གྲོ་ཚང་དགོན་ཆེན་བཀྲ་ཤིས་ལྷུན་པོ་ཉིད།།མཚོ་སྔོན་ལུང་མདོ་གྲོ་ཚང་རྡོ་རྗེ་འཆང་།།གོ་ཏམ་སྡེ་ཞེས་བྱ་བའི་ལྷོ་ཕྱོགས་སུ།།བཀྲ་ཤིས་སྡིངས་ཀ་ཉམས་དགའི་དབེན་གནས་སུ།།ཆགས་ཤིང་མཐའ་སྐོར་རྫ་སྤངས་ནགས་རིས་བསྐོར།།ཚང་ཚིང་གསོམ་ཤུག་ནགས་ཚལ་གཡུ་ལོ་རྒྱས།།གཙང་ཆབ་བདུད་རྩི་ཕྱོགས་ཀུན་ལྷུང་ལྷུང་འབབས།།རྐང་བཞི་འདབ་ཆགས་སྡེར་ཆགས་སེམས་ཅན་རིགས།།བག་ཕེབས་རྩེན་ཞིང་སྙན་པའི་མགྲིན་རྔ་བརྡུང་།།བསམ་གཏན་འཕེལ་བའི་དབེན་པའི་དགའ་ཚལ་འདིས།།དྲང་སྲོང་ཉམས་དགའི་གནས་ལ་ཅོ་འདྲིའོ།།དགོན་པའི་བྱང་ནས་ལུང་མདོ་རྫོང་མཁར་ལ།།སྤྱི་ལེ་སུམ་བཅུ་ཡོད་དང་གོ་ཏམ་སྡེ།།བར་དུ་སྤྱི་ལེ་དགུ་ཡིས་ཆོད་པ་ཡིན།།དུས་ཆེན་ངལ་གསོའི་ཉིན་མར་མི་རྣམས་ཀྱིས།།རྒྱུན་པར་སྤྲོ་འཆམ་བྱེད་སའི་སྐྱིད་ཚལ་གྱུར།།...

ཇོ་བོའི་ཐུགས་དམ་རྟེན་ཐུབ་དབང་གི་སྐུ་བརྙན་ཤར་ལི་ལས་གྲུབ་པ་གཅིགཤར་ལི་ལས་གྲུབ་པའི་བླ་མ་གསེར་གླིང་པའི་སྐུ་མི་ཚད་མ་གཅིགཇོ་བོ་རྗེའི་ཐུགས་དམ་རྟེན་འབྲལ་མེད་མཆོད་རྟེན་གཅིགཇོ་བོའི་སྐུ་གཅིགཔཎ་ཆེན་ན་རོ་པའི་གདུང་རུས་བཞུགས་པའི་བཀའ་གདམས་མཆོད་རྟེན་གཅིགལི་མའི་ཐུབ་དབང་སྐུ་མི་ཚད་མ་གཅིགབཀའ་གདམས་མཆོད་རྟེན་ཆེ་བ་གསུམ།ལྷ་ཁང་ཤར་ནང་།ཇོ་བོ་ཆོས་གསུང་སའི་བྱེ་མའི་བཞུགས་ཁྲི་དང་།ཚེ་དཔག་མེད་དང་ཉེ་བའི་སྲས་ཆེན་བརྒྱད།ཁྲོ་བོ་གཉིས།ཕྱིས་ཕོ་ལྷ་བ་བསོད་ནམས་སྟོབས་རྒྱལ་སྐབས་བཞེངས་པའི་གསེར་ཟངས་ཀྱི་སྒྲོལ་མ་ཉེར་གཅིག་བཅས་བཞུགས།...

ཡར་ཀླུང་ཁུལ་གྱི་གནས་རྟེན་ཕུག་གསུམ་རྟེན་རྙིང་མཇལ་བའི་དོགས་གཅོད་ཕྲན་བཤད།...

