རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་གྲོས་ཚོགས་ཐེངས་དང་པོའི་ཀོང་ཏུང་འཐུས་མི་ཚོགས་པའི་གྲོས་ཞིབ་ལ་ཞུགས་སྐབས་གནང་བའི་གསུང་བཤད།

       སྤྱི་ཚོགས་བཅོས་སྐྱོང་འཕེར་པོ་དང་སྤྱི་ཚོགས་སྒྲིག་ལམ་བཟང་པོ་ཆགས་པ་བྱས་ནས། སྤྱི་ཚོགས་དྲང་སྙོམས་དྲང་བདེན་ཡོང་བར་སྐུལ་སྤེལ་གཏོང་བ་དང་། མི་དམངས་མང་ཚོགས་བདེ་སྡོད་ལས་བརྩོན་དང་། ཐོབ་སྣང་སྐྱིད་སྣང་བདེ་སྣང་གསུམ་སྔར་ལས་ཕུན་སུམ་ཚོགས་པ་དང་། སྔར་ལས་འགན་སྲུང་ཡོད་པ། སྔར་ལས་རྒྱུན་མཐུད་རུང་བ་བཅས་བྱེད་དགོས། སྤྱི་ཚོགས་བཅོས་སྐྱོང་སྒྲིག་སྲོལ་གསར་གཏོད་བྱས་ཏེ། ཐོན་ཁུངས་དང་། ཞབས་ཞུ། དོ་དམ་བཅས་གཞི་རིམ་དུ་འཇོག་པ་དང་། གཞི་རིམ་བཅོས་སྐྱོང་དེ་གཞི་རིམ་གྱི་ཏང་འཛུགས་སྐྲུན་དང་ཟུང་འབྲེལ་བྱེད་པ། ཕྱི་ནས་ཡོང་བའི་མི་འབོར་སྤྱི་ཚོགས་བཅོས་སྐྱོང་ནང་ཞུགས་པའི་ཐབས་ལམ་དང་བྱེད་སྟངས་རྒྱ་སྐྱེད་བཏང་ནས། སྤྱི་ཚོགས་བཅོས་སྐྱོང་ཐད་མི་ཚང་མ་ཞུགས་པ་དང་མི་ཚང་མས་རང་འགན་གཙང་སྒྲུབ་བྱེད་པའི་རྣམ་པ་བཟང་པོ་མགྱོགས་པོར་ཆགས་པ་བྱེད་དགོས། ཁྲིམས་སྐྱོང་གི་ལམ་བུའི་ཐོག་སྤྱི་ཚོགས་ཀྱི་སྟོབས་ཤུགས་གཅིག་འདོམས་དང་། སྤྱི་ཚོགས་ཀྱི་ཁེ་ཕན་དོ་མཉམ། སྤྱི་ཚོགས་ཀྱི་འབྲེལ་བ་སྙོམ་སྒྲིག སྤྱི་ཚོགས་ཀྱི་བྱ་སྤྱོད་ཚད་ལྡན་དུ་གཏོང་བ། སྤྱི་ཚོགས་ཀྱི་འགལ་བ་སེལ་བ་བཅས་རྒྱུན་འཁྱོངས་བྱེད་པ་དང་། བཅའ་ཁྲིམས་བཟང་པོར་བརྟེན་ནས་འཕེལ་རྒྱས་ལ་སྐུལ་འདེད་དང་བཅོས་སྐྱོང་ཡག་པོ་བྱས་ཏེ། ཁྲིམས་འཛིན་གྱོད་གཞི་རེ་རེའི་ནང་མི་དམངས་མང་ཚོགས་ལ་དྲང་སྙོམས་དྲང་བདེན་གྱི་ཚོར་སྣང་ཐོབ་པ་བྱེད་ཅིང་། ཁྲིམས་བཀུར་ཁྲིམས་སྦྱོང་ཁྲིམས་སྲུང་ཁྲིམས་སྤྱོད་བཅས་བྱ་རྒྱུ་དེ་རྒྱ་ཆེའི་མི་དམངས་མང་ཚོགས་ཀྱི་ཐུན་མོང་གི་དོན་གཉེར་དུ་འགྱུར་བར་བྱེད་པ་དང་། འཕོ་འགྱུར་ཆེན་པོ་བྱུང་བའི་ཁྲོད་སྤྱི་ཚོགས་ལ་སྐྱེ་སྟོབས་ཀྱི་དཔལ་འབར་ཞིང་གོ་རིམ་ལྡན་པའི་འགན་ལེན་བྱེད་དགོས།