༄༅།།གསེར་ཆེན་རྫོང་ཐེ་གེ་ཡུལ་ཚོའི་ཇིར་དགེ་དགོན་བཀྲ་ཤིས་ཆོས་འཕེལ་གླིང་།

ཇིར་དགེ་དགོན་བཀྲ་ཤིས་ཆོས་འཕེལ་གླིང་ཟེར་བའི་དགོན་པ་དེ་ནི་ཐེ་གེ་ཡུལ་ཚོ་སྲིད་གཞུང་གི་ལྷོ་ནུབ་ཕྱོགས་སུ་ཧ་ལམ་སྤྱི་ལེ15ཡས་མས་མཚམས་ཀྱི་ལབ་ཙེ་སྡེ་བའི་ཁོངས་རོལ་དུ་བེར་སྐྱིད(དེ་ནི་སོག་སྐད་དེ། སུམ་མདོ་ཞེས་པའི་དོན་ཡིན། གནས་དེའི་ཁ་འཁྱག་ལུང་བའི་ཆུ་དང་། བེ་ལེན་ལུང་བའི་ཆུ། ཙག་ག་ཨ་སུ་ལུང་བའི་ཆུ་བཅས་ཆུ་སྣ་དེ་གསུམ་ལུང་བ་དེ་གསུམ་གྱི་མདོ་རུ་འདྲེས་ཡོད་པས་མིང་ཡང་དེ་སྐད་དུ་ཐོགས)ཅེས་པའི་ལུང་བ་ཞིག་ཡོད་ལ། ལུང་བ་དེ་རུ་ཇིར་དགེ་དགོན་བཀྲ་ཤིས་ཆོས་འཕེལ་གླིང་ཟེར་བའི་དགོན་པ་ཡོད། དེ་ནི་ཇིར་དགེ་ཇ་སག་ལྷ་མགོན་ཚེ་རྒྱལ་ཟེར་བས་སྤྱི་ལོ1865ལོར་རང་གིས་འགྲོ་སོང་བཏང་ཐོག་རང་འོག་ཡུལ་མི་སྐུལ་སློང་བྱས་ཏེ། དང་ཐོག་སོག་པོ་ར（རྨ་ཆུར་ནུབ་ཟིན）སྡེ་བར་དགོན་གཞི་བཟུང་ཞིང་། ཕྱིས་སུ་ཁམས་སྟག་ཤམ་བློ་བཟང་ཐབས་མཁས་རྒྱ་མཚོ་ཞུ་བས་ཧོ་ལོ་སི་སྡེ་བར་སྤར་བ་དང་། ཚལ་རྔ་འགག་ཆུ་མཛོད་བསྐྱིལ་རྗེས་ཧོ་ལི་སི་སྡེ་བའི་དད་ལྡན་མང་ཚོགས་ཀྱིས་ད་ལྟའི་བེར་སྐྱིད་ལུང་བ་རུ་སྤར་ནས་བསྐྱར་དུ་བཞེངས་པ་ཞིག་ཡིན།