མཚེར་བ་རི།

    མཚེར་བ་རི་ལ་བྱ་གླིང་ཡང་ཟེར།  མཚོ་སྔོན་པོའི་ནུབ་ན་ཡོད།  སྔོན་མཚོ་ནང་དུ་ཡོད་ཅིང་དེང་སྐབས་ཕྱེད་གླིང་དུ་གྱུར།  དེའི་རྒྱ་ཁྱོན་སྤྱི་ལེ་གྲུ་བཞི་མ་༢.༢དང་།  མཚོ་ངོས་ལས་ཡར་སྨིས་༣༢ཡོད།  དེའི་ཤར་ན་བྲག་ཐོ་ཞིག་ཀྱང་ཡོད།  དེའི་རྒྱ་ཁྱོན་སྤྱི་ལེ་གྲུ་བཞི་མ་༠.༢༤དང་།  མཚོ་ངོས་ལས་ཡར་སྨིས་༧.༦ཡོད།  ལོ་རེའི་སྤྱི་ཟླ་༣པ་ནས་༤བའི་བར་ཨེ་ཤ་ཡའི་ཤར་ལྷོ་ས་ཆ་དང་ཧིན་རྡུ།  པ་ཁི་སི་ཐན།  ནེ་པ་ལ་སོགས་རྒྱལ་ཁབ་དང་ཀྲུང་གོའི་ལྷོ་ཕྱོགས་ཀྱི་བྱ་རྣམས་འཕུར་ཡོང་།  བྱ་ཁྲི་༡༦ཙམ་ཡོད་ཅིང་།  དེ་དུས་གནམ་ལ་བྱ་འཕུར་བ་དང་ཆུར་རྐྱལ་བ།  སར་རྒྱུག་པ་ཐམས་ཅད་བྱ་སྣ་ཚོགས་ཡིན།
    འདི་ན་སོ་བྱ་དང་།  བཞད།  ཁྲུང་ཁྲུང་།  ངང་བ་སོགས་བྱ་རིགས་མང་།  ཁྲུང་ཁྲུང་མགོ་ཁྲ་ལ་བཟའ་བརྩེ་ལྷག་པར་ཆེ། ཟླ་བོ་ཤི་ན་ཟླ་མོས་རྒུམ་མི་ཟ་ཞིང་ཟླ་བོ་གཞན་མི་འཚོལ་བར་མྱ་ངན་གྱིས་ཤི་འགྲོ།