ད་ལྟའི་དུས་ནི་སྐྱིད་སྲབ་མདའི་ནང་ནས་མ་རྙེད་པར་སྡུག་འཁོར་སྒམ་ནང་ནས་བླངས་ཟེར་ན་ཐལ་ཆེ་མོད།ལམ་བགེག་དང་བར་ཆད་རང་ཐོག་ཏུ་མ་སྨིན་པ་ཞིག་ལ་དེ་དག་གི་བྱུང་རབས་དང་འཇིགས་ཉེན་བཤད་ན་སྤྱང་ཀིའི་རྣ་ལ་ཆོས་བཤད་དུ་ཨེ་འགྲོ།ཡིན་ཙང་།ཆང་རག་གི་བཟི་སྟོབས་རྒྱས་ནས་ཚོར་ཤེས་གཞན་དབང་གིས་འཕྲོག་དུས།ཞེ་སྡང་དང་།ཁོང་ཁྲོ།སྨྱོ་རྒྱུགས་ཀྱི་དབང་རྩ་ཇེ་སྦོམ་དུ་སོང་ནས་རང་ལུས་ཀྱི་ཁྲག་ཐིགས་དྲོན་མོ་གཞུང་ལམ་དུ་གཏོར་བ་ནི་ཚེ་སྲོག་གི་རྒྱུ་མ་གཉོམ་པོ་རྣོ་ངར་གྱི་གྲི་ཁུག་ཏུ་བཞག་པ་ཨེ་ཡིན།ལ་ཐུང་ཐུང་གིས་རྟ་རྫོད་ཅིང་།སྤོ་ཐུང་ཐུང་གི་མྱི་རྫོད་ཟེར་བ་བཞིན།ལག་སྲབ་མདའི་ཚབ་ཀྱི་ལག་རྟགས་གཡུགས་ནས་གློག་ལྗང་དམར་མཚམས་ནས་བྲོས་བྱོལ་དང་འགྲོས་སྔ་གཞུག་བརྩད་ནས་མཆོངས་བསྐྱོད་བྱས་ན་ཁྲིམས་བཙན་པོའི་གཉའ་ཤིང་རང་འཇོག་ཨེ་ཡིན།ནང་ཕུ་ནུ་གྱོད་སྣ་ཁུར་རོགས་ཨེ་ཉན།...

ནམ་སྨད་ཚ་ཐབ་སྟེང་ནས་གྲག་འོངས་པའི་ཁྲོག་སྒྲ་ཆོམ་སྒྲ་ཡིས།བུ་མོ་ཆུང་ཆུང་དེའི་གཉིད་ཀྱི་བདེ་བ་མ་ལུས་ཁད་ཀྱིས་དཀྲོགས་བྱུང་།མོ་སྔངས་སད་ཅིག་གིས་ཡར་དགྱེ་སྟེ་དེ་ལྟར་ཨ་མ་བོས་བྱུང་ལ།གྲིབ་ཡོར་ནག་པོ་ཞིག་གློ་བུར་སྒེའུ་ཁུང་བརྒྱུད་ནས་ཕྱི་ལ་ཤོར་བ་དང་།མོའི་ཨ་མ་ཉལ་སའི་ཚ་ཐབ་འགབ་ཀྱི་ཤེལ་ལེབ་ཁག་ཅིག་སིང་དིར་རེར་ཆག་པ་དེས།ལོ་ན་དགུ་ལ་བུད་མ་ཐག་པའི་བུ་མོ་ཆུང་ཆུང་དེ་སྐྱི་གཡའ་བར་བཏང་བྱུང་།...

གྱང་རྩི་ལྷུང་བའི་ལྡེབས་རིས་ཀྱི་ལོགས་སུ།ཆག་གྲུམ་ཤོར་བའི་རྡོ་རིང་གི་རྩ་རུ།འབྲོང་རྒོད་ཀྱི་འགྲམ་རུས་འབྱར་བའི་འཁྱགས་དར་གྱི་ངོས་སུ། ང་ཚོས་དེ་སྔོན་གང་དུའང་བྲིས།...

