«རྒྱལ་སྲུང་དང་དམག་དཔུང་འཛུགས་སྐྲུན་ཁྲིམས་སྐྱོང་ཅན་དུ་འགྱུར་བའི་ཆུ་ཚད་མཐོ་རུ་གཏོང་དགོས།»

       ཁྲིམས་སྐྱོང་གི་བླང་བྱ་ལྟར་དམག་དཔུང་སྐྱོང་སྟངས་བསྒྱུར་དགོས། ཁྲིམས་ལྟར་དམག་དཔུང་སྐྱོང་བ་དང་དམག་དཔུང་ནན་སྐྱོང་བྱེད་པར་སྐུལ་འདེད་གཏིང་ཟབ་གཏོང་བ་དེས་ང་ཚོར་དམག་དཔུང་སྐྱོང་སྟངས་ལ་འཕོ་འགྱུར་གཏིང་ཟབ་གཏོང་བའི་བླང་བྱ་བཏོན་ཡོད། རིམ་པ་ཁག་གིས་ཁྲིམས་བཀོད་འགན་འཁྲིའི་དབང་མཚམས་ལ་ནན་པོར་གཞིགས་ཏེ། ལས་དོན་དམ་འཛིན་ཡག་པོ་བྱེད་པ་དང་། རྩ་བའི་རང་བཞིན་ལྡན་པའི་འཕོ་འགྱུར་གསུམ་མངོན་འགྱུར་གང་ཐུབ་བྱེད་དགོས་ཏེ། སྲིད་འཛིན་གྱི་བཀའ་རྒྱ་ཁོ་ནར་བརྟེན་པའི་བྱེད་སྟངས་ནས་ཁྲིམས་ལྟར་སྲིད་འཛིན་བྱེད་པའི་རྩ་བའི་རང་བཞིན་གྱི་འཕོ་འགྱུར་འབྱུང་བ་དང་གཅིག གོམས་སྲོལ་དང་ཉམས་མྱོང་ཁོ་ནར་བརྟེན་ནས་ལས་ཀ་བྱེད་སྟངས་ནས་ཁྲིམས་སྲོལ་དང་ལམ་ལུགས་ལ་བརྟེན་ནས་ལས་ཀ་བྱེད་པའི་རྩ་བའི་རང་བཞིན་གྱི་འཕོ་འགྱུར་འབྱུང་བ་དང་གཉིས། འཕྲལ་རྒོལ་དང་འགུལ་སྐྱོད་ལྟར་ལས་ཀ་དམ་འཛིན་བྱེད་སྟངས་ནས་བཀའ་བཅད་དང་སྲོལ་ཡིག་ལྟར་བྱ་བ་སྒྲུབ་པའི་རྩ་བའི་རང་བཞིན་གྱི་འཕོ་འགྱུར་འབྱུང་བ་དང་གསུམ་སྟེ། དམག་ཡོངས་སུ་ཏང་ཨུས་ཁྲིམས་ལྟར་ཇུས་ཐག་གཅོད་པ་དང་། ལས་ཁུངས་ཀྱིས་ཁྲིམས་ལྟར་མཛུབ་སྟོན་བྱེད་པ། དམག་དཔུང་གིས་ཁྲིམས་ལྟར་བྱ་སྤྱོད་སྤེལ་བ། དཔོན་དམག་གིས་ཁྲིམས་ལྟར་འགན་འཁྲི་སྒྲུབ་པ་བཅས་ཀྱི་རྣམ་པ་བཟང་པོ་ཆགས་པར་བྱེད་དགོས།