དཔལ་དོན་གྲུབ་རྒྱལ་རྗེས་དྲན་གྱི་སྙན་ངག་གྱེར་འདོན་འགྲན་བསྡུར་ནག་ཆུ་གྲོང་ཁྱེར་དུ་སྤེལ།

རྩོམ་པ་པོ།:ཧོར་བུ་བཀྲ་རྡོར། ཡོང་ཁུངས།:མཚོ་སྔོན་པོ་དྲ་བ། དུས་ཚོད།:2019-12-04 10:26:01 ཀློག་གྲངས།:
     སྤྱི་ཟླ12པའི་ཚེས1ཉིན། ནག་ཆུའི་ཕ་ཁྱིམ་དང་པོས་གཙོ་གཉེར་བྱས་པའི་དཔལ་དོན་གྲུབ་རྒྱལ་རྗེས་དྲན་གྱི་སྙན་ངག་གྱེར་འདོན་འགྲན་བསྡུར་དེ་ནག་ཆུ་གྲོང་ཁྱེར་དུ་བདེ་བླག་ངང་སྤེལ་ཐུབ་པ་བྱུང་། 
     ཐེངས་འདིའི་བྱེད་སྒོའི་དཔྱད་འདེམས་པ་ནི་དེང་རབས་ལྷུག་རྩོམ་རིགས་ཀྱི་རྩོམ་པ་པོ་རྒན་སོག་རུ་ཀརྨ་ཀུན་ཁྱབ་ལགས་དང་ནག་ཆུ་གྲོང་ཁྱེར་བརྙན་འཕྲིན་ལས་ཁུངས་ཀྱི་མདོ་འཛིན་པ་རྒན་མིག་དམར་རྒོད་སྐྱེས་ལགས། གཞོན་སྐྱེས་རྩོམ་པ་པོ་བློ་བཟང་ཀུན་མཁྱེན་དང་ཆམ་མེ་སོགས་ལ་བཀའ་དྲིན་ཤིན་ཏུ་ཆེ་ཞེས་ཞུ་རྒྱུ་ཡིན།
     ཐེངས་འདིར་སྙན་ངག་གྱེར་འདོན་མཁན་མི་བདུན་ཡོད་པ་དང་། ཨང་དང་པོ་ནས་གསུམ་པ་མི་རེ་དང་གཞན་གསུམ་ལ་ཐོན་རྫས་ཆུང་ཆུང་གི་ལག་རྟགས་སྤྲད་ཡོད།
     སླད་ཕྱིན་འདི་ལྟ་བུའི་མི་རིགས་རང་གི་སྐད་དང་ཡི་གེ སྲོལ་རྒྱུན་རིག་གནས་སོགས་རྒྱབ་ཁབ་ཀྱིས་མཐོང་ཆེན་བྱེད་ཀྱིན་པ་རྣམས་ལ་མ་ཉམས་གོང་འཕེལ་དང་ཉམས་པ་སླར་གསོ་ཡོང་ཆེད། རིགས་གཅིག་རྐང་འཛིན་གདན་དྲངས་ནས་འཚོག་གང་ཐུབ་བྱ་རྒྱུ་ཡིན་པས། ལྷན་རྒྱས་ཀྱིས་རྒྱབ་བསྐྱོར་ཅིས་ཀྱང་གནང་རོགས་ཞུ།
འབྲེལ་ཡོད་འོས་སྦྱོར།

འབྲེལ་གཏུག་ཁ་པར།:0974-8512858

འཕྲིན་སྐུར་ཡིག་ཟམ།:amdotibet@163.com

མཚོ་སྔོན་པོའི་ཞོགས་ཟེར།