བར་བའི་ལུས་སྟེང་དུ་ཆུ་དེ་འདྲ་མ་བབས་པས་ཆུ་གཏོར་མཁན་རྣམས་ཀྱི་བློ་ཡིད་མ་ཚིམ་ཞིང་།མུ་མཐུད་རྗེས་སུ་ར་མདའ་བཞིན་རྒྱུགས་ནས་ཁང་པའི་ནང་སོང་བ་ན།རྒན་རྒོན་ཚོས་བཀག་ནས།ད་ཆོག་གི།དག་ཆོག་གི།རྣམ་པ་ཙམ་མཚོན་པས་ཆོགཆུ་མང་པོ་གཏོར་ན་མགྲོན་པོ་དྲོས་འཁྱག་ཏུ་སོང་ན་ཇི་ལྟར་བྱའམ་ཟེར་བར།ཚང་མས་མཚམས་བཞག་པ་དང་ཡང་གཟུ་བར་ཆུ་གཏོར་བའི་སྒོར་མོ་སློང་མགོ་བརྩམས།བར་བས་ཕྱོགས་གཅིག་ནས་ཀུ་རེ་རྩེ་བ་དང་།ཕྱོགས་གཅིག་ནས་མི་རེ་རེར་ཆུ་གཏོར་བའི་སྒོར་མོ་གཅིག་རེ་བྱིན་པ་རེད།...

སྐྱ་རེངས་མདའ་མོས་རྟ་བདུན་དབང་པོ་ཀུན་གསལ་མཁའ་ལམ་ཡངས་པོར་བསྐྱལ་དང་ལྷན་ཅིག་ཏུ།།ས་ཡི་ལྷ་མོས་དགའ་བའི་ཉམས་དང་དགོད་པའི་འཛུམ་བཅས་ལོང་ཧྲན་མེ་ཏོག་སྐྱེས་སུ་བསྟབས།།དེ་ཡི་བཀྲག་མདངས་རབ་ཏུ་འཚེར་བས་ཁྱོད་ཡིད་བརྟན་པ་ཅིག་ཅར་འཕྲོག་པ་དྲི་ཡི་བཞོན།།ཕྱོགས་མཐར་རྒྱུ་བའི་འགྲོས་དང་ཀུན་མཚུངས་འགྱུར་ཁུགས་སྟོང་བཅས་དུས་ཀྱི་གར་དང་གཞི་གཅིག་གྱུར།།...

ངས་ཁ་ནས་དེ་ལྟར་བཤད་ཀྱང་སེམས་སྔར་བཞིན་ཁྲག་ཁྲུག་ཏུ་གྱུར།གང་ལྟར་ང་དང་ཀྲུའུ་ཕིན་གཉིས་ཀྱིས་སྒྲོལ་མ་རྒྱབ་ཏུ་བསྐྱུར་ནས་མཛའ་འབྲེལ་བྱས་མྱོང་ལ།སྒྲོལ་མས་ཀྱང་ཁབ་རྩེ་སྐུད་སྣེ་ཙམ་གྱི་དོན་འགའ་ཡང་ཤེས་ཡོད་པས།སྒྲོལ་མ་དོན་དེར་དངོས་གནས་བསམ་འཆར་གང་ཡང་མེད་དམ།ཡང་ན་མོའི་སེམས་སུ་ད་དུང་རྟོགས་དཀའ་བའི་དངོས་པོ་གང་ཞིག་སྦས་ཡོད་པ་ཡིན་ནམ།གལ་ཏེ་མོ་གཉིས་འཕྲད་རྗེས་དོགས་མི་བདེ་བའི་གནས་ཚུལ་འདྲ་བྱུང་ན་ངས་ཅི་ལྟར་མཇུག་སྐྱོང་དགོས་སམ།དེ་དག་ཡིད་ལ་དྲན་མ་ཐག་ངའི་སེམས་གཏན་ནས་བདེ་ལ་འབབ་མི་ཐུབ།...

ལག་གཡབ་བྱས་པ་ཉིད་དུ་གྱེས་དགོས་བྱུང་༎སྐྱོ་ཤུར་ཕན་ཚུན་གདོང་ནི་གཏད་བྱས་ཏེ༎གྱེས་བྲལ་སྡུག་བསྔལ་སྨྲ་བ་སུ་ཡིས་ཐེག།མིག་དཀྱུས་ཟུར་དུ་བདོག་པའི་སྐྱོ་སྡུག་གི།མཆི་མ་དྲོན་མོ་བཙན་གྱིས་ཁོང་དུ་སྦད༎དེ་སྔའི་འཕྲིན་པར་གོ་ལོག་བྱུང་གྱུར་ཀྱང་༎ཕོན་པོར་རྒྱུ་བའི་སྨུག་སྤྲིན་ངང་ཚུལ་ཙམ༎བདག་དང་ཁྱོད་ལས་བློས་ཐུབ་སུ་ཞིག་མཆིས༎མི་ཡི་ན་བ་གསོ་བར་བྱ་དགོས་པ༎གནམ་རྒན་མས་ནི་ཤེས་པར་ཨེ་འགྱུར་གྲང་༎...

