༄༅། །གངས་རྒྱན་རྟགས་མའི་རྒྱལ་ཡོངས་བོད་ཡིག་རྩོམ་རིག་གསར་རྩོམ་བྱ་དགའ་སྐབས་བཞི་པའི་མཐའ་འདེམས་ཀྱི་བརྩམས་ཆོས་སྤྱི་བསྒྲགས།

       ༢༠༢༥ལོའི་ཟླ་བ༩པའི་ཚེས༢༠ཉིན། གངས་རྒྱན་རྟགས་མའི་རྒྱལ་ཡོངས་བོད་ཡིག་རྩོམ་རིག་གསར་རྩོམ་བྱ་དགའ་སྐབས་བཞི་པའི་མཐའ་འདེམས་ཚོགས་འདུ་ཟླ་བ༩པའི་ཚེས༢༥ནས་ཚེས༢༨ཉིན། ཟི་ཁྲོན་ཞིང་ཆེན་རྔ་བ་ཁུལ་འབར་ཁམས་གྲོང་ཁྱེར་དུ་འཚོགས་ཤིང་། ཀྲུའུ་རེན་ཨུ་ཡོན་མཁས་གྲུབ་ཆོས་འཕེལ་གྱིས་ཚོགས་འདུ་གཙོ་སྐྱོང་གནང་། དཔྱད་འདེམས་པ་ཚོས་ཟླ་བ་གཅིག་གི་རིང་ནན་ཏན་ངང་བརྩམས་ཆོས་རེ་རེ་བཞིན་དཔྱད་ཞིབ་བྱས་པ་བརྒྱུད། ཡོངས་བསྒྲགས་དང་། དྲང་གཞག བཏང་སྙོམས་ཀྱི་རྩ་དོན་གཞིར་བཟུང་། དོ་ནན་ལ་ཞིབ་ཚགས་པའི་དཔྱད་གླེང་དང་གྲོས་བསྡུར་ཐེངས་མང་གནང་མཐར། མིང་མ་བཀོད་པའི་འདེམས་ཤོག་འཕངས་ནས་བརྩམས་ཆོས་བདུན་མཐའ་འདེམས་སུ་བདམས་ཡོད།
དཔྱད་འདེམས་ཨུ་ལྷན།
       མཁས་གྲུབ་ཆོས་འཕེལ། བཀྲ་བྷ། བཀྲ་ཤིས་དོན་གྲུབ། བདུད་ལྷ་རྒྱལ། མཁའ་འགྲོ་ཚེ་རིང་། ཕྱག་རྡོར་ཚེ་རིང་། སྤེན་པ་དོན་གྲུབ། བསོད་བསྟན། ལྷ་གཡང་ནོར་བུ། དཔལ་རྒྱམ།
མཐའ་འདེམས་སུ་ཚུད་པའི་བརྩམས་ཆོས།
       ༡ བརྩམས་སྒྲུང་རིང་གྲས།
       «གཡུ་ཆུང་དྲུག་དཀར» ཚེ་རིང་གཡུ་སྒྲོན།
       ༢ བརྩམས་སྒྲུང་འབྲིང་ཐུང་ཕྱོགས་བསྒྲིགས།
       «ཆུ་བོ་ལོ་ཧི་ཏའི་འགྲམ་ངོགས» ནམ་མཁའ་བཀྲ་ཤིས།
       «སྦས་ཡུལ» གཡུ་རྔོག་ཚེ་བཀྲ།
       ༣ ལྷུག་རྩོམ་ཕྱོགས་བསྒྲིགས།
       «རང་ཡུལ་རང་གིས་བསྐོར་བའི་སྐྱིད་སྡུག»(༡-༤) གངས་དབང་།
       «ཉྭ་ནག་པ་བ་རེས་ཀྱི་ལྷུག་རྩོམ»(༡-༣) ཉྭ་ནག་པ་བ་རེས།
       ༤ སྙན་ངག་ཕྱོགས་བསྒྲིགས།
       «ཆུའི་ལང་ཚོ» འཆི་མེད།
       «དབྱངས་གསལ་གན་མཛོད» དཔལ་ལྡན་རྒྱ་མཚོ།
       ༥ སྙན་ཞུའི་རྩོམ་ཡིག་རིང་གྲས།
       སྟོང་པར་ལུས།