སྙན་ངག ཁོ་ཚོས་ཅི་ཞིག་བརྗོད་ཀྱིན་འདུག
རྩོམ་པ་པོ།:གླིང་བུ།
ཡོང་ཁུངས།:མཚོ་སྔོན་བོད་ཡིག་གསར་འགྱུར།
དུས་ཚོད།:2024-12-05 09:40:12
ཀློག་གྲངས།:
ཁོ་ཚོས་ཅི་ཞིག་བརྗོད་ཀྱིན་འདུག
——ཡང་ན་ཀླུ་མང་བྲག་བརྐོས་ཀྱི་དྲན་འཆར།
——ཡང་ན་ཀླུ་མང་བྲག་བརྐོས་ཀྱི་དྲན་འཆར།
གླིང་ཚ་སྙིང་འབུམ་རྒྱལ།
དུས་ཚོད་ནི་རྒྱང་རིང་མཚོན་བྱེད་ཀྱི་ཐ་སྙད་ཅིག་ཡིན་པ་འདྲ།
དུས་ཚོད་ནི་གནའ་སྔ་མོར་བཏགས་པའི་ཐག་པ་ཞིག་ཡིན་པ་འདྲ།
རྡོ་བའི་ཚོགས་ལ་སྨྲ་བརྗོད་ཅི་ཡང་མེད་པར།
སྔར་བཞིན་རྣ་བ་ཀེ་རེར།
ལྷུང་ལྷུང་གིས་འབབ་པའི་ཆུ་བོར་ཉན།
བྲང་ཁོག་ཏུ་བཅུག་པའི་ལོ་ཟླའི་ནང་།
གཡག་དང་འབྲི་རུ་མ་བཏུལ་བའི་འབྲོང་ཕོ་མོ་རྩྭ་ལ་ཡན་ཞིང་།
ཤ་རྐྱང་དང་རྔ་མོང་ཡང་།
དལ་ལྷོད་ལྷོད་ཀྱིས་མ་འོངས་པར་སྙེག་གིན་འདུག
རླུང་བུ་གཡུག་ཐེངས་ཤིག་གིས།
རྒྱང་རིང་གི་རེ་འདུན་དང་།
རྒས་འཁོགས་ཀྱི་དུས་ཚོད་མཐའ་དག
སྲ་ཞིང་མཁྲེགས་པའི་ཕ་བོང་གི་ངོས་སུ་བབས།
གནའ་མིའི་གཟོང་དང་ཞེ་སྡང་ཆེ་བའི་སྐད་འགྲགས།
ཀླུ་མང་གི་ཆུ་བོར་འདྲེས་ནས་རྒྱང་དུ་འཁྱེར།
ལྐོག་གྱུར་གྱི་བེམ་གཟུགས་ཁོ་ནས།
འཚོ་གནས་ལ་བདེན་དཔང་བྱེད།
རྔོན་པའི་དཀའ་སྤྱད་ཀྱི་ཉིན་མཚན་རེས་སུ་འཁོར་ཏེ།
འཐབ་རྩོད་དང་འཁྲུག་ལོང་དྲག་ཏུ་བརྒལ།
མི་དང་སྲོག་ཆགས་དབྱེར་མེད་པའི།
ཤེས་རབ་ཀྱི་མཚན་མ་དང་ཐབས་ཀྱི་ལོག་སྤྱོད་སོགས།
འཚོ་གནས་ཀྱི་རབ་ཁ་ནས་རྒྱུན་ལྡན་དུ་གྱུར།
མདའ་དང་འཕང་གི་རྣམ་དཔྱོད་ལ་བརྟེན་ནས།
རྟ་རྐྱང་དབྱེ་བའི་བྱུང་རབས་དང་།
སྔོན་མོ་ནས་ཀྱི་འཁྲུངས་རབས་སོགས།
ཀླུ་མང་དང་ཀླུ་མང་ལྟ་བུའི།
ཆུ་འགྲམ་དང་སྤང་ཁུད་ནས་འཚར།
རི་དྭགས་རྒྱང་ལ་བྱེར་སོང་།
དུས་ཚོད་ཀྱང་རྒྱང་དུ་ཡལ་སོང་།
ཕ་བོང་གིས་ལོ་རྒྱུས་ཀྱི་ཀླུ་མང་བསྲུངས་ཏེ།
སྦྲ་མཐིང་སྨུག་ཅན་གྱི་གཏམ་རྒྱུད་བརྗོད་ཀྱིན་འདུག
འབྲེལ་ཡོད་འོས་སྦྱོར།
-
暂无相关信息roking
འབྲེལ་གཏུག་ཁ་པར།:0974-8512858
འཕྲིན་སྐུར་ཡིག་ཟམ།:amdotibet@163.com
ཚ་ཤོས།
བརྗེ་སྒྱུར།
བརྙན་རིས།
-
ཞིབ་འཇུག་གསར་བས་མདོ་དབུས་མཐོ་སྒང་གི་གནའ་བོའི་ཏན་ཉི་སོ་བ་མིའི་འཚོ་གནས་བྱེད་སྟངས་གསལ་སྟོན་བྱས།
-
ཏུའུ་ལན་གྱི་ཆུ་ཁོལ་བང་སོའི་ཚོམ་གྱིས་དར་གོས་ཚོང་ལམ་གྱི་ཤར་ནུབ་རིག་གནས་བརྗེ་རེས་ཀྱི་རྣམ་པ་བསྐྱར་མངོན་བྱས་པ།
-
བོད་ཀྱི་རྩོམ་རིག་ཞིབ་འཇུག་དེབ་ལྔ་པའི་རྩོམ་བརྡ།
-
འདབ་པའི་ཕན་རོགས་གནའ་ཤུལ་ལ་ལོ13000ཡན་གྱི་ལོ་རྒྱུས་ལྡན་པ་ར་འཕྲོད་བྱུང་།
འོས་སྦྱོར།
བརྗེ་སྒྱུར།
པར་རིས་ལོངས་སྤྱོད།