«སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་རྒྱུན་འཁྱོངས་བྱས་ཏེ་ཀྲུང་གོའི་ཁྱད་ཆོས་ལྡན་པའི་རྒྱལ་ཁབ་བདེ་འཇགས་ཀྱི་འགྲོ་ལམ་དུ་སྐྱོད་དགོས།»

       མིག་སྔའི་རང་རྒྱལ་གྱི་རྒྱལ་ཁབ་བདེ་འཇགས་སྐོར་གྱི་ནང་དོན་དང་ཁྱབ་ཡུལ་དེ་ལོ་རྒྱུས་སྟེང་གི་དུས་སྐབས་གང་ཞིག་ལས་ཀྱང་ཕུན་སུམ་ཚོགས་པར་གྱུར་ཡོད་པ་དང་། ཡུལ་དུས་ཀྱི་ཁྱབ་ཁོངས་དེ་ལོ་རྒྱུས་ཐོག་གི་དུས་སྐབས་གང་ཞིག་ལས་ཀྱང་རྒྱ་ཆེ་བར་གྱུར་ཡོད་ལ། ཕྱི་ནང་གི་རྒྱུ་རྐྱེན་དེ་ལོ་རྒྱུས་ཐོག་གི་དུས་སྐབས་གང་ཞིག་ལས་ཀྱང་རྙོག་འཛིང་ཆེ་བར་གྱུར་ཡོད་པས། ངེས་པར་དུ་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་རྒྱུན་འཁྱོངས་བྱས་ཏེ། མི་དམངས་བདེ་འཇགས་ཡོང་རྒྱུ་དམིགས་ཡུལ་དུ་འཛིན་པ་དང་། ཆབ་སྲིད་བདེ་འཇགས་ཡོང་རྒྱུ་རྩ་བར་འཛིན་པ། དཔལ་འབྱོར་བདེ་འཇགས་ཡོང་རྒྱུ་རྨང་གཞིར་འཛིན་པ། དམག་དོན་དང་རིག་གནས་དང་སྤྱི་ཚོགས་གསུམ་བདེ་འཇགས་ཡོང་རྒྱུ་འགན་སྲུང་དུ་འཛིན་པ། རྒྱལ་སྤྱི་བདེ་འཇགས་ཡོང་བར་སྐུལ་འདེད་གཏོང་རྒྱུ་རྟེན་གཞིར་འཛིན་པ་བཅས་བྱས་ཏེ་ཀྲུང་གོའི་ཁྱད་ཆོས་ལྡན་པའི་རྒྱལ་ཁབ་བདེ་འཇགས་ཀྱི་འགྲོ་ལམ་ཞིག་གཏོད་དགོས།