ངས་སྐད་ཆ་སྙན་མོས་ཀྲུའུ་ཕིན་སྒྲོལ་མར་བལྟ་བར་ཡོང་རྒྱུའི་རེ་བ་ལྡོག་པ་ནི་ཕྱོགས་མང་པོའི་ཐད་ལ་བསམ་བློ་བཏང་བས་ཡིན་ཏེ།ཐོག་མར་ངོ་ཤེས་མ་ཐག་པའི་ན་གཞོན་མཛེས་མ་ཞིག་རང་གི་ཆུང་མའི་མདུན་དུ་ཁྲིད་ཡོང་ན་ཧ་ཅང་དོགས་མི་བདེ་བར་སྣང་ལ།གཞན་ཡང་སྒྲོལ་མས་སྐབས་དེར་ང་དོགས་མི་བདེ་བའི་རྣམ་པ་དེ་ལ་གདོང་གཏད་ནས་ཀྲུའུ་ཕིན་ལ་ལྟ་རུ་འགྲོ་རུ་བཅུག་པ་ནི་སེམས་གཏིང་གི་རོགས་རམ་ཡིན་ནམ་ཡང་ན་ཡ་མཚན་པའི་རྒྱུ་རྐྱེན་གཞན་ཞིག་ཡོད་པས་ཡིན་པའང་མི་ཤེས།...

མིའི་སེམས་ཁམས་ནི་སྣོད་ཆས་ཤིག་དང་འདྲ་སྟེ།གལ་ཏེ་ཚོད་འཛིན་ཐེབས་པའི་བསམ་སྤྱོད་སེལ་མ་ཐུབ་ཚེ།ནམ་ཞིག་སྣོད་ཆས་དེ་འགད་སྲིད་པས།མི་ཞིག་གིས་བསམ་སྤྱོད་དང་ལེན་དང་།ཕྱིར་འདོན་ཐུབ་ན་ལུས་སེམས་མི་བདེ་བའི་གནས་ཚུལ་ཇེ་ཉུང་དུ་འགྲོ་སྲིད་ཅིང་།དེ་ལས་ལྡོག་སྟེ་སྐད་ཆ་ཚིག་གཅིག་ཀྱང་མི་བཤད་པར་བཟོད་སྒོམ་དང་ཚོད་འཛིན་བྱེད་མཁན་གྱི་མི་ཞིག་ཡིན་ཚེ་སེམས་ཁམས་ཐད་ཀྱི་གནད་དོན་འབྱུང་སླ།གལ་ཆེ་བ་ཞིག་ནི་བྱིས་པའི་མྱོང་ཚོར་དང་སེམས་ཁམས་ཀྱི་འགྱུར་ལྡོག་ངོ་མ་དེ་ཕྱིར་མངོན་པར་བརྩི་འཇོག་བྱས་ཏེ་ཁོ་ལ་བསམ་ཤེས་བྱེད་པ་དང་།ཁོའི་མྱོང་ཚོར་དངོས་དང་དགོས་མཁོ་གང་ཡིན་པ་དེར་རྒྱུས་ལོན་བྱེད་དགོས།བྱིས་པ་ཚོས་ཕ་མས་རང་ཉིད་དང་ལེན་དང་།བསམ་ཤེས་བྱེད་བཞིན་པ་ཚོར་སྐབས་ཁོ་ཚོའི་སེམས་ཁམས་སྔར་ལས་ལྷོད་འཇགས་སུ་གནས་ཐུབ་པས།ཕ་མས་རང་ཉིད་ལ་བཟུང་བའི་རྣམ་འགྱུར་ཁྲོད་མི་གཞན་དང་འབྲེལ་འདྲིས་བྱེད་ཚུལ་ལ་ཡང་སློབ་སྦྱོང་བྱེད་ཐུབ་བོ།།...

ཉིན་འདི་འགར་སྒྲོལ་མའི་སེམས་ཁམས་ཇེ་བཟང་ནས་ཇེ་ལེགས་རེད།ཕལ་ཆེར་འདས་ཟིན་པའི་སྡུག་བསྔལ་མཐའ་དག་བརྗེད་སོང་བ་འདྲ།ཉིན་བཞིན་སྐོར་བྲོ་འཁྲབ་པར་རྒྱུན་འཁྱོངས་བྱེད་ལ་ཁྱིམ་གྱི་ལས་ཀར་འཇུས་པ་འང་ཇེ་མང་ནས་ཇེ་མང་རེད།མོས།ཤའོ་ཡུན་གྱི་ལུས་ཕུང་བདེ་ཐང་དུ་གྱུར་བས་ཡང་སྐོར་བྲོ་གསར་བ་ཞིག་ཁྲིད་པའི་མགོ་བརྩམས་ཞེས་ཟེར།...