རྨ་ཀླུང་རྡོ་རྗེ་བྲག་ར་འདིར་བོད་ཀྱི་མཁས་པ་མི་གསུམ་བྲོས་བྱོལ་དུ་ཕེབས་ནས་དམ་ཆོས་འདུལ་བའི་ཤེས་རིག་གི་མེ་རོ་གནས་འདི་ནས་སླར་གསོས་པས་མདོ་སྨད་ཤེས་རིག་གི་བཙན་རྫོང་ཉག་ཅིག་ཏུ་གྱུར་པ་དང་མཉམ་དུ་ཡུལ་ཕྱོགས་འདིར་ནང་པའི་བསྟན་པ་ཆེས་ཆེར་དར་ཞིང་།བསྟན་འཛིན་གྱི་སྐྱེས་བུའང་གྲུབ་མཐའ་རིས་མེད་ནས་མང་དུ་བྱོན་པ།དེ་དག་གི་བཀའ་དྲིན་ལ་བརྟེན་ནས་རྨ་ཀླུང་རིང་མོའི་དོལ་ཁུག་འདིར་ཐུན་མོང་དང་ཐུན་མོང་མ་ཡིན་པའི་རིག་གནས་ཀྱི་རྨང་གཞི་མཐུག་པོ་ཞིག་ངང་གིས་ཆགས་ནས་ད་ལྟའི་བར་དུ་མ་ཉམས་པར་རྒྱུན་འཛིན་བྱས་ཡོད་པར་མ་ཟད།དགེ་སྒྲུབ་ངན་སྤང་གི་ཆེད་དུ་གནས་འདིར་ཡོང་ནས་ཡུལ་ལྷ་གཞི་བདག་དང་སྲུང་མ་མནའ་རྟེན་ནམ་དཔང་པོར་བཞག་སྟེ།མནའ་ཚིག་དེ་དང་འགལ་བར་གྱུར་ན་ཤ་ཁྲག་དེ་རང་གིས་ཟོས་པ་དང་འདྲ་བའི་བསམ་པའི་འདུ་ཤེས་སམ་བག་ཆགས་གོམས་ཡོད་པར་བརྟེན།མི་རྣམས་ཀྱི་གཤིས་ཀར་ཚོད་འཛིན་བྱས་ནས་དྲང་བདེན་གྱི་ལམ་དུ་བསྒྱུར་ཡོད་པས་སྤྱི་ཚོགས་འཆམ་མཐུན་ཡོང་བར་ཤུགས་རྐྱེན་གང་ལེགས་ཐེབས་ཡོད་པ་རེད།...

འབྲོག་རི་བོ་དགའ་ལྡན་རྣམ་པར་རྒྱལ་བའི་གླིང་ནི་ཁམས་གསུམ་ཆོས་ཀྱི་རྒྱལ་པོ་ཤར་ཙོང་ཁ་པ་བློ་བཟང་གྲགས་པ་ནས་སྤྱི་ལོ་༡༤༠༩ལོར་ཕྱག་བཏབ།...

མདོ་སྨད་སྣང་རའི་གསེར་ཁང་ནི་དགེ་ལྡན་པའི་མེས་པོ་ཆོས་རྗེ་དོན་གྲུབ་རིན་ཆེན་གྱིས་ཕྱག་བཏབ་ནས་ད་ལྟའི་བར་དུ་ལོ་ངོ་དྲུག་བརྒྱ་དང་བདུན་ཅུ་ལྷག་གི་ལོ་རྒྱུས་ཡོད་པའི་ལྷ་ཁང་ཞིག་ཡིན་པར་མ་ཟད།དེ་ལ་བཀའ་གདམས་པ་དང་།དགེ་ལུགས་པ།རྙིང་མ་བ་ལ་སོགས་པའི་གྲུབ་མཐའི་སྐྱེས་ཆེན་དམ་པ་མང་པོས་ཞབས་ཀྱིས་བཅགས་ཤིང་།ལྷག་པར་དུ་སྐུ་རྟེན་དང་ལྡེབས་རིས་སུ་བཀོད་པའི་ཆོས་ལུགས་ཀྱི་ལོ་རྒྱུས་རྩ་ཆེན་མང་པོ་དང་།གཟུངས་གཞུག་ལ་སྐྱེས་ཆེན་མང་པོའི་ན་བཟའ་དང་དབུ་ལྗོན་སོགས་ཡོད་ལ།གཞན་ཡང་རྒྱ་གར་ནག་དང་།བལ་ཡུལ།མདོ་དབུས་ཁམས་གསུམ་སོགས་ཀྱི་གནས་ཆེན་དུ་མའི་ས་སྣ་ཆུ་སྣ་ཤིང་སྣ་སོགས་གང་འཛོམས་ཡོད་པ་དང་། བཟོ་བཀོད་ཀྱི་ཐད་དུ་ལྷ་སའི་བསམ་ཡས་སོགས་ཀྱི་ཁྱད་ཆོས་དང་ཆ་འདྲ་བ་ཡོད་པས་བོད་ལུགས་ཀྱི་ཁྱད་ཆོས་འབུར་དུ་ཐོན་ཡོད་པར་བརྟེན་མདོ་སྨད་ཡུལ་དུ་བོད་ལུགས་ཅན་གྱི་ལྷ་ཁང་རྙིང་གྲས་ཀྱི་ཡང་རྩེ་རུ་བགྲངས་པར་མ་ཟད།དེའི་ལྡེབས་རིས་ནི་མདོ་སྨད་ཡུལ་གྱི་ཧ་ཅང་རྩ་ཆེན་ཞིག་ལ་རྩི་བཞིན་ཡོད།མདོར་ན་སྣང་རའི་གསེར་ཁང་ནི་ལོ་རྒྱུས་ཀྱི་རྒྱུན་རིང་ཞིང་། ད་ལྟའི་བར་དུ་ཤེས་རིག་གི་བཙན་རྫོང་འདིར་མེ་ལོང་བཞིན་དུ་རང་ཉིད་ཀྱི་ལོ་རྒྱུས་འགྲེམས་སྟོན་མཛད་ནས་ལོ་ངོ་བདུན་བརྒྱར་སླེབས་ལ་ཉེ་བའི་བར་དུ་འགྱིང་ངེར་གནས་པ་ནི་ཇི་འདྲའི་རིན་ཐང་ཆེ་ལ།གཞན་ཡང་དད་ལྡན་གྱི་སྐྱེ་བོ་མང་པོའི་བློ་རྩེ་གཏོད་ས་དང་སེམས་ཁམས་དྭངས་མར་བྱེད་སའི་གནས་འགངས་ཆེན་ཞིག་ཡིན་པ་སོགས་ཀྱི་ལོ་རྒྱུས་ཀྱི་དོན་སྙིང་ཆེས་ཆེར་ལྡན་ནོ།།...

