ང་རང་ཆུང་དུས་ནས་རྩོམ་ཡིག་ཙག་ཙིག་འབྲི་བར་དགའ། ངས་ལྷུག་རྩོམ་ཟེར་བ་དེ་བྲིས་ནས་ཀྱང་མི་ལོ༥༠ཕྱིན་ཚར། བྲིས་པ་ཉུང་ཞིང་ཆུ་ཚད་དམའ་ནའང་དེའི་ཁྲོད་དུ་མངར་སྐྱུར་ཁ་བསྐ་ཡི་ཚོར་བ་ཡོད་པ་དང་།ང་ལ་མྱོང་ཚོར་མི་ཉུང་བ་ཞིག་ཡོད་པའི་ངོས་འཛིན་བྱུང་།འཚོ་བ་ལྷིང་འཇགས་ཡིན་པའི་གནས་ཚུལ་འོག་རྒྱུན་པར་ལོ་གཅིག་དང་ཕྱེད་ཙམ་ལ་ཡང་རྩོམ་ཡིག་གཅིག་ཀྱང་ལེགས་འགྲུབ་བྱེད་མ་ཐུབ། དེའི་རྒྱུ་མཚན་ཧ་ཅང་གསལ་པོ་རེད། ཉིན་རྒྱུན་ལས་ཚོགས་འཚོག་པ་དང་།ལས་ཚོགས་གྲོལ་བ།སློབ་སྦྱོང་།སློབ་ཚན་འཚོག་པ།ཚོགས་འདུ་འཚོག་པ།མགྲོན་པོ་ལ་འཕྲད་པ་སོགས་ཁྱིམ་ནས་གཞུང་ལས་ཁང་དང་།གཞུང་ལས་ཁང་ནས་སློབ་ཁང་བར།སློབ་ཁང་ནས་ཕྱིར་ཡུལ་ལ་ལོག་པ་སོགས་གོ་བདེ་བའི་ཚིག་གིས་བཤད་ན།...

ཞིང་ཆེན་ཡོངས་ཀྱི་དྲིལ་བསྒྲགས་ལས་དོན་གྲོས་ཚོགས་ཨ་དུང་ས་ཁུལ་དུ་འཚོགས་རྒྱུ་བཀོད་སྒྲིག་བྱས་ཡོད་པས་ང་རང་ཚོགས་འདུ་དང་སྟབས་ཁེལ་བས།ཚོགས་འདུ་གྲོལ་བའི་ཉིན་དེའི་ཕྱི་དྲོ་ངལ་གསོའི་དུས་ཚོད་ཡིན་པས།རླངས་འཁོར་ཡོད་པའི་གོ་སྐབས་དང་བསྟུན་ནས་ངས་སྔོན་ལ་ཕ་ཡུལ་དུ་སྐོར་བ་ཞིག་བརྒྱག་རྒྱུ་དང་།ཞོར་དུ་དར་རི་སྡེ་བར་མནའ་མར་སོང་བའི་གཅུང་མོར་ལྟ་བར་འགྲོ་རྒྱུའི་སེམས་ཐག་བཅད་པ་ཡིན།...

ཆུ་སྐྱེས་དམར་པོའི་འདབ་མ་ལྷུང་ཞིང་དྲི་བསུང་དག་ཀྱང་ངང་གིས་ཡལ།།གཡུ་ལྟར་འཇམ་པའི་སྨྱུག་གདན་གྱིས་ནི་སྟོན་ཀའི་བསིལ་གྲང་ཚོར་བར་བྱེད།།དར་ཟབ་སྨད་ཤམ་ལུས་ནས་ཕུད་ཅིང་ཕལ་བའི་གྱོན་གོས་མནབས་ནས་སུ།།ཁེར་རྐྱང་གིས་ནི་གྲུ་ཆུང་སྟེང་དུ་གྲོགས་མེད་གཅིག་པུར་གནས་པ་དང་།།...

ཉག་ཀའི་རླུང་བུས།དབྱར་གྱི་དྲོད་སྣང་ཐེར་ཚལ་སྦར་ཚལ་དུ་བྱས།དྲག་རླུང་འཛེགས་པའི་རི་རྩེར།ཁ་བས་རང་གི་སྟེང་ལ་རང་ཉིད་བརྩེགས།མེ་ཏོག་གིས་གཏན་དུ་ངག་བསྡམས།རིགས་སྡེ་ཐར་ཐོར་དུ་གྱུར་ཏེ།རླུང་བུའི་ཁྲོད་དུ་བབ་ཆགས་པར་བཞད།གངས་རིས་སྨུག་སྤྲིན་གྱི་ཡོལ་པ་འཐེན།...

