«ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་ཐུབ་པའི་རྒྱལ་ཁ་ཕུ་ཐག་ཆོད་པར་བླངས་ཏེ། དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རྒྱལ་ཁ་རླབས་པོ་ཆེ་བརྩོན་ལེན་བྱེད་དགོས།»

       དམག་དཔུང་གིས་འཐབ་འཛིང་བྱེད་པར་གྲ་སྒྲིག་བྱེད་དགོས་པས། ལས་དོན་ཐམས་ཅད་ལ་ངེས་པར་དུ་འཐབ་འཛིང་བྱེད་ནུས་ཀྱི་ཚད་གཞི་རྒྱུན་འཁྱོངས་བྱས་ཏེ། དམག་འཁྲུག་རྒྱག་ཐུབ་པ་དང་རྒྱལ་ཁ་ལེན་ཐུབ་པའི་ཕྱོགས་སུ་རྩེ་གཅིག་ཏུ་དམིགས་དགོས། འཐབ་ཇུས་ཀྱི་ཁ་ཕྱོགས་སོ་སོའི་དམག་དོན་འཐབ་རྩོད་ཀྱི་གྲ་སྒྲིག་ཏན་ཏིག་བྱེད་པ་དང་། སྲོལ་རྒྱུན་གྱི་བདེ་འཇགས་ཁྱབ་ཁོངས་དང་བདེ་འཇགས་ཁྱབ་ཁོངས་དཔེ་གསར་ཅན་གྱི་དམག་དོན་འཐབ་རྩོད་ཀྱི་གྲ་སྒྲིག་གཅིག་འདོམས་ཀྱིས་སྐུལ་འདེད་བཏང་སྟེ། དམག་འཐབ་ཀྱི་སྟོབས་ཤུགས་དང་འགན་སྲུང་གི་སྟོབས་ཤུགས་དཔེ་གསར་ཅན་འཕེལ་རྒྱས་གཏོང་བ་དང་། དངོས་འཐབ་ཅན་གྱི་དམག་དོན་སྦྱོང་བརྡར་སྤེལ་བ། དམག་དོན་སྟོབས་ཤུགས་བཀོལ་སྤྱོད་ལ་ཤུགས་རྒྱག་པ། དམག་དོན་རིག་ནུས་ཅན་དུ་འཕེལ་རྒྱས་མགྱོགས་པོར་གཏོང་བ། དྲ་རྒྱའི་ཆ་འཕྲིན་མ་ལག་ལ་བརྟེན་པའི་མཉམ་འབྲེལ་དམག་འཐབ་ཀྱི་ནུས་པ་དང་ཁྱབ་ཁོངས་ཡོངས་ཀྱི་དམག་འཐབ་ནུས་པ་ཆེ་རུ་གཏོང་བ། དོན་འབྲས་ལྡན་པའི་སྒོ་ནས་ཉམས་སྟབས་གཏོད་པ་དང་། ཉམས་ཉེན་ལྟ་སྡོམ། དམག་འཁྲུག་བཀག་འགོག། དམག་འཁྲུག་ལས་རྒྱལ་བ་བཅས་བྱེད་དགོས།