«ཏང་འཛུགས་སྐྲུན་གྱི་ལས་གྲྭ་རླབས་པོ་ཆེ་གསར་པར་སྐུལ་འདེད་གཏོང་རྒྱུ་དཀྱུས་གཅིག་ཏུ་དོན་འཁྱོལ་བྱེད་དགོས།»

       བརྟག་དཔྱད་ཞིབ་འཇུག་བྱེད་སྐབས་ཕྱི་ཚུལ་རིང་ལུགས་གཏན་ནས་བྱེད་མི་རུང་ལ། ཧ་རེ་ཧུ་རེ་དང་ལུས་སེམས་གཅིག་ཏུ་མི་གནས་པའི“ཕྱི་ཚུལ་ཙམ་ལས་ཟབ་འཇུག་མི་བྱེད་པའི”བརྟག་དཔྱད་ཞིབ་འཇུག་སྤེལ་མི་རུང་བ་དང་། མཛུབ་སྟོན་མང་ཞིང་ཁེངས་སྐྱུང་གིས་བཀའ་སློབ་ཞུ་བ་ཉུང་བའི“ཨམ་པན”ལྟ་བུའི་བརྟག་དཔྱད་ཞིབ་འཇུག་བྱེད་མི་རུང་། བརྟག་དཔྱད་ཞིབ་འཇུག་གི་རང་བདག་རང་བཞིན་ཞན་པ་དང་རང་དབང་ཤོར་བའི“བརྟག་དཔྱད་ཞིབ་འཇུག་བྱ་ཡུལ”དུ་འགྱུར་མི་རུང་། བྱ་བའི་གྲུབ་འབྲས་གཟེངས་སུ་ཐོན་པའི་ས་གནས་སུ་བརྟག་དཔྱད་ཞིབ་འཇུག་མང་བ་དང་། གནས་ཚུལ་རྙོག་འཛིང་ཆེ་བ་དང་འགལ་བ་འབུར་ཐོན་ཡིན་པའི་ས་གནས་སུ་བརྟག་དཔྱད་ཞིབ་ཉུང་བའི“དབུལ་བོར་སྡང་ཞིང་ཕྱུག་པོར་དགའ་བའི”བརྟག་དཔྱད་ཞིབ་འཇུག་བྱེད་མི་རུང་། མི་དམངས་དགེ་རྒན་དུ་བསྟེན་པ་དང་མི་དམངས་ལ་སློབ་སྦྱོང་བྱེད་དགོས་ལ། དཔོན་ཉམས་འདོར་བ་དང་ལུས་པོ་སྒུར་ནས་དམངས་དང་ཉེ་བར་བཅར་བ་དང་། དམངས་ཀྱི་གནས་ཚུལ་ཤེས་པར་བྱེད་དགོས། བྱ་བའི་རྣམ་པ་ལེགས་པ་དང་སྔོན་ཐོན་གྱི་ས་ཆར་ཕྱིན་ནས་ཉམས་མྱོང་ཕྱོགས་བསྡོམས་བྱེད་དགོས་ལ། མང་ཚོགས་ཀྱི་བསམ་འཆར་མང་བའི་ས་ཆ་དང་། བྱ་བ་ཡག་པོ་སྒྲུབ་ཀྱི་མེད་པའི་ས་ཆ། དཀའ་ངལ་ཅུང་མང་བ་དང་གནས་ཚུལ་རྙོག་འཛིང་ཆེ་ཞིང་འགལ་བ་ཛ་དྲག་ཡིན་པའི་ས་ཆ་བཅས་སུ་སོང་ནས་བརྟག་དཔྱད་ཞིབ་འཇུག་བྱས་ཏེ། དོན་དངོས་རྟོག་ཞིབ་དང་བྱེད་ཐབས་དངོས་འདོན་པ། བྱ་བ་དངོས་སྒྲུབ་པ། ཕན་འབྲས་དངོས་གཉེར་བ་བཅས་ཀྱི་ཐད་ལ་ཤུགས་རྒྱག་དགོས།