འགལ་བ་ཁ་སྤྲོད་ཀྱི་ཚུལ་དུ་ཡང་གནས་པ་ནི།རྩོམ་རིག་བརྩམས་ཆོས་ཁོ་ནར་ཡོད་ཆོག་པ་ལྟ་བུའི་སྙིང་ཉེ་བའི་གསར་གཏོད་ཅིག་རེད་བསམས།དེར་བརྟེན།གངས་དབང་གི་ལྷུག་རྩོམ་རེ་རེའི་ནང་དུ་རྟོགས་པས་བཏགས་པའི་གངས་དགའ་དང་མངོན་སུམ་འཚོ་བའི་ཁྲོད་ཀྱི་གངས་དབང་།ཁེར་རྐྱང་གི་སེམས་པའི་སྐྱོ་རོགས་གངས་དགའ་དང་ཁེར་རྐྱང་དུ་ལུས་པའི་གངས་དབང་།དེ་མིན་སེམས་ཚོར་རིགས་ཤིག་གི་བསྡུས་གཟུགས་སུ་གྱུར་བའི་གངས་དགའ་དང་ཞེན་ཆགས་དང་ཕངས་སེམས་ཀྱིས་ཁེངས་པའི་གངས་དབང་བཅས་ཁོང་གཉིས་མཉམ་དུ་ལམ་ལ་ཆས་ཐེངས་རེར།ང་ཚོ་ཀློག་པ་པོར་ཁོང་གི་ལྷུག་བརྗོད་ཀྱི་བར་གསེང་ཞིག་ནས་སེམས་ཚོར་དྲག་པོ་ཞིག་བསྐྱེད་ཐུབ་པ་ནི།གས་ཆགས་དང་།གཏོལ་མེད།འགལ་འདུ་དག་ཡིན་ཏེ།དེ་ནི་ལྷུག་བརྗོད་བྱེད་མཁན་འདི་གཉིས་ལམ་དུ་བསྐྱོད་སྐབས་ཡང་ཡང་མིག་ལམ་དུ་མངོན་ཡོང་པའི་གནའ་ཤུལ་གྱི་ཞིག་རལ་དེ་དག་དང་། གསར་དུ་བརྩིགས་པའི་བཟོ་བཀོད་དེ་དག།གནའ་ཉམས་ཅན་གྱི་རྩིགས་ལྡེབས་སུ་ཚོས་མདོག་ཡལ་ལ་ཉེ་བའི་ལྡེབས་བྲིས་དེ་དག།དགོན་པའི་འདུ་ཁང་གསར་བའི་སྟེང་གི་གསེར་མདོག...

བརྩེ་བའི་ལུས་ཀྱི་མེ་ཏོག་གི།ཉམས་སྣང་འདར་བའི་སྒྱུ་མ་ཡིས།།འདབ་གཤོག་གཡོ་བའི་ཟློས་གར་མཁན།།འོད་ཀྱི་རྗེ་བོ་རྟག་ཏུ་འཛུམ།།...

སྒེའུ་ཁུང་ལས་མཐོང་བའི་ལྕང་སྡོང་དག་གི་ཚབ་ཏུ་ལས་བཟོ་བ་དེ་ཚོས་སྐྱེས་མ་ཐག་ནས་སེར་བོ་ཡིན་པའི་སྡོང་བོ་འགའ་བཙུགས་པ་ང་རང་སྟོན་ལོར་གོམས་ཆེད་གཏན་ནས་མིན་ནའང་།ངས་དཔྱིད་ཀ་ནས་དབྱར་གཞུང་བརྒལ་ཏེ་དུས་ཚིགས་ནས་དུས་ཚིགས་བར་སེམས་ཁྲལ་བྱས།ཡིན་ནའང་སྟོན་ཀ་སྔར་བཞིན་བསླེབས་ཡོང་།སྟོན་ཀ་བསླེབས་ཐེངས་རེར་ངས་སེམས་གཅོང་ཤས་མི་ཐེག་པ་དེ་ཁྱེར་ནས་རྒྱང་ནས་རྒྱང་དུ་འཁྱམ་འདོད།ཡིན་ནའང་རྒྱང་རིང་དུ་ཅི་ཞིག་ཡོད་དམ།རྒྱང་རིང་གི་རྒྱང་རིང་ཡང་རྒྱང་རིང་ཁོ་ནའོ།།...

དཀར་རྒྱན་ངོ་ཤེས་པའི་དགུན་ཁ་དེར།ཁྲུང་ཁྲུང་དང་སྐྱ་ཀ་དག་ཀྱང་གཉིས་རེ་གཉིས་རེ་འཕུར་ནས་གང་ཞིག་ཏུ་བཞུད་ཀྱིན་འདུགཡིན་ན་ཡང།དཔྱིད་ཟླ་ཚེས་དུས་དཀར་རྒྱན་གཅིག་པུ་ཁེར་རྐྱང་གིས་འཕུར་དགོས་སོང།...

