རྒྱལ་ཡོངས་ཀྱི་མཐོ་འབྲིང་བཅུ་བདམས་ཏེ་བགྲོ་གླེང་ཚོགས་འདུ་བསྡུས་ཤིང་།དེའི་ཁྲོད་ཀྱི་སློབ་གྲྭ་བཞི་ལ་ཕུལ་བྱུང་སློབ་མའི་ཐོན་ཁུངས་ཀྱི་རྟེན་གཞིའི་མཚན་བྱང་གནང་།དགའ་འོས་པ་ཞིག་ལ་མཚོ་ལྷོ་བོད་རིགས་རང་སྐྱོང་ཁུལ་མི་རིགས་མཐོ་རིམ་སློབ་འབྲིང་དང་པོ་ལའང་ཕུལ་བྱུང་སློབ་མའི་ཐོན་ཁུངས་ཀྱི་རྟེན་གཞིའི་མཚན་བྱང་བསྩལ་ཅིང་།འདི་ནི་ཐེངས་འདིའི་ཕུལ་བྱུང་སློབ་མའི་ཐོན་ཁུངས་ཀྱི་གྲས་སུ་ཚུད་པའི་བོད་ཀྱི་མཐོ་འབྲིང་གཅིག་པུར་ཆགས་ཡོད།...

ཟླ11པའི་ཚེས22ཉིན།གསར་འགོད་པས་མཚོ་སྔོན་ཞིང་ཆེན་ཀྲུང་ལུགས་དང་བོད་ལུགས་སྨན་རྫས་དོ་དམ་ཅུའུ་ནས་ཤེས་གསལ་ལྟར་ན།མཚོ་སྔོན་ཞིང་ཆེན་བོད་ལུགས་གསོ་རིག་བོད་སྨན་ཞིབ་འཇུག་ཁང་དང་མཚོ་སྔོན་ཞིང་ཆེན་བོད་སྨན་ཁང་།ཨ་རུ་བོད་སྨན་མ་རྐང་ཚད་ཡོད་ཀུང་སི་བཅས་ཀྱིས་མཉམ་དུ་རེ་ཞུ་བྱས་པའི«འདུར་རྫ་བཀོལ་ནས་བོད་སྨན་དངུལ་ཆུ་བཙོ་བཀྲུ་ཆེན་མོའི་འདུལ་སྦྱོང་བྱ་ཐབས»ལ་རྒྱལ་ཁབ་ཤེས་བྱའི་ཐོན་དབང་ཅུའུ་ཡིས་གསར་གཏོད་ཆེད་ཁེའི་དཔང་ཡིག་སྤྲད།...

རོལ་དབྱངས་ཕན་ཚུན་སློབ་སྦྱོང་དང་ཕན་ཚུན་དཔྱད་གཞིར་འཛིན་པ།ཐུན་མོང་འཕེལ་རྒྱས་ཀྱི་ལས་སྟེགས་བསྐྲུན་ནས་ཨེ་ཤེ་ཡའི་རོལ་དབྱངས་པའི་གསར་གཏོད་ཀྱི་གསོན་ཤུགས་འཕེལ་བར་བྱ་ཆེད།ཟླ11པའི་ཚེས20ཉིན།2023ལོའི་ཨེ་ཤེ་ཡའི་དར་ཁྱབ་ཆེ་བའི་རོལ་དབྱངས་ཕྱོགས་བསྡུས་སྒྱུ་རྩལ་འགྲེམས་ཚོགས་སི་ཁྲོན་ཁྲིན་ཏུའུ་རུ་འཚོགས་པ་དང་།རྨ་ལྷོ་ཁུལ་གཅན་ཚ་རྫོང་གི་ན་གཞོན་གཞས་པ་སངས་རྒྱས་ཚེ་རིང་ལ“ལོ་འཁོར་མོའི་སྙན་པ་གྲགས་པའི་གཞས་པའི་བྱ་དགའ”ཐོབ།...

«བོད་ཀྱི་གསོ་རིག་ཀུན་འདུས་ཆེན་མོ»དཔེ་ཚོགས་འདི་ནི་རྒྱལ་ཁབ་ཀྱི“ལོ་ལྔའི་འཆར་གཞི་བཅུ་བཞི་པའི”གཙོ་གནད་པར་སྐྲུན་ལས་གཞི་དང་མི་རིགས་ཡིག་རིགས་པར་སྐྲུན་ཆེད་ཚན་མ་དངུལ་རོགས་སྐྱོར་ལས་གཞི།སི་ཁྲོན་གྱི2021–2023ལོའི་གཙོ་གནད་པར་སྐྲུན་འཆར་འགོད་བཅས་ཀྱི་ལས་གཞི་ཆེན་མོ་ཞིག་ཡིན།དཔེ་ཚོགས་འདིའི་ནང་གསོ་རིག་ལོ་རྒྱུས་དང་གསོ་སྤྱད་གཞུང་རྙིང་།གསོ་རིག་རྒྱུད་བཞི།རྒྱུད་འགྲེལ་ཆ་ལག།སྨན་ཐང་བྲིས་ཆ།ནད་ཐོག་ཉམས་ཡིག།སྦྱོར་བ་སྨན།སྒྲུབ་ཐབས་ལས་ཚོགས།ཉེར་མཁོ་སྣ་ཚོགས་བཅས་དང་།ད་དུང་རྒྱལ་སྨན་སློབ་དཔོན་ཆེན་མོ་གོ་འཇོ་དབང་འདུས་ཀྱི་གསུང་བཏུས་བཅས་སྡེ་ཚན་ཆེ་བ་བཅུ་དང་།དཀར་ཆག་པོད་གསུམ་བཅས་ཁྱོན་བསྡོམས་སྡེ་ཚན་བཅུ་གཅིག་ཏུ་ཕྱེས་ནས་བསྒྲིགས་ཡོད།...

ཚེས20ཉིན་མཚོ་སྔོན་ཞིང་ཆེན་མཚོ་ཤར་གྲོང་ཁྱེར་དཔའ་ལུང་རྫོང་རྒྱལ་གཅེས་རིང་ལུགས་སློབ་གསོའི་རྟེན་གཞི་ཡིན་པའི་མཁས་དབང་སྒ་གསུང་རབ་རྒྱ་མཚོའི་སྐུ་ཚེའི་ཤུལ་བཞག་འགྲེམ་སྟོན་ཁང་དངོས་སུ་སྒོ་ཕྱེ་བ་དེའི་ཐོག་ནས་བོད་བརྒྱུད་ནང་བསྟན་གྱི་དགེ་བའི་བཤེས་གཉེན་ཆེན་པོ་དང་།མི་རིགས་སློབ་གསོ་དང་ཡིག་སྒྱུར་དཔེ་སྐྲུན་བྱ་གཞག་བཅས་ཀྱི་ཐད་རང་ནུས་ཡོད་ཚད་ཕུལ་མྱོང་བའི་རྨང་འདིང་མཁན་ཞིག་གི་མི་ཚེ་མངོན་པར་བྱས་ཡོད།...