༄༅ །། བཀྲ་ཤིས་རྫས་བརྒྱད།

  《འདུལ་བ》དང《མདོ་དྲན་པ་ཉེར་བཞག》སོགས་ལས་གསུངས་པའི་བཀྲ་ཤིས་རྫས་མཆོག་བརྒྱད་ཀྱི་བྱུང་ཚུལ་དང་དེ་དག་གི་མཚོན་བྱ་ལ།  སྔོན་སངས་རྒྱས་བཅོམ་ལྡན་འདས་ཞལ་བཞུགས་པའི་དུས་སུ།  ལྷ་དང་མིའི་སྦྱིན་བདག་རྣམས་ཀྱིས་སྟོན་པ་ལ་ཕུལ་བའི་རཛས་རྣམས་སངས་རྒྱས་ཀྱིས་བཀྲ་ཤིས་པའི་རྫས་སུ་བྱིན་གྱིས་བརླབས་པ་དང་།  རྫས་ལ་བརྟེན་ནས་བཀྲ་ཤིས་པ་བྱུང་ཚུལ་ལ་འདི་ལྟར་སྣང་སྟེ།  དང་པོ་མེ་ལོང་ནི།  གཟུགས་ཀྱི་ལྷ་མི་འོད་འཆང་མས་སངས་རྒྱས་ལ་མེ་ལོང་ཞིག་ཕུལ་བར།  སངས་རྒྱས་བཅོམ་ལྡན་འདས་ཀྱིས་མེ་ལོང་དེ་ལུས་ཅན་ཐམས་ཅད་ལ་རྒྱལ་བའི་ཡེ་ཤེས་སྒྲིབ་བྲལ་མངོན་གྱུར་གྱི་རྣམ་དག་ཆོས་ལ་ལོངས་སྤྱོད་པའི་བཀྲ་ཤིས་ཀྱི་རྫས་སུ་བྱིན་གྱིས་བརླབས་པ་དེ་དང་།  གཉིས་པ་གི་ཝང་ནི།  གླང་པོ་ཆེ་ནོར་སྐྱོང་དང་ཡང་ན་གཉིས་འཐུང་གི་ས་སྲུང་གིས་སྟོན་པར་གི་ཝང་ཕུལ་བས་ཉོན་མོངས་ཟུག་རྔུའི་ནད་དང་སྡུག་བསྔལ་དག་པའི་སྨན་མཆོག་ཆོས་ཉིས་ཀྱི་དོན་རབ་ཏུ་རྟོགས་པར་གྱུར་པ་དེ་དང་།  གསུམ་པ་ཞོ་ནི།  ཁྱིམ་བདག་བཟང་སྐྱོང་དང་།  ཡང་ན་ཞིང་པའི་བུ་མོ་ལེགས་སྐྱེས་མས་ཞོ་ཕུལ་བས།  དུས་གསམ་ཞི་ཞིང་སྙིང་པོ་རྣམ་དག་མཆོག་རབ་ཏུ་རྟོགས་པར་གྱུར་པ་དེ་དང་།  བཞི་པ་རྩྭ་དུ་རྦ་ནི།  བྲམ་ཟེ་ཀུན་རྡ་ལི་དང་ཡང་ན་རྩྭ་འཚོང་བཀྲ་ཤིས་ཀྱིས་རྩྭ་དུ་རྦ་ཕུལ་བས།  ཉོན་མོངས་སྐྱེ་ཤི་རྒྱུན་ཆད་པའི་རྡོ་རྗེ་སེམས་དཔའི་ཚེ་སྟེ་འཆི་མེད་ཀྱི་ཚེ་ཐོབ་པ་དེ་དང་།  ལྔ་པ་ཤིང་བིལ་བ་ནི།  ཤིང་གི་ལྷ་མོ་དང་ཡང་ན་ཚངས་པས་ཤིང་བིལ་བ་ཕུལ་བས་འཇིག་རྟེན་ལས་འདས་པའི་བྱང་ཆུབ་སྤྱོད་པའི་རྒྱུ་རྐྱེན་རྣམ་པར་དག་པའི་བྲས་བུ་སངས་རྒྱས་ཀྱི་གོ་འཕང་མངོན་གྱུར་གྱི་དོན་ཀུན་འགྲུབ་པ་དེ་དང་།  དྲུག་པ་དུང་དཀར་ནི།  ལྷའི་དབང་པོ་བརྒྱ་བྱིན་གྱིས་དུང་དཁར་གཡས་སུ་འཁྱིལ་བ་ཕུལ་བས་ཐེག་གསུམ་ཆོས་འཁོར་གང་འདུལ་མ་ནོར་ཡོངས་སུ་བསྟན་པ་དེ་དང་།  བདུན་པ་ལི་ཁྲི་ནི།  ས་འི་ལྷ་མོ་བསྟན་མ་དང་ཡང་ན་བྲམ་ཟེ་སྐར་རྒྱལ་གྱིས་ལི་ཁྲི་ཕུལ་བས་སྲིད་ཞིའི་དཔལ་འབྱོར་ཀུན་ལ་ཆོས་ཀྱི་རྒྱལ་སྲིད་ཆེན་པོར་དབང་སྒྱུར་བ་དེ་དང་།  བརྒྱད་པ་ཡངས་དཀར་ནི།  གསང་འི་བདག་པོ་ཕྱག་ན་རྡོ་རྗེས་ཡངས་དཀར་ཕུལ་བར་བརྟེན་ནས་བདུད་བགེགས་བར་ཆད་མཐའ་དག་གི་གཡུལ་ལས་རྒྱལ་བའི་མཐུ་སྟོབས་ལ་དབང་འབྱོར་བ་དང་བཅས་རྫས་བརྒྱད་པོ་འདི་དག་ཡན་ཏེ།  མི་མཐུན་པའི་ཕྱོགས་མཐའ་དག་ཞི་ཞིང་།  ལས་བཞི་ལྷུན་གྲུབ་དགེ་ཞིང་བཀྲ་ཤིས་པར་བྱེད་པའི་རྟེན་འབྲེལ་དུ་རྫས་འདི་དག་རི་མོར་བཀོད་དེ་བཤམས་སྲོལ་ཡོད་ཅིང་།  བཀྲ་ཤིས་པའི་རྫས་མཆོག་བརྒྱད་ཅེས་ཡོངས་སུ་གྲགས་པ་དེ་ཡིན་ནོ།།