རྙིང ་མ་པ།

   རྙིང་མ་བ་ནི་བོད་དུ་ནང་པའི་གསང་སྔགས་ཀྱི་ཆོས་བྱུང་བའི་ཐོག་མ་ཡིན།ཡང་ཆོས་ལུགས་ཤིག་ལ་ཆ་མཚོན་ན་དང་པོ་བྱུང་བའི་མཚམས་གང་ནས་འཛིན་དགོས་པའི་སྐོར་ལ་བཤད་ཚུལ་མི་འདྲ་བ་གཉིས་ཡོད་དེ།༡.ཆོས་ལུགས་དང་པོ་སྲོལ་གཏོད་མཁན་བླ་མ་དེས་སློབ་མ་ལ་ཆོས་བཤད་ནས་ཆོས་བརྒྱུད་འཛིན་པའི་སློབ་མ་དང་པོར་བྱུང་བ་ནས་ངོས་འཛིན་པ་དང་གཅིག་དང་།༢.བླ་མ་དེའམ་དེའི་ཆོས་བརྒྱུད་འཛིན་པའི་སློབ་མས་དགོན་པ་སོགས་ཀྱི་གནས་གཞི་དང་པོར་བཟུང་བ་ནས་ཆོས་ལུགས་དེ་བྱུང་བར་འདོད་པའི་བཤད་ཚུལ་གཉིས་ཡོད་པས།སྐབས་རེ་དང་པོའི་དབང་དུ་བྱས་ནས་བཤད་དགོས་པ་དང་།སྐབས་རེ་གཉིས་པའི་དབང་དུ་བྱས་ནས་བཤད་དགོས་པ་ཡང་འདུག དེ་ཡང་དང་པོ་རྙིང་མའི་ཆོས་བྱུང་སྟེ་རྒྱལ་པོ་སྲོང་བཙན་སྒམ་པོའི་དུས་རྒྱ་གར་གྱི་སློབ་དཔོན་ཀུ་ས་ར་དང་།བྲམ་ཟེ་ཤམ་ཀ་ར།བལ་པོའི་སློབ་དཔོན་ཤི་ལ་མཤྫུ་སོགས་སྤྱན་དྲངས་ནས་གསང་སྔགས་ཀྱི་རྒྱུད་མང་པོ་བསྒྱུར།དེ་ནས་མི་རབས་ལྔ་སོང་བ་ཆོས་རྒྱལ་ཁྲི་སྲོང་ལྡེ་བཙན་གྱི་དུས་སློབ་དཔོན་པདྨ་སམ་་བྷ་བ་བོད་དུ་སྤྱན་དྲངས།རྗེ་དང་འབངས་ཉེར་ལྔ་སོགས་སློབ་མ་མང་པོར་ཡོ་ག་རྣམ་གསུམ（༡.ལུང་ཨ་ནུ་ཡོ་ག ༢.བསྐྱེད་པ་མ་ཧཱ་ཡོ་ག ༣.རྫོགས་པ་ཆེན་པོ་ཨ་ཏི་ཡོ་ག）གྱི་དབང་དང་མན་ངག་མང་པོ་གསུངས་ཤིང་།གཞན་ཡང་སྔགས་འཆང་ངྷརྨ་ཀི་རྟི་དང་།བི་མ་ལ་མི་ཏྲ།སངས་རྒྱས་གསང་བ།ཤིནྟི་མ་ག་དྒ་སོགས་རྒྱ་གར་གྱི་པཎྜི་ཏ་མང་པོ་བྱོན་ནས་གསང་སྔགས་ཀྱི་ཆོས་མང་དུ་གསུངས་ཤིང་བསྒྱུར།སློབ་དཔོན་ཆེན་པོས་རི་དང་བྲག་དང་མཚོ་སོགས་ལ་གཏེར་དུ་སྦས་པ་བཅས་གོང་གསལ་རྒྱལ་པོ་སྲོང་བཙན་སྒམ་པོའི་དུས་ནས་རྙིང་མའི་ཆོས་ལུགས་འདི་དར་ཞིང་།ཁྲི་སྲོང་ལྡེ་བཙན་གྱི་དུས་ནས་དར་རྒྱས་བྱུང（དེ་རྗེས་རབ་བྱུང་དང་པོའི་ལྕགས་འབྲུག༡༠༤༠ལོར་ཇོ་བོ་ཨ་ཏི་ཤ་བལ་ཡུལ་ནས་མངའ་རིས་སུ་ཕེབས་ཏེ་ལོ་ཤས་བཞུགས།རབ་བྱུང་དང་པོའི་མེ་ཕག་༡༠༤༧ལོར་དབུས་གཙང་དུ་ཕེབས།དེ་ནས་དབུས་གཙང་ཁམས་གསུམ་ནས་སློབ་མ་མང་དུ་བྱུང་བ་ནས་བཀའ་གདམས་ཀྱི་ཆོས་ལུགས་ཐོག་མར་བྱུང་།（ཡང་ཇོ་བོ་སྐུ་གཤེགས་རྗེས་རབ་བྱུང་དང་པོའི་མེ་བྱ༡༠༥༧ལོར་འབྲོམ་སྟོན་པས་བྱང་རྭ་སྒྲེང་གི་གདན་ས་ཞེས་བཀའ་གདམས་ཀྱི་དགོན་པ་ཐོག་མ་དེ་བཏབ།དེ་ནས་བཀའ་གདམས་པ་ཞེས་པའི་ཐ་སྙད་བྱུང་བ་ནས་ངོས་འཛིན་ཀྱང་རུང）དེ་ནས་ལོ་བཅུ་དྲུག་སོང་བ་རབ་བྱུང་དང་པོའི་ཆུ་གླང་༡༠༧༣ལོར་ས་སྐྱ་བ་འཁོན་དཀོན་མཆོག་རྒྱལ་པོས་ས་སྐྱའི་གནས་གཞིས་བཟུང་ནས་དགོན་པ་བཏབ།དེ་ནས་དཔལ་ལྡན་ས་སྐྱ་བ་ཞེས་པའི་ཐ་སྙད་བྱུང་བ་དང་།དེ་ནས་ལོ་ཞེ་བརྒྱད་སོང་བ་རབ་བྱུང་གཉིས་པའི་ལྕགས་གླང་༡༡༢༡ལོར་རྗེ་མི་ལ་རས་པའི་སློབ་མ་མཉམ་མེད་དྭགས་ལྷ་རྗེས་དྭགས་ལྷ་སྒམ་པོའི་གནས་གཞི་བཟུང་སྟེ་དགོན་པ་གསར་དུ་འདེབས་པ་ནས་དྭགས་པོ་བཀའ་བརྒྱུད་པ་ཞེས་པའི་ཐ་སྙད་བྱུང་ཞིང་།ཤངས་པ་བཀའ་བརྒྱུད་མ་གཏོགས།བཀའ་བརྒྱུད་པའི་ཆོས་ལུགས་གཞན།ཀརྨ་བཀའ་བརྒྱུད་དང་།ཕག་གྲུ།ཚལ་པ།འབྲི་གུང་།འབྲུག་པ།སྟག་ལུང་།འབབ་རོམ།གཡའ་བཟའ།ཁྲོ་ཕུ་བཅས་ཚང་མ་དྭགས་པོའི་བཀའ་བརྒྱུད་ལས་བྱུང་བ་ཡིན།དེ་ནས་རབ་བྱུང་བདུན་པའི་ས་གླང་༡༤༦༩ལོར་རྗེ་ཙོང་ཁ་པས་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང（དགའ་ལྡན）བཏབ་པ་ནས།རི་བོ་དགེ་ལུགས་པའམ་རི་བོ་དགེ་ལྡན་པ་ཞེས་པའི་ཐ་སྙད་ཐོག་མར་བྱུང་བ་ཡིན།））རྙིང་མ་ཞེས་པའི་དོན་མདོ་ཕྱོགས་ལ་གསར་རྙིང་གི་དབྱེ་བ་མ་བྱུང་བས།གསང་སྔགས་ཀྱི་སྒོ་ནས་་བཞག་པ་ཡིན།དེ་ལ་ཡང་བཤད་སྲོལ་མི་འདྲ་བ་ཡོད་ཀྱང་མཁས་པ་མང་ཆེ་བའི་གསུང་རྒྱུན་ལ་པཎྜི་ཏ་སྨྲི་ཏི་ཛྙྲ་ན་བྱོན་པ་ཡན་ཆད་དུ་བསྒྱུར་བའི་གསང་སྔགས་ཀྱི་རྒྱུད་རྣམས་ལ་རྙིང་མ་དང་།མངའ་རིས་ལོ་ཙཱ་བ་རིན་ཆེན་བཟང་པོ་བྱོན་པ་ཡན་ཆད་དུ་བསྒྱུར་བའི་རྒྱུད་རྣམས་ལ་གསང་སྔགས་གསར་མ་ཟེར་བ་ཡིན་ཞེས་གསུངས་ཤིང་།དེ་ཡང་གཙོ་ཆེ་བའི་དབང་དུ་བྱས་པ་ལས།ངེས་བཟུང་ནི་མིན་ཏེ།ལོ་ཙཱ་བ་རིན་ཆེན་བཟང་པོའི་གོང་དུ་བསྒྱུར་བའི་འཇམ་དཔལ་རྩ་རྒྱུད་སོགས་རྙིང་རྒྱུད་མ་ཡིན་པ་ཡང་ཡོད་ལ།དེ་བཞིན་དུ་ལོ་ཙཱ་བ་རིན་ཆེན་བཟང་པོ་ནས་གསང་སྔགས་གསར་མའི་འགྱུར་མགོ་ཚུགས་ཞེས་པ་ཡང་དཔེ་མཚོན་ཙམ་ཡིན་གྱི་ངེས་བཟུང་མིན་ཏེ།སྐབས་དེར་དུས་ཐོག་ཕལ་ཆེར་མཉམ་པའི་འབྲོག་མི་དང་།རྟ་ནག་དང་འགོས་ལོ་ཙཱ་བ།ལྷོ་བྲག་མང་པ་ལོ་ཙཱ་བ་རྣམས་ནས་བསྒྱུར་ཅིང་བཤད་པའི་ཆོས་བརྒྱུད་རྣམས་ཀྱང་གསང་སྔགས་གསར་མ་ཡིན་ནོ།།རྙིང་མའི་ཆོས་ལ་བརྒྱུད་པ་མི་འདྲ་བའི་སྒོ་ནས་གསུམ།རིང་བརྒྱུད་བཀའ་མ།ཉེ་བརྒྱུད་གཏེར་མ།ཟབ་མོ་དག་སྣང་གི་བརྒྱུད་པ་བཅས་ཡོད་པ་ལས།དང་པོ་རིང་བརྒྱུད་བཀའ་མའི་བྱུང་ཚུལ་ནི་པཎ་ཆེན་བི་མ་ལ་མི་ཏྲ་ས་རྨ་རིན་ཆེན་མཆོག་དང་།གཉགས་ཛྙྲ་ན་ཀུ་མ་ར་གཉིས་ལ《སྒྱུ་འཕྲུལ་གསང་བ་སྙིང་པོའི》སྐོར་བཤད་ཅིང་བསྒྱུར་བས།སློབ་མ་དེ་གཉིས་ལས་ཡང་སློབ་མང་པོ་བྱུང་ནས།གཙང་སྟོད་མང་མགར་དང་།ལ་སྟོད་ལྷོ་བྱང་།འབྲི་ཆུའི་བརྒྱུད་སྤོམ་འབོར་སྒང་གི་ས་ཆ་རྣམས་སུ་དར།ཡང་སློབ་དཔོན་དྷ་ན་ར་ཀྵི་རས་བལ་པོ་ངྷརྨ་བྷོ་ངྷི་ལ་རྩ་རྒྱུད་དང་།བཤད་རྒྱུད་སོགས་བཤད།བྲུ་ཤའི་ཡུལ་དུ་ཁྲོམ་རུམ་ཆེ་བཙན་སྐྱེས་ལ་བཤད་ཅིང་བསྒྱུར།དེ་ནས་རིམ་པར་འཕེལ་བ་ཡིན།གཉགས་ཛྙྲ་ན་ཀུ་མ་རས་བེེ་རོ་ཙ་ན་དང་གཡུ་སྒྲ་སྙིང་པོ་ལ《རྫོགས་པ་ཆེན་པོ》སེམས་ཕྱོགས་སུ་གྲགས་པ་ཞུས།དེ་ནས་རིམ་པར་འཕེལ་བས་《སེམས་ཕྱོགས》ཀྱི་སྐོར་བྱུང་།ཡང་བེེ་རོ་ཙ་ནས་དབང་མི་ཕམ་མགོན་པོ་ལ《དཔལ་ནམ་མཁའ་དང་མཉམ་པའི་རྒྱུད》ལ་སོགས་པ《རྡོ་རྗེ་ཟམ