སྣང་བ་བག་མེད་འཁོར་བའི་སྤྲིན་དཀར་གྱི་འདབ་མ།།ངེས་མེད་འཕུར་ལྡིང་གར་གྱིས་སྟངས་སྟབས་རང་སྒྱུར་དུས།།ཞེ་འདང་ཨ་ལོང་འཁྱིལ་བའི་མཚོ་མོ་དེའི་ངོགས་ན།།དར་དཀར་འཇམ་པོའི་གཤིས་ཀྱི་གྲོགས་མོ་ཚོ་འཛུམ་ཡོད།།...

ངོ་མཚར་དཔལ་གྱིས་ཕྱུག་པའི་སྦས་ཡུལ་ལེགས་པོ་རོང་ནི་རི་བོ་ཧི་མ་ལ་ཡའི་རི་རྒྱུད་ཀྱི་ཤར་སྣེ་དང་།མཚོ་སྣ་གྲོང་ཁྱེར་ཁོངས་ཀྱི་སྤོས་ལ་ལ་མོའི་ལྷོ་འདབས།ཉ་བཤང་ཆུ་བོའི་དབུས་སྨད་རྒྱུད་ཀྱི་གྲང་ལྷགས་ཆེ་བའི་འཛམ་གླིང་ཡང་རྩེ་དང་ཚ་བཤེར་ཆེ་བའི་རྒྱ་གར་རྒྱ་མཚོའི་ས་ཁུལ་གྱི་འབྲེལ་མཚམས་སུ་གནས་ཤིང་།མི་རྣམས་ཀྱིས་མེ་ཏོག་ཆུང་བ་ཞེས་ཀྱང་འབོད་ཀྱི་ཡོད།ལེགས་པོ་ཞེས་པ་ནི་ས་ཆ་ལེགས་པོ་ཡོད་ཅེས་པའི་དོན་ཡིན་ཞིང་།ཡུལ་འདིའི་ནུབ་ཕྱོགས་སུ་འབྲུག་ཡུལ་དང་།ལྷོ་ཕྱོགས་ནི་མོན་ཡུལ་གྱི་ལྟེ་བའི་ས་ཁུལ་རྟ་དབང་བཅས་ཡིན།རོང་རྒྱུད་ཀྱི་ཕྱོགས་མཚམས་ཀུན་ཏུ་རི་བོའི་ཚོགས་ཀྱིས་ཡོངས་སུ་སྐོར་བ་ལ་བྲག་རི་གཡང་གཟར་གྱི་རྩེ་མོ་སྤྲིན་གྱི་ལྟོ་བར་ཟུག་པ།རི་རྒྱུད་མཐའ་དག་གདོད་མའི་ནགས་ཚལ་གྱིས་ཁེབས་པ།མེ་ཏོག་སྣ་མང་གི་ཚོན་མདངས་མཛེས་ལ་དྲི་བསུང་ཕྱོགས་སུ་འཐུལ་བར་བྱེད་པ་བཅས་རང་བྱུང་གི་རྩྭ་རྩི་ཤིང་སོགས་ཕུན་སུམ་ཚོགས་པ།བྲག་རིའི་ཐུར་དུ་དར་དཀར་འཕྱང་འདྲའི་རྦབ་ཆུ་མང་བ།རི་གསེབ་དག་ཏུ་རི་དྭགས་དང་གཅན་གཟན་སྣ་ཚོགས་བག་ཡངས་ཀྱིས་རྒྱུ་ཞིང་ལྗོན་པའི་ཡལ་གའི་རྩེ་རུ་བྱ་རིགས་སྣ་ཚོགས་ཀྱིས་སྙན་པའི་སྒྲ་སྒྲོག་པར་བྱེད་པ།རྩྭ་གསེབ་རྣམས་སུ་སྲིན་འབུ་མེ་ཁྱེར་སོགས་འབུ་སྲིན་གྱི་རིགས་ཅན་ཤིན་ཏུ་མང་བ།དུས་ཚི...

དམར་པོ་རི་ཡི་མཐའ་སྐོར་དུ།ཕྲེང་བ་ཐང་ལ་འཕངས་པ་ལྟར།ང་ཚོ་འཕར་རྩ་གཅིག་ལ་དཔུང་གདང་བསྟར་རྗེས།བྲག་གི་སྲིན་མོའི་ནུ་རིན་དེ་འཚོལ་ཕྱིར།མཐའ་ནས་མཐའ་རུ་ཁད་ཀྱིས་གྱེས།...

ཆུང་ཆུང་ལུ་གུ་འཚོ་རོགས།ཡང་ཆུང་མེ་ཏོག་འཐུ་རོགས།ཤབ་ཤུབ་སྙིང་གཏམ་བཤད་རོགས།རྩེད་ར་གྲུ་བཞིའི་རྩེད་རོགས།ཁོ་མོ་ཚོས་སློབ་གྲྭའི་སྒོ་མོ་ཙམ་ཡང་མཐོང་མ་ཐུབ་པར།གོས་ཚར་གོས་ལྭའི་ཤོམ་ལྭ་གོན་ནས།དར་ཚོན་སྣ་ལྔའི་རྒྱབ་དར་བཏགས་ནས།གྲ་ཡག་གི་ཝ་ཞྭ་གོན་ནས།ཡིད་འོང་གི་ངོ་གདོང་བསུམ་ནས།མིག་ཆུ་གཞུང་ཆུར་བསྲེས་ནས།ཐོད་པའི་ཁ་ཡིག་ཁྱེར་ནས།ཆ་མེད་ཀྱི་ཁྱོ་བོ་བསྙེགས་དུས།ཁོ་མོ་ཚོས་ངའི་རྣ་རྩ་ལ་གཅིག་གྱུར་གྱི་གསང་བ་ཞིག་བསྐྱུར་བ་ནི།“ཁྱོད་ནི་ངོ་མ་ལས་ཆེན་ཞིག་རེད།”ཟེར།...

བཀྲ་ཤིས་འཆར་ཅན་ནང་བཞིན་ཙོང་ཆུའི་འགྲམ་རྒྱུད་ཀྱི་ཇ་ཁང་དེར་ཡོང་ནས།ཁ་ཧྥེ་ཕོར་བ་གང་འཐུང་ཞོར་གློག་ཀླད་ཀྱི་མཐེབ་གཞོངས་ངོས་སུ་ཡི་གེ་གཏགས་བཞིན་ཡོད།ཙོང་ཆུ་བཞུར་བའི་སྒྲ་དབྱངས་ལ་ཉན་ནས་སྙན་ངག་དང་སྒྲུང་གཏམ་འབྲི་བ་ནི་བཀྲ་ཤིས་ཀྱི་དགའ་ཕྱོགས་འབའ་ཞིག་ཡིན་ལ།ཙོང་ཆུ་བཞུར་བའི་སྒྲ་དབྱངས་ཀྱིས་ཁོ་ལ་སྙན་ངག་གི་འཆར་ཡན་དང་བརྩམས་སྒྲུང་གི་བློས་བསླངས་མང་བོ་ཞིག་སྦྲུམས་པར་རོགས་དན་བྱས་ཡོད།ཁོས་ད་ལྟའི་བར་དུ་ཙོང་ཆུ་དང་འབྲེལ་བའི་རྩོམ་ཡིག་མང་བོ་ཞིག་སློབ་རའི་ཚགས་པར་དང་དུས་དེབ་སོགས་སུ་སྤེལ་ཡོད་ཅིང་།ཀློག་པ་པོ་མང་བོ་ཞིག་གིས་གདེང་འཇོག་ཀྱང་ཚད་མེད་གནང་ཡོད།...

ང་རང་བར་སྣང་གི་ཁང་བརྩེགས་དྲུག་ཅུ་རེ་བཞི་ནས་མར་ས་ལ་བབས་ཏེ་ཐད་ཀར་ཁྲོམ་སྲང་ལ་འགྲོ་དུས།མདང་དགོང་བྲིས་པའི་སྒྲུང་ཐུང«རྗེས་འདེད་མཁན་གྱི་གྲིབ་མ»ཞེས་པ་དེའི་འགོ་རྩོམ་ཕྱོགས་ལ་འདང་རྒྱབ།ཐད་ཀར་ཁ་བརྡ་ཞིག་ནས་འགོ་བརྩམས་པ་དེ་ད་ལྟ་བསམ་ན་ངའི་ཤེས་པ་ཡིས་མི་ཟིན་པ་ཞིག་རེད།དེ་ཡིན་དུས་འགྲིག་འདུག་བསམ་སྟེ་དཔྱིད་ཀའི་ཉི་ཉོད་འཇམ་པོ་འདི་གོས་སུ་གོན་ནས།ཟང་ཟིང་གི་སྲང་ལམ་རེ་རེ་བརྒྱུད་དེ་ས་ཁྲོན་གྱི་ཟ་ཁང་ཞིག་ཏུ་སྔོ་ཚལ་འབྲས་སྤག་ཅིག་བཟའ་བའི་སྐབས་སུ།ཕ་ཡུལ་སྨིན་ཐང་དུ་ཡོད་པའི་ཨ་ཅེ་ཆོས་སྒྲོན་གྱིས་ཁ་པར་སླེབས་སོང་།...

མཐར་མཐར་ཕྱིན་སློབ་བུ་ཡོངས་ཀྱིས་ད་ལོའི་མཐོ་རྒྱུགས་ལས་རང་ཉིད་ཀྱི་བློ་མི་འགྱོད་ཅིང་ཕ་མ་དང་དགེ་རྒན་ལ་ངོ་མི་གནོངས་པའི་གཡུར་ཟའི་གྲུབ་འབྲས་ལོན་པ་དང་བཅས། འདོད་དོན་ཐམས་ཅད་ལྷུན་གྱིས་འགྲུབ་པའི་བཀྲ་ཤིས་ཤོག...

