དམག་ཡོངས་ཀྱི་གོ་མཚོན་ལས་དོན་གྱི་གྲོས་ཚོགས་ཐོག་གནང་བའི་གསུང་བཤད།

       གོ་མཚོན་སྒྲིག་ཆས་ནི་དམག་དཔུང་དེང་རབས་ཅན་དུ་འགྱུར་བའི་མཚོན་རྟགས་གལ་ཆེན་ཞིག་དང་། རྒྱལ་ཁབ་བདེ་འཇགས་དང་མི་རིགས་བསྐྱར་དར་ཡོང་བའི་འདེགས་སྐྱོར་གལ་ཆེན་ཞིག་ཡིན། སྔོན་ཐོན་སྒྲིག་ཆས་སྟངས་འཛིན་བྱེད་པའི་མི་དམངས་དམག་དཔུང་ཞིག་འཛུགས་སྐྲུན་བྱ་རྒྱུ་ནི་ང་ཚོའི་ཏང་གིས་ཧུར་ཐག་འབད་ཐག་གིས་དོན་གཉེར་བྱེད་པའི་དམིགས་འབེན་ཡིན། དམག་འཁྲུག་ལ་རྒྱལ་ཁ་ཐོབ་པའི་གནད་དོན་ཐད་མི་ནི་རྒྱལ་ཕམ་ཐག་གཅོད་བྱེད་པའི་རྒྱུ་རྐྱེན་ཡིན། དུས་མཚུངས་སུ་དམག་དོན་ལག་རྩལ་རྒྱུན་ཆད་མེད་པར་གོང་དུ་འཕེལ་བ་དང་བསྟུན་ནས། སྒྲིག་ཆས་ཀྱི་གལ་ཆེན་རང་བཞིན་ཇེ་ཆེར་འགྲོ་བཞིན་ཡོད་པ་དང་། མིའི་རྒྱུ་རྐྱེན་དང་སྒྲིག་ཆས་རྒྱུ་རྐྱེན་ཟུང་འབྲེལ་ཇེ་དམ་དུ་འགྲོ་བཞིན་ཡོད་ཅིང་། མི་དང་སྒྲིག་ཆས་ཚད་མཐོའི་གཞི་གཅིག་ཅན་དུ་གྱུར་ཡོད་པས། སྒྲིག་ཆས་ཀྱི་རྒྱུ་རྐྱེན་ལ་མཐོང་ཆེན་བྱེད་པ་དེའང་མིའི་རྒྱུ་རྐྱེན་ལ་མཐོང་ཆེན་བྱེད་པ་ཞིག་ཡིན།