ངོས་དང་པོ > སྣོད་བཅུད། > སྐྱེ་ཁམས་ཞིབ་འཇུག > ༄༅།།བོད་ལྗོངས་སུ་ཕྱེ་ལེབ་རིགས567ལ་བོད་རྒྱ་སྐད་གཉིས་ཀྱི་མིང་བཏགས།

༄༅།།བོད་ལྗོངས་སུ་ཕྱེ་ལེབ་རིགས567ལ་བོད་རྒྱ་སྐད་གཉིས་ཀྱི་མིང་བཏགས།

རྩོམ་པ་པོ།： གཡང་འབུམ་ཚེ་རིང་གིས་བསྒྱུར། ཡོང་ཁུངས།：གངས་ལྗོངས་འཕྲིན་གསར། དུས་ཚོད།：2020-06-03 09:04:06 ཀློག་གྲངས།：

ཚན་རིག་རྟོག་ཞིབ་ཞིབ་འཇུག་མི་སྣའི་མཉམ་པར། ཟླ་བས་པར་བླངས།

ཟླ5བའི་ཚེས20ཉིན། གསར་འགོད་པས་བོད་རང་སྐྱོང་ལྗོངས་མཐོ་སྒང་སྐྱེ་དངོས་ཞིབ་འཇུག་སོའོ་ནས་ཤེས་རྟོགས་བྱུང་བར་གཞིགས་ན། བོད་ལྗོངས་མཐོ་སྒང་སྐྱེ་དངོས་ཚན་ཞིབ་མི་སྣས་ལྗོངས་ཕྱིའི་ཚན་ཞིབ་ཁང་གི་ཕྱེ་ལེབ་རིགས་ཀྱི་མཚན་ལྡན་ཆེད་མཁས་པ་དང་མཉམ་འབྲེལ་བྱས་ནས་ལོ་མང་རིང་བོད་ལྗོངས་ཀྱི་ཕྱེ་ལེབ་རིགས་འཚོལ་བསྡུ་དང་བརྟག་དཔྱད་བྱས་པར་མ་ཟད། རྒྱལ་ཁབ་ཕྱི་ནང་གི་གདོད་མའི་དངོས་དཔེ་དང་ཚད་ལྡན་ཡིག་ཆ་འབོར་ཆེན་གཡར་ནས། སྟོབས་ཤུགས་གཅིག་སྒྲིལ་གྱིས《བོད་ལྗོངས་ཀྱི་ཕྱེ་མ་ལེབ་ཀྱི་མིང་གཞུང》རྩོམ་སྒྲིག་བྱས་པ་དང་བོད་ལྗོངས་སུ་ཚན་སྐོར5དང་དབྱེ་བ208ཡོད་པའི་ཕྱེ་ལེབ་རིགས567ལ་བོད་རྒྱ་སྐད་གཉིས་ཀྱི“ཐོབ་ཐང”གི་མིང་ཐོ་ཐོག་མར་བཀོལ་བ་རེད།

བོད་ལྗོངས་སུ་ཁྱབ་པའི་ཕྱེ་ལེབ། ཟླ་བས་པར་བླངས།

བོད་རང་སྐྱོང་ལྗོངས་ས་མཐོའི་སྐྱེ་དངོས་ཞིབ་འཇུག་སོའོ་འབུ་སྲིན་ཞིབ་འཇུག་ཁང་གི་ཞིབ་འཇུག་པ་གཞོན་པ་ཟླ་བས་བཤད་རྒྱུར། 《བོད་ལྗོངས་ཀྱི་ཕྱེ་མ་ལེབ་ཀྱི་མིང་གཞུང》ལས་ཐོག་མར་བོད་རྒྱ་སྐད་གཉིས་ཀྱི་ཐོག་ནས་གོང་གསལ་གྱི་ཕྱེ་ལེབ་རིགས་ཀྱི་མིང་གཞུང567ཕྱོགས་ཡོངས་དང་བརྒྱུད་རིམ་ལྡན་པའི་ངང་ལེགས་སྒྲིག་བྱས་ནས་བོད་ལྗོངས་སུ་ཁྱབ་པའི་ཕྱེ་ལེབ་རིགས་ཀྱི་རྣམ་པའི་ཁྱད་ཆོས་དང་བདག་རྟེན་རྩི་ཤིང་། གཞི་རྩའི་ཁྱབ་ཚུལ་སོགས་ཀྱི་ཆ་འཕྲིན་མངོན་ཡོད། གསར་གཏོད་རང་བཞིན་གྱི་སྒོ་ནས་བོད་ཡིག་ཕྱེ་ལེབ་རིགས་ཀྱི་མིང་འདོགས་མ་ལག་གཏོད་པ་དང་བོད་ལྗོངས་སུ་ཁྱབ་པའི་ཕྱེ་ལེབ་ལ་བོད་ཡིག་གི་མིང་བཏགས་ཡོད་ཟེར།

