའི་ཆེད་རེད།དེར་བརྟེན།ལོ་རྒྱུས་ནི་བྱུང་རབས་དང་དོན་དངོས་གཙིགས་སུ་འཛིན་པ་ལས་ད་དུང་གལ་འགངས་ཆེ་བ་ཞིག་ཡོད་པ་ནི་ཉམས་མྱོང་དང་བསླབ་བྱ།སྣ་སུན་དང་བློ་སྐྱེད་སོགས་ལ་སྤྱི་བསྡོམས་བྱེད་པ་དེ་རེད།སྲོལ་རྒྱུན་ཡང་དེ་བཞིན་དེ།འགྲོ་སྟངས་འདུག་སྟངས་སོགས་ཀྱི་གོམས་སྲོལ་གྱི་བྱུང་འཕེལ་ཕུ་འདེད་ལུང་འདེད་བྱེད་པ་ལས་ད་དུང་གལ་འགངས་ཆེ་བ་ཞིག་ཡོད་པ་ནི་ད་ལྟའི་ཆར་སྲོལ་རྒྱུན་འདི་དག་ལས་འདོར་ལེན་ཅི་འདྲ་ཞིག་བྱེད་དགོས་པ་དེ་ཡིན་པ་འདྲ།གནད་འདིའི་ངོས་ནས་བཤད་ན།རིག་གནས་ལྷུག་རྩོམ་ནང་ལོ་རྒྱུས་དང་སྲོལ་རྒྱུན་འབྲི་བ་ལ།...

ལུག་གཡང་མོ་རི་རྩེ་འགྲིམ་པའི་དུས།།རི་རྩེ་གསུམ་ཁ་བ་འབབ་འདྲ་ཡོད།།ལུག་གཡང་དཀར་རི་སྐེད་འགྲིམ་པའི་དུས།།སྨན་བུ་མོས་དུང་ཆབ་བཅིངས་འདྲ་ཡོད།།ལུག་གཡང་མོ་ལྷས་ལ་བརྒྱབ་པའི་དུས།།ཟངས་དཀར་ལྷུ་བཞི་འོ་མས་ཁེངས་འདྲ་ཡོད།།ལུག་གཡང་མོ་ཆུ་ལ་བརྒྱབ་པའི་དུས།།དར་དཀར་པོ་ཆུ་ལ་བཤམས་འདྲ་ཡོད།།ཅེས་པའོ།།དེས་ན་རྩོམ་པ་པོ་ཁོང་ཉིད་ལ་ཐེངས་རྗེས་མར་མཇལ་སྐབས་ཁོང་གི་སྙན་མོའི་ངག་ལས་རྫི་གླུ་སྙན་མོ་འདི་ལ་ཐེངས་གཅིག་རོལ་མྱོང་བྱེད་རྒྱུའི་སྐལ་བ་ཡོད་པར་སྨོན་ཞེས་མཇུག་བསྡུ་བའོ།།...

རྟ་མཆོག་ལ་ལྕག་གིས་བཀྲབ་པ་ལྟ་བུའིགསེར་མདོག་གི་ཡིག་ཆུང་དེ་དགབུ་ཕྲུག་མེད་པའིབུད་མེད་མངལ་གྱི་འཁུ་ཁྲག་བཞིནགྲང་རླུང་གི་དྲོད་ཁོལ་ཁོ་ན་འཚོ...

༢༠༢༢ལོའིས་ག་ཟླ་བའི་ཚེས་པ་ཉེར་གསུམ་གྱི་མཚན་དཀྱིལ་དུམགོ་ཐོག་གི་ནམ་མཁའ་གློ་བུར་ཆག་སོངསའི་གོ་ལའི་ཤར་ཕྱོགས་ཀྱིགངས་རི་ར་བའི་ཡང་ཤར་ཕྱོགས་ཀྱིསིལ་སྡོང་ཆེན་པོ་སྐྱེས་ཡོད་པའི་སྒོ་ར་རྙིང་པ་དེ་སྟོང་པར་གྱུར་སོངཨ་ཕ་ཞེས་པའི་མིང་བརྡ་དེའངམིད་པའི་ནང་ལ་ཕྱིར་ལོག་སོང...

