༄༅།།《བོད་རང་སྐྱོང་ལྗོངས་ཀྱི་དམངས་ཁྲོད་སྒྲུང་གཏམ་ལེགས་བསྡུས》(སྟོད་སྨད)ངོ་སྤྲོད་།

《བོད་རང་སྐྱོང་ལྗོངས་ཀྱི་དམངས་ཁྲོད་སྒྲུང་གཏམ་ལེགས་བསྡུས》(སྟོད་སྨད)ཞེས་པའི་དཔེ་དེབ་འདི1986ལོ་ནས1996ལོ་བར་དུས་ཡུན་ལོ་ངོ་བཅུ་རིང་འཚོལ་བསྡུ་དང་ལེགས་སྒྲིག་ཧུར་ཐག་བསྒྲུབས་ནས་དཔེ་སྐྲུན་ཐུབ་པ་དང་།  འདིའི་ནང་བོད་ལྗོངས་ས་གནས་ཁག་གི་དམངས་ཁྲོད་སྒྲུང་གཏམ་ཁྱོན་བསྡོམས720ཙམ་འཁོད་ཡོད་པ་འདི་དག་གཙོ་བོ་ལྷ་སྒྲུང་དང་ཤོད་སྲོལ། སྒྲུང་གཏམ་བཅས་རིགས་གསུམ་དུ་དབྱེ་ཡོད།
དཔེ་དེབ་འདི་ནི་རྒྱལ་ཁབ་ཀྱི་གཙོ་གནད་སྒྱུ་རྩལ་ཚན་ཞིབ་འཆར་འགོད་ཀྲུང་གོའི་དམངས་ཁྲོད་རིག་རྩལ་ལེགས་བསྡུས་ཆེན་པོ་བཅུ་ཡི་ཆ་ཤས་ཤིག་ཡིན་ཞིང་། ལྷག་པར་དུ་དམངས་ཁྲོད་སྒྲུང་གཏམ་ནི་བོད་ཀྱི་འགྲོ་བ་མི་དང་སྤྱི་ཚོགས། བསམ་པའི་འདུ་ཤེས། རྩོམ་རིག་སྒྱུ་རྩལ།  ཐོན་སྐྱེད་བྱེད་སྟངས།  སྲོག་ཆགས་སྐྱེ་དངོས་གནས་སྟངས་སོགས་དང་འབྲེལ་བ་དམ་ཟབ་ཡོད་ཅིང་། མི་དམངས་མང་ཚོགས་ཀྱི་བསམ་འདུན་དང་ལས་དབང་། བློ་གྲོས། ཤེས་རིག་བཅས་མཚོན་པ་ཞིག་ཡིན་པས་འོས་སྦྱོར་ཞུས་པ་ཡིན།