བོད་ལྗོངས་ས་མཐོའི་ས་རྒྱ་ཆེ་ལ་ས་བབ་རྙོག་འཛིང་ཆེ་བ། གནམ་གཤིས་སྣ་མང་ཡིན་པས་ཕྱེ་ལེབ་འཕེལ་འགྱུར་ལ་ཕུན་སུམ་ཚོགས་པའི་སྣོད་བཅུད་ཀྱི་གནས་ཤིག་མཁོ་འདོན་བྱས་ཡོད་ཅེས་ཟླ་བས་དེ་ལྟར་ངོ་སྤྲོད་བྱས། བོད་ལྗོངས་ནི་ཀྲུང་གོའི་རྒྱལ་ནང་གི་ཕྱེ་ལེབ་ཀྱི་སྣ་ཁ་མང་ཤོས་ཀྱི་ས་ཁུལ་གྱི་གྲས་ཤིག་ཡིན་ཞིང་། ཕྱེ་ལེབ་ཀྱི་སྣ་ཁ་མང་ཞིང་ཁྱབ་རྒྱ་ཆེ་བ་དང་། མཐོ་གྲང་ས་ཁུལ་ནས་ཚ་ཁུལ་ཕལ་བའི་ས་ཁུལ་ཚང་མར་ཕྱེ་ལེབ་ཡོད་པ་དང་། འཛམ་གླིང་གི་ཁྱབ་ཁོངས་ནས་བཤད་ན། ས་ཁུལ་གཅིག་ནས་གནམ་གཤིས་སྣ་མང་ལ་འཕྲོད་པའི་ཕྱེ་ལེབ་ནི་དཀོན་པོ་རེད།

ཤེས་རྟོགས་བྱུང་བར་གཞིགས་ན། བོད་ལྗོངས་ཀྱི་ཕྱེ་ལེབ་སྣ་མང་རང་བཞིན་གྱི་ཞིབ་འཇུག་ནི་ས་ཁོངས་མི་འདྲ་བའི་འཕེལ་འགྱུར་ལམ་སྲོལ་གྱི་སྐར་ཁུང་ཞིག་ཡིན་པ་དང་ཕྱེ་ལེབ་ཞིབ་འཇུག་ནི་སྐྱེ་དངོས་རིག་པའི་རྣམ་པ་དང་འོད་རིག་པ། བཟའ་བཅའི་མུ་འབྲེལ། སྐྱེ་ཁམས་དོ་མཉམ། རིགས་ཁྱུའི་སྐྱེ་དངོས་རིག་པ་སོགས་འཕེལ་འགྱུར་སྐྱེ་དངོས་རིག་པའི་སྣང་ཚུལ་གཞན་དག་ལ་ཞིབ་འཇུག་བྱེད་པའི་རྨང་གཞི་ཞིག་རེད།
ཀྲུང་གོ་གསར་བ་དབུ་བརྙེས་རྗེས། བོད་རང་སྐྱོང་ལྗོངས་ཀྱི་ཚན་རིག་ཞིབ་འཇུག་ཁང་དང་རྒྱལ་ནང་གི་མཐོ་རིམ་སློབ་གྲྭ། རིམ་པ་ཁག་གི་ཚན་རིག་ཞིབ་འཇུག་ཁང་བཅས་ཀྱིས་བོད་ལྗོངས་ལ་ཆེད་དོན་དང་ཡོངས་ཁྱབ་ཞིབ་བཤེར་གྱི་རྣམ་པའི་ཚན་རིག་རྟོག་ཞིབ་ཐེངས་མང་བྱས་པ་དང་། འབྲེལ་ཡོད་ཁྱབ་ཁོངས་ཀྱི་སྟོང་ཆ་མང་བོ་གསབ་པ་དང་བོད་ལྗོངས་ཀྱི་འབུ་སྲིན་བྱ་གཞག་རྒྱུན་མཐུད་འཕེལ་རྒྱས་འགྲོ་རྒྱུར་སྐུལ་འདེད་བཏང་ཡོད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com