གྲུབ་མཐའི་མཚན་ཉིད་དང་དེའི་དབྱེ་བ།

   གྲུབ་མཐའ་ཞེས་པ་ནི། སྐྱབས་རྗེ་དམ་པ་ལྕང་སྐྱ་རོལ་བའི་རྡོ་རྗེས། རྣམ་རྟོག་གིས་སྒྲོ་བཏགས་པའི་ཆ་གཞན་བཟློག་ནས་རང་གི་བློ་ངོར་རིགས་པའི་དོན་གྱི་གནས་ཚུལ་ཡང་དག་པར་གྲུབ་པ་ཉིད་ནི། གྲུབ་མཐའ་མཚན་ཉིད་དང༌། ཚུལ་དེ་རིགས་པའི་ལམ་ནས་སྨྲ་བས་ན་གྲུབ་མཐའ་སྨྲ་བའོ།།ཞེས་གསུངས་པ་ལྟར་དེ་ལ་དབྱེ་ན་ཕྱི་ནང་གཉིས་ལས། ནང་བ་སངས་རྒྱས་ཡིན་ན་དཀོན་མཆོག་གསུམ་སྐྱབས་གནས་ཡང་དག་ཏུ་ཁས་ལེན་པའི་གང་ཟག་དེ་ནང་བ་སངས་རྒྱས་པ་ཡིན། དེ་ལས་བཟློག་པ་ནི་ཕྱི་རོལ་བ་ཡིན་པའི་ཕྱིར་རོ།།