ང་དང་སྒྲོལ་མས་བཟའ་ཐོར་གྱི་འགྲོ་རིམ་བསྒྲུབས་ཡོད་ཀྱང་།འཚོ་བ་སྔར་བཞིན་མཉམ་དུ་སྐྱེལ་བཞིན་ཡོད།བཟའ་ཐོར་གྱི་དོན་དེ་ཡང་ཁྱབ་ཁོངས་ཆུང་ཆུང་ཞིག་གི་མི་ཚོས་ཤེས་ཀྱི་ཡོད།མི་དེ་ཚོའི་ཁྲོད་དུ།མི་ཁ་ཤས་ཀྱིས་ང་ཚོ་དངོས་གནས་བཟའ་ཚང་ཐོར་སོང་སྙམ་གྱི་ཡོད་ལ།ཁ་ཤས་ཀྱིས་དམིགས་བྱ་གཞན་ཞིག་མཐོང་སྟེ་སྣང་དོགས་ཆེར་བྱེད་ཀྱིན་མེད།ང་ཚོས་སྒྲོལ་མའི་མིང་ཐོག་ནས་ཁང་པ་གསོག་ཉོ་བྱས་མོད།འོན་ཀྱང་ཞིབ་རྩིས་བརྒྱབ་པ་མ་འདང་བས།ཁོ་མོའི་སྡོད་ཁང་གི་སྤྱི་གསོག་མ་དངུལ་བླངས་ནས་བསྡུར་ཚད་ཆེས་ཆུང་བའི་སྒོ་ནས་ཐོག་མའི་མ་དངུལ་སྤྲད་པ་ལས།ངའི་སྤྱི་གསོག་མ་དངུལ་ལེན་མ་ཐུབ།རྒྱུ་མཚན་ནི་ཁང་པ་ངའི་མིང་འོག་ཏུ་མེད་པ་མ་ཟད།སྒྲོལ་མ་དང་ཡང་འབྲེལ་བ་ཆད་ཡོད་པས་རེད།ཡིན་ནའང་ད་ལྟ་ཐབས་ཤེས་གཞན་མེད་པས།བསྐྱི...

ཚེ་སྲོག་ནི་ཤུགས་དྲག་པའི་སྙན་ངག་ཅིག་ཡིན་ཆོག་སྟེ།ཁོ་བོར་མདུན་གྱི་ལམ་བུར་དལ་གྱིས་བསྐྱོད་པའི་ཁོམ་ལོང་ཞིག་བྱིན་ཚེ།རེ་དོགས་མང་པོ་ཞིག་གི་སྣེ་ལ་འཇུས་ནས།སྐྱ་ཐོལ་ཐོལ་དུ་གྱུར་པའི་ས་སྲོས་དང་བསྡེབས་ཏེ།ཚོར་དུ་མི་བཏུབ་པའི་ལམ་ཁའི་འདམ་རྫབ་བརྒྱུད་བཞིན།མུན་པའི་རྔམས་ཁ་རྒོད་པའི་སྤྲིན་གྱི་བར་གསེང་ནས།འདུ་འདུ་འབྲལ་འབྲལ་གྱི་མཇལ་འཛོམས་ལ།མིག་གི་གྲུ་ཆར་ཤག་ཤག་གཏོར།ཚེ་སྲོག་ནི་དུས་ཀྱི་མཐའ་མར་ཅི་ནས་ཀྱང་སྙན་ངག་ལ་འགྱུར་སྲིད་དེ།ཤག་ཤག་འཇོ་བའི་ཆར་བ་དེས།...

