ཐེག་ཆེན་གསོ་སྦྱོང་གི་ཆོ་ག་མདོར་བསྡུས་བཞུགས་སོ། །

   བླ་མ་དཀོན་མཆོག་གསུམ་ལ་སྐྱབས་འགྲོ་ཞིང༌།།མཁའ་ཁྱབ་འགྲོ་ཀུན་དོན་དུ་སེམས་བསྐྱེད་ནས།། ཇི་ལྟར་སྔོན་གྱི་རྒྱལ་བ་སྲས་བཅས་ཀྱིས། །འགྲོ་　ལ་ཕན་ཕྱིར་གསོ་སྦྱོང་ངེས་རྟོགས་བཞིན། །བདག་གིས་ཀྱང་ནི་སང་གི་ཉི་ཤར་བར། །བསླབ་བརྒྱད་བསྲུང་ཞིང་ཚུལ་ཁྲིམས་བག་ཡོད་དང༌།།བརྟུལ་ཞུགས་ཡན་ལག་དག་ལ་ལེགས་གནས་པས། ། བླ་མེད་བྱང་ཆུབ་དམ་པ་འཐོབ་པར་ཤོག ། ལན་གསུམ།ཨོཾ་ཨ་མོ་གྷ་ཤཱི་ལ། སཾ་བྷ་ར། བྷ་ར་བྷ་ར།མ་ཧཱ་ཤུད་དྷ་ས་ཏྭ།པད་མ་བིབྷུ་ཥཱིཏ་བྷུ་ཛ།དྷ་ར་དྷ་ར།ས་མན་ཏ།ཨ་ཝ་ལོ་ཀེ་ཏེ་ཧཱུཾཕགས་སྭཱཧཱ།ཞེས་ལན་ཉེར་གཅིག་བཟླས་ཏེ།ཁྲིམས་ཀྱི་ཚུལ་ཁྲིམས་སྐྱོན་མེད་ཅིང༌། །ཚུལ་ཁྲིམས་རྣམ་པར་དག་དང་ལྡན། །རློམ་སེམས་མེད་པའི་ཚུལ་ཁྲིམས་ཀྱིས།།ཚུལ་ཁྲིམས་ཕ་རོལ་ཕྱིན་རྫོགས་ཤོག།སོགས་སྨོན་ལམ་གདབ་བོ། །ཅེས་གྲོང་བ་ཕོ་མོ་རྣམས་ཀྱིས་སྨྱུང་སྡོམ་རེ་ལེན་འདོད་ཀྱང་ཆོ་ག་རྒྱས་པ་མི་ཐོན་པས།དེ་རྣམས་ལ་ཉུང་བསྡུས་གནད་ཚང་ཞིག་གལ་ཆེ་ཞེས་རིག་གནས་རབ་འབྱམས་ལ་བློ་གྲོས་ཉིན་བྱེད་ལྟར་གསལ་བ་འཚོ་བྱེད་དཀོན་མཆོག་རྒྱ་མཚོས་བསྐུལ་ངོར་གྱི་ན་བ་འཇིགས་མེད་འཕྲིན་ལས་རྒྱ་མཚོས་སྤེལ་བ་དགེའོ།།