«ལག་གདང་སྦྲེལ་ནས་མཉམ་ལས་མཉམ་རྒྱལ་གྱི་རོགས་ཟླ་གསར་པ་སྒྲིག །བློ་སེམས་བསྒྲིལ་ནས་མིའི་རིགས་ཀྱི་ལས་དབང་གཅིག་མཐུན་ཚོགས་པ་སྐྲུན།»

       “སྲིད་ལུགས་ཆེན་པོ་སྤྱོད་པའི་ཚེ། གནམ་འོག་སྤྱི་ལ་སྙོམས་པར་བྱ།” ཞི་བདེ་དང་། འཕེལ་རྒྱས། དྲང་སྙོམས། དྲང་བདེན། དམངས་གཙོ། རང་དབང་བཅས་ནི་མིའི་རིགས་ཧྲིལ་པོའི་ཐུན་མོང་གི་རིན་ཐང་ཡིན་ལ། མཉམ་འབྲེལ་རྒྱལ་ཚོགས་ཀྱི་བླ་ན་མེད་པའི་དམིགས་ཡུལ་ཡང་ཡིན། དམིགས་ཡུལ་ད་དུང་འགྲུབ་མེད་པས། ང་ཚོས་སྔར་བཞིན་འབད་བརྩོན་བྱེད་དགོས། དེང་སྐབས་ཀྱི་འཛམ་གླིང་ཐོག །རྒྱལ་ཁབ་ཁག་བར་གཅིག་ལ་གཅིག་རྟེན་དང་བདེ་སྡུག་མཉམ་མྱོང་བྱེད་བཞིན་ཡོད། ང་ཚོས་མཉམ་འབྲེལ་རྒྱལ་ཚོགས་ཀྱི་རྩ་འཛིན་གྱི་དགོངས་དོན་དང་རྩ་དོན་རྒྱུན་འཛིན་དང་དར་སྤེལ་གཏོང་བ་དང་། མཉམ་ལས་མཉམ་རྒྱལ་ལྟེ་བར་འཛིན་པའི་རྒྱལ་སྤྱིའི་འབྲེལ་བ་གསར་པ་བཙུགས་ཏེ་མིའི་རིགས་ཀྱི་ལས་དབང་གཅིག་མཐུན་ཚོགས་པ་སྐྲུན་དགོས།