ཞི་ཅིན་ཕིང་གིས་སྐབས་བཅུ་དགུ་པའི་ཀྲུང་དབྱང་སྒྲིག་ཨུ་ཚང་འཛོམས་གྲོས་ཚོགས་ཐེངས་དྲུག་པའི་སྟེང་གནང་བའི་གསུང་བཤད།

       ནན་པོའི་དགོངས་གཞི་གཙོ་བོ་རྒྱུན་འཁྱོངས་བྱེད་པར་གཡོ་འགུལ་མི་གཏོང་བ་དང་། སྒྲིག་ཁྲིམས་འཛུགས་སྐྱོང་གི་ཆབ་སྲིད་རང་བཞིན་དང་། དུས་རབས་རང་བཞིན། ཁ་གཏད་རང་བཞིན་ཇེ་མཐོར་གཏོང་དགོས། ངེས་པར་དུ་ཆབ་སྲིད་སྒྲིག་ལམ་ལག་བསྟར་བྱས་ཏེ་སྒྲིག་ལམ་སྣ་ཚོགས་ཁྱོན་ཡོངས་ནས་གཟབ་ནན་ཡོང་བ་དང་ནན་པོ་མཐར་ཕྱིན་བྱེད་པར་སྐུལ་ཁྲིད་བྱེད་དགོས། སྒྲིག་ལམ་ཁྲིམས་ལས་དམ་པ་དང་སྒྲིག་བསྟར་ཁྲིམས་བསྟར་འབྲེལ་མཐུད་བྱེད་པ་རྒྱུན་འཁྱོངས་བྱེད་དགོས། “རྣམ་པ་བཞིའི”སྲིད་ཇུས་དང་ཐབས་ཇུས་བཀོལ་སྤྱོད་གཏིང་ཟབ་བྱས་ནས། སྒྲིག་བསྟར་ངེས་པར་ནན་དགོས་པ་དང་སྒྲིག་འགལ་ངེས་པར་རྩད་བཅད་དེ། དམ་ནན་གྱི་སྒྲིག་ལམ་ལ་བརྟེན་ནས་ཏང་གི་དམིགས་འབེན་གཅིག་གྱུར་དང་། མཐུན་སྒྲིལ་གཅིག་གྱུར། གོམ་འགྲོས་གཅིག་གྱུར་ཡོང་བར་འགན་སྲུང་བྱེད་དགོས།