ངས་ནི་རྩྭ་ཐང་གི་ཉི་འོད་ཀྱིས་བསྐྱངས་པའི་ཁྱོད་ནི"ཁ་ན་ཡི་ཆད་ཀྱི་ངག་ཚིག་མེད་ལ།སྙིང་ན་མྱ་ངན་གྱི་རྗེས་ཤུལ་ཡང་མེད"པའི་ལྷད་མེད་དྭངས་གཙང་།ཞི་དུལ་བག་ཡོད།སྟབས་བདེ་བབ་ཆགས།ཟོལ་མེད་རྣམ་དག་ཅིག་ཡིན་པར་ནམ་ཡང་ཡིད་ཆེས་བྱས་ཡོད།ཡིད་ཆེས་དེ་ཁོ་ནའི་དབང་གིས་ཁྱོད་ཀྱིས་བསམ་བཞིན་མ་ཡིན་པའི་སྒོ་ནས་ང་ཡི་སེམས་པ་བསྣད་སོང་བར་ངས་ཀྱང་འཁང་ར་བྱ་སྲོལ་མེད།དེའི་རྐྱེན་གྱིས།ངས་ནི་ཁྱོད་ལ་སེམས་ཀྱི་སྐད་ཆ་ཚིག་གཅིག་ཅིས་ཀྱང་ཞུ་འདོད་དེ།ཁྱོད་ཀྱི་དོགས་སྣང་དང་གཟོབ་ཉམས་དེས་ཁྱོད་ལའང་ག་ཤེད་ཅིག་ན་ཉེན་འཚུབ་ཀྱི་འདུ་ཤེས་དྲག་པོ་ཞིག་སྐྱེ་ཡི་ཡོད་པ་མཚོན་ནུས་པས་ང་རང་དེ་ལ་ཧ་ལས་པོ་དགའ་བཞིན་ཡོད་མོད།ཁྱོད་ཀྱི་དོགས་པའི་མདུང་ཁ་དེ་ནམ་ཡང་ནང་ཕྱོགས་ཁོ་ནར་འཁོར་ནས་འདུག་པ་དེར་ང་རང་ཅིས་ཀྱང་དངངས་སྐྲག་ཅིག་ཀྱང་ནམ་ཞར་སྐྱེ་ཡི་འདུག...

ཉི་འོད་ལྟ་བུའི་བརྩེ་སེམས་ཀྱི་ཁུག་ཏུ།འཛེམ་དོགས་མེད་པར་སྒྲེན་མོར་མངོན་ཏེ།ལུས་པོ་དང་སེམས་པ་ལྷོད་ཤིག་གེར་མཉེས་གཤིན་གྱི་རྩྭ་ཐང་དེ་ལ་རེག་ཐེངས་རེར།ང་རང་ནམ་ཡང་མར་ལོ་ལྟར་ཞུ་འགྲོ།...

ད་ལོར་ལྷ་སར་ནད་ཡམས་ཀྱི་དབང་གིས་རང་ཁྱིམ་དུ་བཀག་ཉར་གྱིས་ཡུན་རིང་བོར་འདུག་དགོས་བྱུང་མོད།ཡིན་ནའང་ང་ལ་མཚོན་ན་སོས་དལ་བག་ཕེབས་ངང་དཔེ་ཆར་ལྟ་བའི་གོ་སྐབས་ཧ་ཅང་ལེགས་པོ་ཞིག་བྱུང་བས།མཚམས་རེར་རྐྱེན་ངན་གྲོགས་སུ་གྱུར་བའི་སྣང་བ་ཞིག་ཀྱང་སྐྱེས།ཁོམ་གསེང་འདི་དང་བསྟུན་ཏེ་རང་ཁྱིམ་གྱི་དཔེ་སྒྲོམ་སྟེང་གི་དཔེ་དེབ་མཐའ་དག་ཀྱང་བསྐྱར་སྒྲིག་ཅིག་བྱས་པ་ཡིན་ལ།དཔེ་དེབ་ཚང་མ་རིགས་དང་དབྱེ་བ་བཀར་ནས་ལེགས་སྒྲིག་བྱེད་དུས།དཔེ་ཆའི་བར་གསེང་རེ་ན་བཞག་ཡོད་པའི་པར་རྙིང་དག་ཀྱང་ཕྱོགས་གཅིག་ཏུ་བསྡུས་ནས།རེ་རེ་བཞིན་པར་དེབ་གསར་པ་ཞིག་ཏུ་བདག་ཉར་བྱས་པ་ཡིན།བརྒྱུད་རིམ་དེའི་ཁྲོད་དུ་ང་ལ་ངང་ངམ་ཤུགས་ཀྱིས་དགའ་སྐྱོ་འདྲེས་མའི་ཚོར་བ་སྣ་ཚོགས་ཤིག་སྐྱེས་འོང་བ་སྟེ།འདྲ་པར་རེ་རེའི་རྒྱབ་ལྗོངས་སུ་རང་གི་འཚོ་བའི་ཟ་ཟུར་དང་འབྲེལ་བའི་ཕྱིར་དྲན་རེ་ཡོད་པས་སོ།།...