གལ་སྲིད་སྐྱེ་བ་ཕྱི་མ་ཟེར་བ་ཞིག་ཡོད་ན།ཁོ་བོ་ཤིང་སྡོང་ཞིག་ཏུ་སྐྱེ་ན་བསམ།བརྗིད་ཆགས་བརྟན་བརླིང་ངང་།དགའ་སྐྱོའི་ཉམས་འགྱུར་མེད་པར།རྩ་བ་འོག་མ་ཀླུའི་ཡུལ་དུ་གནས་འཆའ་ཞིང་།ཡལ་འདབ་ལྷ་དང་མིའི་འཇིག་རྟེན་ན་དལ་གྱིས་གཡོབ་སྟེ།གསེར་ལྡན་འཛིན་མའི་ཕངས་པར་ཆགས་ལ།འོད་ལྡན་ཉིན་བྱེད་དབང་པོའི་མདངས་ལ་རོལ་ཏེ།ཁུ་སུམ་མེར།ཁེངས་མདོག་ཤར་རེ།གཞན་རྟེན་གྱི་འདུན་པ་རྡོག་ཙམ་དབེན་ཞིང་།གཞན་འཚོལ་གྱི་གཤིས་ཀ་ཡེ་ནས་མེད།...

བུ་དོན་གྲུབ་ཀྱིས་སྒྲོལ་མར་ཁ་པར་བཏང་ཡོང་སྟེ།ཟླ་འདིར་སྒོར་གྱི་འགྲོ་གྲོན་གྱིས་མི་འདང་བས་སྒོར་ཙམ་བསྐུར་དགོས་ཞེས་ཟེར་པར།སྒྲོལ་མས།སྒོར་མོ་ཟླ་མགོར་བསྐུར་བ་མིན་ནམ།ཅིའི་ཕྱིར་བཀོལ་རྒྱུ་མི་འདང་བ་རེད་དམ་ཞེས་བཤད།དོན་གྲུབ་ཀྱིས་ཁ་པར་བརྒྱུད་ནས་སྐད་ཆ་མང་པོ་ཞིག་བཤད་པ་ན།སྒྲོལ་མས་ཀྱང་ང་ལ་གང་འདྲ་བྱེད་དགོས་མིན་མི་འདྲི་རང་དབང་མ་བྱུང་།ངས།ཞི་ལིར་མྱུར་དུ་སྒོར་གྱི་འགྲོ་སྒོ་ཞིག་ཡོད་སོང་བ་ཁོ་ཐག་ཡིན་ངེས་པ་མ་ཟད།ད་དུང་གསལ་བཤད་བྱེད་མི་བདེ་བའི་དོན་ཡང་ཡོད་སྲིད།མ་གཏོགས་གང་འདོད་དུ་སྒོར་སློང་མི་སྲིད་ཅེས་བཤད་པ་ན།སྒྲོལ་མས་ཀྱང་དེ་འདྲ་རེད་སྙམ་བྱུང་།...

མི་གཤིས་ཀྱི་རྩ་བ་ལ་ཙན་དན་གྱི་དྲི་བསུང་འཐུལ་བའི་སྤྱོད་ཚུལ་དང་།བསོད་ནམས་ཀྱི་ས་གཞི་ལ་ལེགས་ཚོགས་ཀྱི་འོད་དཀར་བྱུགས་པའི་མཛད་འཕྲིན།ཤེས་རབ་ཀྱི་འོ་མཚོ་ལས་བསྟན་བཅོས་ཀྱི་མར་ལོ་དཀྲུགས་པའི་བཀའ་རྩོམ།སྐུ་ཞབས་མཆོག་གི་སྐུ་ཚེའི་བགྲོད་ལམ་ལ་ཀྱག་ཀྱོག་གི་ཐེམ་པ་མང་དུ་སྤུངས་མཆིས་ཤིང་།རླབས་ཆེན་གྱི་ཕྱག་ལས་ལ་ཆར་རླུང་གི་དཀའ་ཚེགས་མང་དུ་འཕྲད་ཡོད་ཀྱང་།རྒྱལ་ཁབ་ཀྱི་མི་རིགས་སློབ་གསོའི་རྒྱུད་འཛིན་དང་འཕེལ་རྒྱས་ལ་རང་སྲོག་ནོར་བུ་རིན་པོ་ཆེ་ལགས་ཀྱང་འཛེམས་བག་མེད་པར་འབུལ་བཟོད་པའི་དམ་པའི་རྣམ་ཐར་ངོ་མཚར་རྨད་དུ་བྱུང་བས་རྗེས་རབས་འཚོ་བཞུགས་ཡོད་པ་རྣམས་ལ་སྤྱན་ལྟོས་རི་བོ་ལྟར་དུ་གསལ་ངེར་བཞུགས་པ་བཅས།གང་ལ་མི་གཡོ་བའི་རྗེས་དྲན་གྱི་མཆོག་ཀྱང་དཔའ་ངར་ཆེན་པོས་མདུན་སྐྱོད་ཀྱི་གོམ་པ་རེ་རེ་དེ་ལགས་སོ།།...