«ཕྱོགས་ཡོངས་ནས་བསྒྱུར་བཅོས་ལ་བརྟེན་ནས་དམག་དཔུང་སྟོབས་ལྡན་དུ་གཏོང་བའི་འཐབ་ཇུས་ལག་བསྟར་བྱས་ཏེ། བློ་བརྟན་འགྱུར་མེད་ཀྱིས་ཀྲུང་གོའི་ཁྱད་ཆོས་ལྡན་པའི་དམག་དཔུང་སྟོབས་ལྡན་དུ་གཏོང་བའི་འགྲོ་ལམ་དུ་བསྐྱོད་དགོས།»

       ད་ལྟ་རང་རྒྱལ་འདི་ཉིད་ཆེ་བ་ནས་སྟོབས་ལྡན་དུ་འགྱུར་བའི་འཕེལ་རྒྱས་ཀྱི་འགག་རྩའི་དུས་རིམ་དུ་སླེབས་ཤིང་། རྒྱལ་སྲུང་དང་དམག་དཔུང་འཛུགས་སྐྲུན་བྱ་རྒྱུ་དེ་ལོ་རྒྱུས་ཀྱི་འགོ་ཚུགས་ས་གསར་པའི་ཐོག་གནས་ཡོད་པས་མིག་རྒྱང་རིང་པོས་འཛམ་གླིང་ལ་ལྟ་བ་དང་། ཁྱོན་ཡོངས་ལྟ་ཞིབ་དང་དུས་དཔག་བབ་བསྟུན་བྱེད་དགོས་ལ། ང་ཚོས་ངེས་པར་དུ་བློ་རིག་དང་བློ་སྟོབས་སྔར་ལས་ཆེ་བར་བརྟེན་ནས་རྒྱལ་སྲུང་དང་དམག་དཔུང་བསྒྱུར་བཅོས་ཟབ་སྤེལ་བྱེད་དགོས། འདི་ནི་ཀྲུང་གོའི་ཕུགས་འདུན་དང་དམག་དཔུང་སྟོབས་ལྡན་དུ་གཏོང་བའི་ཕུགས་འདུན་མངོན་འགྱུར་བྱེད་པའི་དུས་རབས་ཀྱི་བླང་བྱ་ཡིན་ཞིང་། དམག་དཔུང་སྟོབས་ལྡན་དང་དར་རྒྱས་སུ་གཏོང་བའི་འགྲོ་ལམ་ལྡོག་མེད་ཡིན་ལ། དམག་དཔུང་གི་མ་འོངས་པ་ཐག་གཅོད་བྱེད་པའི་འགག་རྩའི་ཐབས་ཤེས་ཤིག་ཀྱང་ཡིན།