རྒྱལ་ཡོངས་སུ་ཁྱོན་བྲག་ཕུག་དགོན་པ2155དང་བྲག་བརྐོས་སྐུ་འདྲ3831བཅས་ཁྱོན5986ཡོད་པ་རེད།...

   ཨ་མདོའི་ཆེས་སྔ་གྲས་ཀྱི་རྟེན་རྙིང་བྱིན་རླབས་ཅན་མཆོད་རྟེན་དྲིལ་གསིལ་མ་ནི།མདོ་སྨད་མཚོ་ལྷོ་བོད་རིགས་རང་སྐྱོང་ཁུལ་ལ་རྫོང་ལྔ་ཡོད་པའི་ནང་ཚན། ཁྲི་ཀ་གསེར་སྨུག་ལྗོངས་ཞེས་ཡོངས་སུ་གྲགས་པའི་གནས།རྨ་ཀླུང་སྔོན་མོ་གཡས་སུ་འབབ་པའི་ཁུགས་པ་ནོར་བུ་དགའ་འཁྱིལ་ལྟ་བུའི་ས་དབྱིབས་མཛེས་ཤིང་ས་དཔྱད་ལེགས་པ།ཁྲི་ཀའི་རྫ་རྒྱུད་མཐོན་པོ་སྲིན་པོ་རི་བྱ་རྒྱལ་ཁྱུང་གི་དབྱིབས་ཅན་ལ།ཁྱུང་གི་གཤོག་སྟེང་དུ་གྲགས་པའི་མཆོད་རྟེན་སྐེ་ཞེས་བྱ་བ།འཕྲང་དམར་གྲོང་རྡལ་གྱི་མངའ་ཁོངས་རྫོང་མཁར་ནས་ལྷོ་ཕྱོགས་སུ་སྤྱི་ལེ་ཉེར་བརྒྱད་ཙམ་ཡོད་པའི་སར་བཞུགས་ཡོད།...

སྡེ་འདི་ནི་ཁྲི་ཀ་རྫོང་སྲིད་ནས་ལྷོ་ནུབ་ཏུ་སྤྱི་ལེ་བདུན་གྱི་མཚམས།དེང་གི་སྤྱང་ཚང་མ་སྡེ་བའི་ཁོངས་སུ་ཡོད་པའི་དགེ་ལུགས་པའི་སྒྲུབ་སྡེ་ཞིག་ཡིན།༼མདོ་སྨད་ཆོས་འབྱུང༽ལས།སྡེ་འདི་ཐོག་མར་འདེབས་མཁན་ནི་འཇའ་མོ་ངག་དབང་གྲགས་པ(༡༦༧༨-༡༧༤༥)ཡིན་པས།དགོན་པའི་མཚན་ལ་འཇའ་མོ་གྲྭ་ཚང་ཞེས་ཐོགས།...

 སྒྲུབ་སྡེ་འདི་ནི་ཁྲི་ཀ་རྫོང་མཁར་ནས་ནུབ་བྱང་དུ་སྤྱི་ལེ་ང་གསུམ་ཡོད་པའི་ཆུ་ནག་སྡེ་བའི་ནུབ་ཕྱོགས་ཀྱི་འཇམ་དབྱངས་ཐང་དུ་ཆགས་ཡོད།གྲུབ་མཐའ་ནི་རི་བོ་དགའ་ལྡན་པ་ཡིན་ལ།སྡེ་འདི་ཐོག་མར་སྟོང་སྐོར་སྐུ་ཕྲེང་དྲུག་པ་ངག་དབང་འཇམ་དབྱངས་བསྟན་འཛིན་རྒྱ་མཚོས་འཕྲང་ལུང་གོང་མར་རབ་འདོད་མེ་ཁྱི་སྟེ་སྤྱི་ལོ༡༧༦༦ལོར་ཕྱག་བཏབ།...