«ཀྲུང་གོའི་གུང་ཁྲན་ཏང་དབུ་བརྙེས་ནས་ལོ་ངོ༩༥འཁོར་བར་རྟེན་འབྲེལ་ཞུ་བའི་ཚོགས་ཆེན་ཐོག་གི་གསུང་བཤད།»

       སློབ་སྟོན་བསམ་བློ་ནི་སྲིད་ཏང་ཞིག་གི་སྙིང་སྟོབས་ཀྱི་དར་ཆ་ཡིན། ལོ་ངོ༩༥ཡི་རིང་ཀྲུང་གོའི་གུང་ཁྲན་ཏང་གིས་ཉེ་རབས་ཚུན་གྱི་ཆབ་སྲིད་ཀྱི་སྟོབས་ཤུགས་སྣ་ཚོགས་ཀྱིས་འགྲུབ་མི་ཐུབ་པའི་ལས་འགན་དཀའ་ཚེགས་ཅན་ལེགས་པར་འགྲུབ་ཐུབ་དོན་ནི། ཐོག་མཐའ་བར་གསུམ་དུ་མར་ཁེ་སིའི་རིང་ལུགས་ཞེས་པའི་ཚན་རིག་དང་མཐུན་པའི་རིགས་པའི་གཞུང་ལུགས་འདི་ཉིད་རང་ཉིད་ཀྱི་བྱ་བའི་ཕྱོགས་སྟོན་དུ་བཟུང་བ་དང་། ལག་ལེན་གྱི་ནང་དུ་མར་ཁེ་སིའི་རིང་ལུགས་རྒྱུན་ཆད་མེད་པར་གྲ་རྒྱས་གོང་འཕེལ་གཏོང་རྒྱུ་རྒྱུན་འཁྱོངས་བྱས་ཡོད་པའི་དབང་གིས་རེད། དེར་བརྟེན་ང་ཚོའི་ཏང་འདི་ཉིད་དེ་སྔའི་ཆབ་སྲིད་ཀྱི་སྟོབས་ཤུགས་སྣ་ཚོགས་ཀྱིས་རང་སོའི་དམིགས་བསལ་ཁེ་ཕན་སྙེག་བཀག་རྒྱ་ལས་ཐར་ནས། དངོས་གཙོ་རྩོད་སྒྲུབ་ཀྱི་ཚན་རིག་དང་མཐུན་པའི་སྙིང་སྟོབས་དང་སྒེར་སེམས་མེད་ལ་དཔའ་མི་ཞུམ་པའི་བློ་རྒྱ་ཆེན་པོ་བསྐྱེད་དེ་ཀྲུང་གོའི་གསར་བརྗེ་འཛུགས་སྐྲུན་བསྒྱུར་བཅོས་གསུམ་ལ་འགོ་ཁྲིད་དང་སྐུལ་འདེད་བྱས་པ་དང་། རྒྱུན་ཆད་མེད་པར་བདེན་དོན་རྒྱུན་འཁྱོངས་དང་ནོར་འཁྲུལ་ཡོ་བསྲང་བྱེད་ཐུབ་པ་བྱུང་བ་རེད།