«ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང»

       མགོ་ཁྲིད་ལས་ཁུངས་ནི་རྒྱལ་ཁབ་བཅོས་སྐྱོང་མ་ལག་ནང་གི་ལས་ཁུངས་གལ་ཆེན་ཡིན་ལ། མགོ་ཁྲིད་ལས་བྱེད་པ་ནི་ཏང་དང་རྒྱལ་ཁབ་ཀྱི་བྱ་གཞག་འཕེལ་རྒྱས་གཏོང་བའི“འགག་རྩའི་ཉུང་ཤས”ཡིན་པས། ཏང་ཡོངས་དང་སྤྱི་ཚོགས་ཡོངས་ཀྱི་ཕྱོགས་སྟོན་པ་ལྟ་བུ་ཡིན། “དམ་པའི་སྤྱོད་པ་རླུང་དང་འདྲ། །ཕལ་བའི་སྤྱོད་པ་རྩྭ་དང་འདྲ། །རྩྭ་ནི་རླུང་གི་འགྲོས་ཀྱིས་གཡོ། །”ཞེས་པ་ལྟར། གོང་དུ་བསྡད་དེ་མི་ལ་བླང་བྱ་འདོན་པ་དང་རྒྱབ་ཏུ་ལངས་ནས་མི་ལ་སྐུལ་འདེད་གཏོང་བ་ལས་སྔོན་དུ་ཕྱིན་ནས་ལམ་སྣ་ཁྲིད་ན་གོ་ཆོད་པས། ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང་བའི་ཚེ་མགོ་ཁྲིད་ལས་ཁུངས་དང་མགོ་ཁྲིད་ལས་བྱེད་པས་ངེས་པར་དུ་མིག་དཔེ་སྟོན་པ་དང་གདོང་མཆོང་བྱེད་དགོས།