སྐབས་ལྔ་བའི་དགུན་དུས་ཀྱི་ཚད་མའི་ཆོས་ཚོགས་དེ་ལྷ་མོ་དགོན་དུ་བསྡུས་པ།

ཚད་མའི་རྩོད་གླེང་བྱེད་པའི་ཚུལ།

          ཉེ་སྔོན། སྐབས་ལྔ་བའི་དགུན་དུས་ཀྱི་ཚད་མའི་ཆོས་ཚོགས་དེ་སི་ཁྲོན་ཞིང་ཆེན་རྔ་བ་ཁུལ་མཛོད་དགེ་རྫོང་ལྷ་མོ་དགོན་དུ་བསྡུས་ཤིང་།  དེར་བོད་ཀྱི་གྲུབ་མཐའ་སོ་སོ་སྟེ་གཡུང་དྲུང་བོན་དང་།  བཀའ་རྒྱུད་པ། དགེ་ལུགས་པ།  རྙིང་མ་བ། ས་སྐྱ་བ་བཅས་ཀྱི་བླ་གྲྭ་སྟོང་བཞི་ལྷག་ཡོད་ཅིང་།  དེ་མིན་བོད་ལྗོངས་དང་།  ཀན་སུའུ།  སི་ཁྲོན།  མཚོ་སྔོན།  དེ་མིན་གཡུང་དྲུང་བོན་གྱི་དགོན་པ་ཁ་ཤས་སོགས་སུ་ཡོང་བའི་བླ་མ་དང་མཁན་པོ།  དགེ་བཤེས།  སློབ་མ་སོགས་ཀྱང་ཡོད་པ་རེད།  
          ཐེངས་འདིའི་ཆོས་ཚོགས་སུ་བླ་གྲྭ་ཡོངས་ཀྱིས་རིག་ལམ་ལ་ཕྱིན་པའི་དཀའ་སྤྱད་ཀྱི་འབྲས་བུ་ཡོངས་སུ་མངོན་ཏེ་རང་ཉིད་ཀྱི་རྣམ་དཔྱོད་དང་ཤེས་རབ་སོགས་ལ་བརྟེན་ནས་ཕན་ཚུན་བར་ཚད་མའི་རྩོད་གླེང་བྱེད་པ་རེད།