དུས་ཚོད་ནི་གངས་འདབས་ནས་བརྡོལ་བའི་ཆུ་མིག་ཇི་བཞིན་སྐད་ཅིག་ཉིད་ལ་གཅིག་ནས་དུ་མར་འཐིམས་ཏེ་མདུན་ནས་མདུན་དུ་བཞུར་བཞིན་ཡོད།དེ་རིང་ཁོམ་ལོང་དང་བསྟུན་ནས་རང་དབང་མེད་པར་སྐད་ཆ་འགའ་བརྗོད་འདོད་དེ།སྐད་ཆ་དེ་དག་ནི་ནམ་རྒྱུན་རང་ལ་ཕ་མ་བཟང་བོས་བུ་ཕྲུག་གཉོར་གཉོར་བྱས་ནས་རང་ལ་དཔེ་ཀློག་སོགས་ཕྱོགས་གང་ཅིའི་ཐད་དུ་རིན་ཆེན་འབྱུང་ལྡན་ལས་ཀྱང་དཀོན་པའི་གསུངས་རྒྱུན་དྲི་མ་མེད་པ་ཤ་སྟག་སྦྱིན་མྱོང་མཁན་གྱི་ཕ་རྒན་གཅན་རོང་ལགས་ཡིན།...

སྒོ་དེའི་སྒོ་ལྷ་རྫིག་རྫིག་པོ།།སྐུ་ལ་ཟངས་ཀྱི་གོ་ཁྲབ་བཞེས།།དབུ་ལ་ཉི་མ་ཟླ་བས་བརྒྱན།།བྲང་ངོས་ལྕགས་ཀྱི་མེ་ལོང་ལ།།ས་བོན་གཡུང་དྲུང་རི་མོ་ཅན།།ཕྱག་གཡས་སྡིག་པ་ར་ཙ་དང་།།གཡོན་དུ་འཆིང་བྱེད་ཞགས་པ་འཛིན།།ཆིབས་པ་གཡོན་རྒོད་གྭ་པ་ཅན།།ཞབས་འོག་དགྲ་བགེགས་གནོད་པ་དང་།།འབྱུང་བའི་གནོད་པ་ཅི་ཡོད་མནན།།ཕྱི་ཡི་དགྲ་བོ་ཕྱི་ལ་འགོག།ཕྱི་ཡི་གནོད་པ་ཕྱི་ལ་བཟློག།ཕྱི་ཡི་དགྲ་བགེགས་ཕྱི་ལ་རྡུང་།།ནང་གི་མི་ཚང་སྲུང་བ་དང་།།ནང་གི་བདག་པོ་སྐྱོང་བ་དང་།།ནང་གི་ཕྱྭ་གཡང་དམ་པོར་བྱེད།།དེ་འདྲ་སྒོ་ཡི་ལྷ་དེ་ལ།།བསྟོད་པའི་བསྟོད་གླུ་སྙན་མོ་ལེན།།སྒོ་དེའི་སྒོ་ཀ་བརྟན་པ་ལ།།གནམ་ས་བར་གྱི་ཀ་བ་ཡིན།།ཀ་བ་ནམ་ཡང་མ་འགྱེལ་བ།།བདག་པོའི་ཚེ་སྲོག་བརྟན་པར་ཤོག།ཀ་དེའི་ཀ་རྡོ་སྲ་བ་ལ།།སྲིད་པ་ཆགས་པའི་རྡོ་རྒན་ཡིན།།སྲིད་པ་ནམ་ཡང་མ་འཇིག་པར།།ཀ་རྡོ་ཀ་ལ་འཐོབ་པར་ཤོག།སྒོ་དེའི་སྒོ་ཁང་བརྗིད་པ་ལ།།གྲུ་བཞི་གཡུང་དྲུང་རང་འཁོར་ཅན།།མི་རབས་རྒྱུན་མི་ཆད་པ་ཡི།།རྟེན་འབྲེལ་དགའ་འཁྱིལ་རང་འཁོར་ཤོག།སྒོ་དེའི་སྒོ་ཁེབས་བརྟན་པ་ལ།།གདེངས་ཀ་གདུགས་ཀྱིས་སྤྲས་པ་ཅན།།ཉེར་སྤྱོད་འབྲས་བུ་རྫོགས་མེད་པར།།སྒོ...

སྲིད་ན་སྙན་རྒུའི་སྒྲ་དབྱངས་རླབས་ཀྱིས་རང་ཚུགས་འདར་བ་ཆུ་ཡི་ལྟོར།།ཚངས་ཆེན་ཆགས་པའི་འཛུམ་གྱིས་ཉེར་བསྲུབས་མཚར་སྡུག་གཟུགས་སུ་བསླངས་པ་མོའི།།དཀའ་ཐུབ་བརྟན་པོ་རྨང་ནས་གཞིག་བྱེད་ལྟ་སྟངས་ཡོན་པོའི་ཀྱོ་བ་དེས།།སྔ་ན་མ་བཏང་དེང་ཡང་མི་གཏོང་སྐལ་ལྡན་སྙིང་གི་འདབ་མར་ཟུངས།།...

དགོང་མོ་དེར།ཕྱི་རོལ་ན་ཙག་རླུང་ཤིན་ཏུ་རྒོད་པས།ང་རང་གང་དུའང་མ་ཕྱིན་པར་ཁང་ཁྱིམ་ཆུང་ཆུང་འདིའི་གནམ་གཅལ་ངོས་ཀྱི་གློག་སྒྲོན་དཔྱངས་སྐུད་སྟེང་འཇམ་ཅག་གེར་བསྡད་ཅིང་།གོམས་སྲོལ་ལྟར་ཁང་ཁྱིམ་ཆུང་ཆུང་འདིའི་ནང་གི་བཀོད་པ་ཆ་ཚང་ལ་མིག་ཉུལ་ཐེངས་གཅིག་བྱས་པ་དང་།ཅ་ལག་རེ་རེའི་རྣམ་པ་དང་ཁྱད་ཆོས།སྒྲིག་སྟངས་སོགས་ལའང་ཞིབ་ཀྱིས་བལྟས་པ་ཡིན།...

སྐྱ་རེངས་ཀྱི་འོད་སྣང་སྒེའུ་ཁུང་བརྒྱུད་དེ་ཁང་པའི་ནང་དུ་འཕྲོས་པ་ན།དབྱངས་སྒྲོན་གློ་བུར་དུ་གཉིད་ལས་སད།མོས་སློབ་གྲྭར་ཕྱི་འབྱོར་ལུས་སོང་སྙམ་བཞིན་གྲིམ་རིལ་ཞིག་བརྒྱབ་རྗེས་མྱུར་བར་མལ་དུ་ཙོག་པུར་བསྡད་ཅིང་།ལག་པས་མིག་ཟུང་ཕུར་ཞོར་བསམ་བློ་ཞིག་བཏང་བ་ན།དེ་རིང་གཟའ་ཉི་མ་ཡིན་པ་དྲན།...

ཞོགས་པའི་ཉི་རྩེས་བྲག་རིའི་བང་རིམ་རེ་རེ་གཙང་ཕྱགས་བྱས་ནས་འོང་དུས།ལོ་རྒྱུས་ཀྱི་གླེགས་བམ་མཐུག་པོ་ཞིག་ང་ཚོའི་སྤྱན་སྔར་འགྲེམ་ཀྱིན་པའི་སྣང་བ་སྟེར།སྲོད་ཀྱི་མཚམས་སྤྲིན་ཀློང་ནས་ཉི་ནུབ་ཀྱི་ཟེགས་འོད་བྲག་རིའི་བང་རིམ་གྱི་བར་གསེང་རེ་རེར་འཛུལ་དུས།ངས་ལོ་རྒྱུས་ཤིག་གི་ལ་རྫོགས་ཤིག་བཀོད་ཟིན་པ་ཚོར་འོང་ཞིང་།སང་ཉིན་གྱི་ལོ་རྒྱུས་ནི་རང་གི་ལག་ཟུང་གཉིས་ལ་བརྟེན་ནས་འབྲི་བཞེངས་དགོས་པའི་བྲེལ་འཚུབ་ཅིག་ཀྱང་ལངས་ཀིན་འདུག...