ངེད་ཅག་སྡེ་བའི་བགྲེས་སོང་ཚོས་བཤད་ན།སྡོང་བོ་འདི་ལོ་བརྒྱ་ལྷག་ལ་སོན་འདུག་ཟེར་ཞིང་།སྡེ་མི་ཚོས་སྔ་མོ་ནས་དེ་ནི་ལྷ་ཤིང་ཞིག་ཏུ་ངོས་བཟུང་སྟེ་སྡོང་བོའི་ཡལ་གར་ཁ་བཏགས་དང་།རས་དམར་པོ།བལ་དཀར་སོགས་ཀྱིས་རབ་ཏུ་དཀྲིས་ཡོད།ངེད་ཅག་གིས་མུ་མཐུད་དུ་ཞིབ་པར་ཉན་དུས།སྤྲུལ་སྐུ་གྲོ་བློ་ཚང་གིས་བཅག་ཟིན་པའི་ཡལ་ག་སྐམ་པོ་དེར་གཟིགས་བཞིན་ཅི་ཞིག་ཁེར་ལབ་བྱེད་བཞིན་འདུག།སྤྲུལ་སྐུ་གྲོ་བློ་ཚང་ནི་ཙཱརྨ་དགོན་པའི་དགོན་བདག་ཡིན་ལ།རིག་གསར་སྐབས་སུ་སྐྱ་སར་ཕེབས་ཏེ་རིག་མ་བཞེས་ཤིང་།ད་དུང་རིགས་སྲས་གཉིས་ཀྱང་ཡོད་དོ།།...

ཐོག་མར་ཞི་ལི་ཆེ་བ་རྡོ་རྗེ་སྐྱབས་གླེང་ན།ཁོའི་ངོ་གདོང་སྐམ་ཞིང་གྱོང་ལ་མཆུ་འབིག་སེ་བ་ཞིག་ཡིན་པས་སྡེ་མི་ཚོས་ལྐོག་ནས་ཁོར་འཕྱ་ཞིང་།ངས་ཀྱང་ནམ་རྒྱུན་ཁོའི་བྱད་བཞིན་ལ་སེམས་ཁུར་བྱེད་ཀྱིན་ཡོད་དེ།བྱད་གཟུགས་འདི་འདྲ་ཞིག་ལ་ནར་སོན་རྗེས་སུ་ཚང་གི་བུ་མོས་ཁོའི་ཆུང་མ་བྱེད་འདོད་ཨང་སྙམ།རྡོ་རྗེ་སྐྱབས་སྐྱེས་ནས་ཟླ་ཁ་མ་གོང་བར།ངེད་ཅག་སྡེ་བའི་ཁ་ནས་ཅི་བཤད་འདི་བཤད་མེད་མཁན་མ་ཞིག་ང་ལ་ལྟ་རུ་སླེབས།མོས་ངའི་པང་གི་བྱིས་པ་དམར་འབྱར་ལ་གཅིག་བལྟས་རྗེས།འདང་རྒྱག་ཅི་ཡང་མེད་པར།“བྱིས་པ་འདིའི་བྱད་བཞིན་འདི་འདྲ་བཙོག་པས།ནར་སོན་ན་ཅི་བྱ་འམ།”ཞེས་ཟེར།ངས་ཀྱང་རང་གི་ཞི་ལིའི་བྱད་བཞིན་བཙོག་པ་ཤེས་མོད།འོན་ཀྱང་སུས་ཀྱང་ངོར་བལྟས་ནས་འདི་ལྟར་བཤད་མ་མྱོང་བས།ངའི་སེམས་ནས་མོར་སྡང་ཞིང་།རྗེས་ནས་ལོ་གཉིས་གསུམ་ཞིག་ལ་མོར་གཏན་ནས་ཁ་མ་གྲག།ཁོ་ལོ་གསུམ་ལ་སླེབས་དུས་ཁོའི་ཨ་ཕ་ཚེ་ལས་འདས་སོང་ལ།དོན་རྐྱེན་གཞན་ཅི་ཡང་མ་ཡིན་པར་ནད་ཀྱིས་ཚེ་ལས་འདས་པ་རེད།དང་ཐོག་ངས་དང་ལེན་བྱེད་མི་ཕོད་ལ་རྗེས་ནས་རིམ་གྱིས་དང་ལེན་བྱས་པ་ཡིན།ཁོས་སྐད་ཆ་བཤད་ཤེས་པ་ཙམ་ནས་བཟུང་སྟེ...

ཁྱོད་ཀྱི་མིག་ཟུང་དྭངས་མོ་ནི་ཤིན་ཏུ་ནས་ཡིད་དུ་འོང་བའི་ཆོས་དེ་རེདངས་དེ་ཉིད་ཚོན་མདོག་དང་ངང་པ་ཡིས་དགང་བར་འདོདགསར་པ་ཡི་རི་དྭགས་ཁང...