ངའི་རང་ཁྱིམ་ཞེས་པའི་རྡོ་ཁང་གྲུ་བཞི་དེ་ནི་མཐོ་སྒང་གི་གྲོང་ཁྱེར་འདིའི་ཅུང་བས་མཐའ་ཞིག་ཏུ་གནས་ལ།ད་ལྟའི་གནས་འདི་ནས་གྲོང་ཁྱེར་གྱི་བས་མཐའ་དེར་བསྐྱོད་པར་ཆེས་མ་མཐའ་ཡང་དུས་ཡུན་ཆུ་ཚོད་ཕྱེད་ཀ་ཙམ་དགོས། དེས་ན།མ་འོངས་པའི་ཆུ་ཚོད་ཕྱེད་ཀའི་ཡུན་འདིར་ངས་ཅི་ཞིག་བསྒྲུབ་འོས་སམ།ང་ལ་གློ་བུར་དུ་འདི་འདྲའི་སེམས་ཁྲེལ་ཞིག་སྐྱེས་འོངས།ང་རང་བསྡད་པའི་གླ་གཏོང་རླངས་འཁོར་དེས་གཞུང་ལམ་གྱི་དཀྱོགས་ཆེན་ཁག་དང་རླངས་འཁོར་གྱི་སྲུབས་ཀ་ཇི་སྙེད་ཐོལ་གྱིས་བརྟོལ་ཏེ། མདུན་ནས་མདུན་ལ་རྒྱུག་པར་བྱེད་མོད། འོན་ཏེ།ང་ལ་ད་དུང་གླ་གཏོང་རླངས་འཁོར་འདི་དལ་དྲགས་པའི་འཁང་སེམས་ཤིག་ལན་གཅིག་མིན་དུ་སྐྱེས་ཡོང་།...

ཚོང་ཁང་འདི་དག་གི་སྒོ་དྲུང་བརྒྱུད་ནས་འགྲོ་དུས།ངའི་ཡིད་ལ་གློ་བུར་དུ་བསྟན་འཛིན་དཔལ་ལྷའི་སྐད་ཆ་འདི་དྲན་བྱུང་། མཚན་མོ་དེར།བསྟན་འཛིན་དཔལ་ལྷས་སྐད་ཆ་འདི་བཤད་དུས།ང་ནི་ཁོ་མོའི་མཐོང་ལམ་དུ་ཅིས་ཀྱང་གསལ་ལ་མི་གསལ་བ་ཞིག་ཡིན་སྲིད། རྒྱུ་མཚན།སྐབས་དེར་བསྟན་འཛིན་དཔལ་ལྷའང་ངའི་ཁ་གཏད་དུ་དེ་འདྲའི་གསལ་བོ་ཞིག་སྣང་མི་འདུག དེ་བཞིན་དུ།ངས་ཁོ་མོའི་སྐད་ཆ་འདི་སྒྲ་འཛིན་གྱིས་ཟིན་པའང་དེ་འདྲའི་གསལ་ལ་མི་གསལ་བ་ཞིག་རེད། གང་ལྟར།མཚན་གཞུང་དེར། ང་དང་བསྟན་འཛིན་དཔལ་ལྷ། ད་དུང་ཁོ་མོའི་སྐད་ཆ་དེ། དེ་དག་ཡོད་ཚད་ཆང་ཁང་དེའི་མུན་པའི་ཀློང་དུ་སུ་ཞིག་གིས་བསུབ་ལ་ཉེ་བ་དང་འདྲ་བར་གསལ་ལ་མི་གསལ་བ་ཙམ་དུ་སྣང་།...

ཉེ་བའི་ལོ་འདི་དག་གི་རིང་ལ།ངས་འབྲོག་པ་དང་འབྲེལ་བའི་རྩོམ་ཡིག་རེ་འགའ་མ་གཏོགས་འབྲི་མ་ཐུབ་ནའང་།འབྲོག་པ་དང་འབྲེལ་བའི་རྩོམ་ཡིག་མང་དུ་བཀླགས་ཐུབ་སོང་།འབྲོག་པ་ཞིག་བྱེད་པའི་བདེ་སྐྱིད་དེ་ནི་འབྲོག་པ་དང་འབྲེལ་བའི་མིང་དང་ཚིག་གི་ཚེག་ཕྲེང་བསྟར་ལ་བརྒྱུས་པ་ཙམ་གྱིས་ཡོང་བ་ཞིག་མིན་ནའང་།ངའི་བསམ་པ་ཞིག་ལ།ཅི་ཡང་མ་ཤོད་པ་དང་གཅིག་ཀྱང་མ་ཕྲིས་པ་ཙམ་གྱིས་དེ་བས་མི་ཡོང་བ་འདྲ།...