༄༅ །། རྒྱལ་མོ་དམུ་རྡོ།

    རྒྱལ་མོ་དམུ་རྡོ་ནི། ཤར་རྒྱལ་མོ་རོང་དུ་ཡོད་པའི་གཡུང་དྲུང་བོན་གྱི་གནས་རི་གྲགས་ཅན་བོན་གཏེར་མང་དུ་ཐོན་ས་སྟེ། བོན་གྱི་《བསྟན་འབྱུང་ལེགས་བཤད་སྐལ་བཟང་མགྲིན་རྒྱན་》ལས། ཡང་གཅིག་རྒྱལ་རོང་སེ་གཉན་ཞིག་པོ་ཡིས།།དམུ་རྡོ་གཡུང་དྲུང་སྤུངས་རྩེའི་གཡས་ཟུར་ནས།། བསེ་སྒྲོམ་གསུམ་བཏོན་གཅིག་ལ་འདུལ་འབུམ་སོགས།། འབུམ་སྡེ་ཁུ་བྱུག་མདོ་སོགས་མདོ་སོགས་མདོ་ཡི་སྡེ།། རྫོགས་ཆེན་མུ་མེད་གདལ་སོགས་རྒྱུད་སུམ་ཅུ།། བསེ་སྒྲོམ་གཅིག་ལ་བསེ་མཁར་འབྱུང་ཁུངས་སོགས།། བོན་སྡེ་བཅོ་ལྔ་གཅིག་ལ་གཏོ་འདུར་སེལ།། སྦྱངས་རྒྱུད་བདུན་སྐོར་ལ་སོགས་སྣ་ཚོགས་ཀྱིས།། བོན་སྡེ་ཉི་ཤུ་རྩ་གསུམ་བྱུང་བར་བཤད།། ཅེས་གསལ་བར་འབྱུང་བ་ལས་གོ་ཐུབ་བོ།།