«ཀྲུང་དབྱང་གི་སྲིད་ཁྲིམས་ལས་དོན་གྲོས་ཚོགས་ཐོག་གནང་བའི་གསུང་བཤད།»

       སྤྱི་ཚོགས་བཅོས་སྐྱོང་བྱ་རྒྱུ་ནི་ཚན་རིག་ཅིག་ཡིན་པས། དོ་དམ་བྱ་རྒྱུ་དམ་དྲགས་ནས་འཁྱིལ་ཆུའི་རྫིང་བུ་ལྟ་བུ་བྱེད་མི་རུང་བ་དང་། དོ་དམ་བྱ་རྒྱུ་ལྷོད་དྲགས་ནས་རྦ་རླབས་དགུང་དུ་འཕྱུར་བ་ལྟ་བུ་ཡང་བྱེད་མི་རུང་། རྩོད་སྒྲུབ་རིག་པར་དང་དོད་བྱས་ནས་གསོན་ཤུགས་དང་སྒྲིག་ལམ་བར་གྱི་འབྲེལ་བ་ཐག་གཅོད་ཡག་པོ་བྱེད་དགོས་ཤིང་། ཕྱོགས་ཡོངས་ནས་སྤྱི་ཚོགས་བརྟན་བརླིང་གི་གནས་བབ་ལ་ལྟ་སྟངས་འཛིན་པ་དང་། སྤྱི་ཚོགས་བརྟན་བརླིང་སྲུང་སྐྱོང་གི་ལས་དོན་སྟངས་འཛིན་འཁྲུལ་མེད་བྱས་ཏེ། རྒྱུད་རིམ་ལྡན་པར་བཅོས་སྐྱོང་དང་། ཁྲིམས་ལྟར་བཅོས་སྐྱོང་། ཕྱོགས་བསྡུས་བཅོས་སྐྱོང་། འབྱུང་རྩ་ནས་བཅོས་སྐྱོང་བཅས་བྱ་རྒྱུ་རྒྱུན་འཁྱོངས་བྱེད་དགོས། བྱེ་བྲག་གི་ལས་ཀའི་ཁྲོད། བཙན་གནོན་ལྟ་སྡོམ་དང་བཙན་པོའི་ངང་བརྟན་བརླིང་སྲུང་སྐྱོང་ཙམ་ལ་བརྟེན་མི་རུང་བར་ད་དུང་ཁྲིད་སྟོན་དང་སེལ་ཐབས་བྱེད་པ་དང་འཇམ་པོའི་ངང་བརྟན་བརླིང་སྲུང་སྐྱོང་བྱེད་པར་མཐོང་ཆེན་བྱེད་དགོས་ཤིང་། སྤྱི་ཚོགས་ཀྱི་སྟོབས་ཤུགས་མཉམ་དུ་ཞུགས་པར་སྐུལ་སློང་དང་སྒྲིག་འཛུགས་བྱ་རྒྱུར་དོ་སྣང་དང་། སྤྱི་ཚོགས་ཡོངས་སྐུལ་སློང་བྱས་ཏེ་སྤྱི་ཚོགས་ཀྱི་བརྟན་བརླིང་སྲུང་སྐྱོང་བྱེད་པའི་ལས་ཀ་མཉམ་དུ་ཡག་པོ་སྒྲུབ་དགོས།