«མི་དང་རང་བྱུང་ཁམས་ཞི་མཐུན་མཉམ་གནས་ཀྱི་མཐོ་ཚད་ཐོག་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཇུས་འགོད་བྱེད་དགོས།»

       མིའི་རིགས་ཀྱི་བྱེད་སྒོ་གང་མང་མང་ཞིག་གིས་རང་བྱུང་སྐྱེ་ཁམས་ཀྱི་མཐའ་མཚམས་དང་མཐའ་ཚད་ལ་རྒྱུན་ཆད་མེད་པར་ཕོག་ཐུག་བཟོ་བཞིན་ཡོད། རང་བྱུང་ཁམས་ཀྱི་ཆེད་དུ་བདེ་འཇགས་མཐའ་མཚམས་དང་མཐའ་ཚད་སྲུང་བ་དང་། མི་དང་རང་བྱུང་ཁམས་ཞི་མཐུན་མཉམ་གནས་ཀྱི་རྣམ་པ་ཆགས་པར་བྱེད་དགོས། འདིར་གཟུགས་ཡོད་ཀྱི་མཐའ་མཚམས་ཚུད་ཡོད་ལ་གཟུགས་མེད་ཀྱི་མཐའ་མཚམས་ཀྱང་ཚུད་ཡོད། རྒྱལ་ཁོངས་བར་སྟོང་འཆར་འགོད་འཐུས་ཚང་དུ་གཏོང་བ་དང་། བྱེད་ནུས་ཐོན་ཁུལ་གཙོ་བོའི་འཐབ་ཇུས་དོན་འཁྱོལ་ཡག་པོ་བྱེད་པ། སྐྱེ་ཁམས་དམར་ཐིག་ཁ་གསལ་བཟོ་བ། རང་བྱུང་ཁམས་སྲུང་སྐྱོབ་ཁུལ་གྱི་མ་ལག་གང་མགྱོགས་ཆགས་པ། སྐྱེ་དངོས་སྣ་མང་རང་བཞིན་སྲུང་སྐྱོབ་བྱེད་པའི་དྲ་རྒྱ་འཐུས་ཚང་དུ་གཏོང་བ། བར་སྟོང་གི་ཐད་ནས་དཔལ་འབྱོར་དང་སྤྱི་ཚོགས་ཀྱི་བྱེད་སྒོར་ཚོད་འཛིན་ལུགས་མཐུན་བཅས་བྱེད་དགོས།