«ཀྲུང་གོར་ངེས་པར་དུ་རང་ཉིད་ཀྱི་ཁྱད་ཆོས་ལྡན་པའི་རྒྱལ་ཁབ་ཆེན་པོའི་ཕྱི་འབྲེལ་ཡོད་དགོས།»

       ཀྲུང་གོ་ལ་ངེས་པར་དུ་རང་ཉིད་ཀྱི་ཁྱད་ཆོས་ལྡན་པའི་རྒྱལ་ཁབ་ཆེན་པོའི་ཕྱི་འབྲེལ་ཡོད་དགོས། ང་ཚོས་ལག་ལེན་གྱི་ཉམས་མྱོང་ཕྱོགས་བསྡོམས་བྱས་པའི་རྨང་གཞིའི་ཐོག། ཕྱི་ཕྱོགས་ལས་དོན་སྒྲུབ་པའི་འདུ་ཤེས་གྲ་རྒྱས་གོང་འཕེལ་བཏང་ནས་རང་རྒྱལ་གྱི་ཕྱི་ཕྱོགས་ལས་དོན་ལ་མངོན་གསལ་ཆེ་བའི་ཀྲུང་གོའི་ཁྱད་ཆོས་དང་། ཀྲུང་གོའི་གཤིས་ལུགས། ཀྲུང་གོའི་ཉམས་འགྱུར་ལྡན་པ་བྱེད་དགོས། ཀྲུང་གོའི་གུང་ཁྲན་ཏང་གི་འགོ་ཁྲིད་དང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་དང་། རང་རྒྱལ་གྱི་གོང་འཕེལ་འགྲོ་ལམ་དང་། སྤྱི་ཚོགས་ལམ་ལུགས། རིག་གནས་སྲོལ་རྒྱུན། རིན་ཐང་ལྟ་བ་བཅས་རྒྱུན་འཁྱོངས་བྱེད་དགོས། རང་བཙན་རང་བདག་གི་ཞི་བདེའི་ཕྱི་འབྲེལ་སྲིད་ཇུས་རྒྱུན་འཁྱོངས་དང་། རྒྱལ་ཁབ་དང་མི་རིགས་ཀྱི་འཕེལ་རྒྱས་དེ་རང་ངོས་སྟོབས་ཤུགས་ཀྱི་གནས་གཞིའི་ཐོག་འཇོག་རྒྱུ་རྒྱུན་འཁྱོངས་བྱས་ནས་བློ་བརྟན་འགྱུར་མེད་ཀྱིས་རང་ཉིད་ཀྱི་འགྲོ་ལམ་ཐོག་སྐྱོད་པ་དང་། ཞི་བའི་གོང་འཕེལ་གྱི་འགྲོ་ལམ་དུ་སྐྱོད་པ་དང་ཆབས་ཅིག། ང་ཚོའི་ཚུལ་མཐུན་གྱི་ཁེ་དབང་གཏན་ནས་འདོར་མི་ཉན་ལ། རྒྱལ་ཁབ་ཀྱི་སྲོག་ཤིང་ཁེ་ཕན་ཡང་གཏན་ནས་བློས་གཏོང་མི་ཉན། རྒྱལ་སྤྱིའི་འབྲེལ་བ་དམངས་གཙོ་ཅན་དུ་ཡོང་རྒྱུ་རྒྱུན་དང་། ཞི་བདེ་མཉམ་གནས་ཀྱི་རྩ་དོན་ལྔ་རྒྱུན་འཁྱོངས། རྒྱལ་ཁབ་ཚང་མ་ཆེ་ཆུང་དང་དྲག་ཞན་དང་དབུལ་ཕྱུག་ལ་མ་བལྟོས་པར་རྒྱལ་སྤྱིའི་སྤྱི་ཚོགས་ཀྱི་འདྲ་མཉམ་ཁོངས་གཏོགས་ཡིན་པ་རྒྱུན་འཁྱོངས། འཛམ་གླིང་གི་ལས་དབང་དེ་ངེས་པར་དུ་རྒྱལ་ཁབ་ཁག་གི་མི་དམངས་ཀྱིས་སྟངས་འཛིན་བྱེད་པ་རྒྱུན་འཁྱོངས་བཅས་བྱས་ཏེ། རྒྱལ་སྤྱིའི་དྲང་སྙོམས་དྲང་བདེན་སྲུང་སྐྱོང་བྱེད་དགོས་པ་དང་། ལྷག་པར་དུ་རྒྱ་ཆེའི་འཕེལ་རྒྱས་འགྲོ་བཞིན་པའི་རྒྱལ་ཁབ་ཀྱི་དོན་དུ་སྐད་ཆ་ཤོད་དགོས།