«མར་ཁེ་སི་སྐུ་འཁྲུངས་ནས་ལོ་ངོ༢༠༠འཁོར་བར་དྲན་གསོ་ཞུ་བའི་ཚོགས་ཆེན་ཐོག་གི་གསུང་བཤད།»

       ཏང་ཡོངས་ཀྱི་བློ་མཐུན་རྣམས་དང་ལྷག་པར་དུ་རིམ་པ་ཁག་གི་འགོ་ཁྲིད་ལས་བྱེད་པས་སྔར་བས་རང་རྟོགས་དང་སྔར་བས་དཀའ་སྤྱད་སྡུག་རུས་ཀྱིས་མར་ཁེ་སི་ལེ་ཉིན་རིང་ལུགས་ལ་སློབ་སྦྱོང་དང་། མའོ་ཙེ་ཏུང་གི་དགོངས་པ་དང་། ཏེང་ཞའོ་ཕིན་གྱི་རིགས་པའི་གཞུང་ལུགས། “མཚོན་བྱེད་གསུམ”གྱི་དགོངས་པ་གལ་ཆེན། ཚན་རིག་དང་མཐུན་པའི་འཕེལ་རྒྱས་ལྟ་བ་བཅས་སློབ་སྦྱོང་། དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་སློབ་སྦྱོང་བཅས་བྱེད་དགོས། སློབ་སྦྱོངགཏིང་ཟབ་མོ་དང་རྒྱུན་རིང་པོ་དང་སྙིང་རུས་ཆེན་པོ་བྱེད་པ་དང་། གནད་དོན་ལ་དམིགས་ནས་སློབ་སྦྱོང་དང་དོན་དངོས་ལ་ཟུང་འབྲེལ་བྱས་ཏེ་སློབ་སྦྱོང་བྱེད་པའི་ཐོག་ནས། ཚན་རིག་དང་མཐུན་པའི་བསམ་བློ་དང་རིགས་པའི་གཞུང་ལུགས་དེ་འཇིག་རྟེན་ངོས་འཛི་ན་དང་བསྒྱུར་བཀོད་བྱེད་པའི་དངོས་པོའི་སྟོབས་ཤུགས་ཆེན་པོར་སྒྱུར་དགོས། གུང་ཁྲན་ཏང་མིས་མར་ཁེ་སིའི་རིང་ལུགས་ཀྱི་ཚད་ལྡན་གསུང་རྩོམ་ཀློག་རྒྱུ་དང་། མར་ཁེ་སིའི་རིང་ལུགས་ཀྱི་རྩ་བའི་རིགས་པ་གོ་རྟོགས་བྱ་རྒྱུ་དེ་འཚོ་བའི་གོམས་གཤིས་ཤིག་དང་བསམ་པའི་འཚོལ་སྙེག་ཅིག་བྱེད་དགོས་པ་དང་། ཚད་ལྡན་གསུང་རྩོམ་ལ་བརྟེན་ནས་སྲོལ་བཟང་གསོ་སྤེལ་དང་། བསམ་བློ་ཞུན་བརྡར། གོ་རྟོགས་མཐོར་འདེགས། ལག་ལེན་ལ་མཛུ་བ་སྟོན་བཅས་བྱེད་དགོས།